Свет
Француска двојка казнета за носење облека со поддршка на „Жолтите елеци“

Полицијата во Париз во саботата казнила француска двојка за носење облека што ја поддржува политиката за референдум инициран од граѓаните (РИЦ) за кој се залага движењето „Жолти елеци“, пренесува „Ле фигаро“.
Двојката Жером и Беатрис добила глоба во близина на Триумфалната порта бидејќи едниот од нив носел џемпер на кој пишува „Да, за РИЦ, реков ‘да’ за референдум инициран од граѓаните“.
Полицијата ѝ рекла на двојката дека протестот е забранет во областа и дека пораката на облеката претставува повреда на забраната за протест. Потоа ги казнила со парична казна од по 135 евра, но тие не ја платиле казната.
„Ова е злоупотреба на моќта“, рече Жером и додаде: „Ние веќе немаме право да се изразиме слободно во Франција“.
Неговата партнерка Беатрис изјави: „Не планиравме да демонстрираме на Елисејските полиња, отидовме кон метрото, но тие не сакаа да слушнат. Дури им предложивме и да го тргнеме џемперот, но тие одбија“.
Двојката вели дека ќе продолжи да одбива да ја плати казната и дека контактирале со адвокат за да го разгледаат случајот.
Политиката на РИЦ е еден од главните столбови на движењето „Жолти елеци“, кое одржува протести веќе 19. недела. Според РИЦ, на јавноста ќе ѝ биде дозволено да носи закони без француското национално собрание. како и да одржува референдуми за укинување на законите. Некои дури предлагаат користење на РИЦ за да ги отстранат непопуларните политичари од функцијата, па дури и да донесат амандмани на самиот француски устав.
Викендов првпат треба да бидат распоредени француски војници на протестот на „Жолтите елеци“ и веројатно ќе им биде дозволено да го користат огненото оружје.
Една анкета спроведена во јануари покажа дека 80 отсто од Французите го поддржуваат предлогот на РИЦ, а повеќето поддржувачи доаѓаат од популистичката партија на Марин Ле Пен и екстремно левата Непокорлива Франција на Жан-Лук Меленшон.
Во анкетата објавена минатата недела поддржувачи на Ле Пен и Меленшон беа најмногубројни во поддршката на идејата дека целосната револуција би можела да биде легитимен начин да се влијае на социјалните промени во Франција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Јапонија ќе гради високоавтоматизирани воени бродови за Австралија

Јапонија денеска потпиша договор вреден 10 милијарди австралиски долари за изградба на воени бродови од следната генерација за Австралија, што претставува најзначајна продажба на јапонска одбранбена технологија од укинувањето на забраната за извоз на воена опрема во 2014 година – чекор што го оддалечува Токио од поствоениот пацифизам.
Според договорот, компанијата Mitsubishi Heavy Industries од 2029 година ќе ѝ испорачува на Кралската австралиска морнарица надградени повеќенаменски фрегати од класата Mogami.
Овие високоавтоматизирани воени бродови, дизајнирани за лов на подморници, напад на бродови и противвоздушна одбрана, ќе може да се управуваат со само 90 морнари – помалку од половина од екипажот потребен за сегашните бродови.
Австралија планира да ги распореди новите бродови за одбрана на клучните поморски трговски рути и северните морски подрачја кон Индискиот и Тихиот Океан, каде што Кина сè повеќе ги зголемува својата присутност и активностите.
Регион
(Видео) Српски министер доживеа мозочен удар во емисија во живо

На српскиот министер за јавни инвестиции Дарко Глишиќ утрово му се слоши за време на гостувањето во утринската програма на телевизијата „Пинк“. Емисијата беше нагло прекината, а неофицијално се знае дека станува збор за тежок мозочен удар.
Глишиќ беше гостин во утринската програма на телевизијата „Пинк“, но одеднаш почна да пелтечи и не можеше да изговори ниеден цел збор. Водителите го прашаа неколкупати дали се чувствува добро, но тој не можеше да одговори, па програмата беше прекината.
UDARNO: Hitno prekinut program na Pinku! Glišić se šlogirao u sred emisije?!
Ministru za javna ulaganja Darku Glišiću naglo je pozlilo uživo u jutarnjem programu na Pinku. pic.twitter.com/otIuN977tP
— Mario ZNA (@MarioBojic) August 5, 2025
Министерот за здравство Златибор Лончар изјави дека состојбата на Глишиќ е сериозна и дека тој бил донесен во Ургентниот центар во несвесна состојба.
Глишиќ беше итно префрлен во болница, каде што набргу пристигна српскиот претседател Александар Вучиќ. Глишиќ се смета за еден од неговите најблиски соработници.
Дарко Глишиќ е министер во владата на Србија од мај 2024 година. Тој е член на Српската напредна партија од нејзиното основање, а од 2016 година е претседател на Извршниот одбор на СНС.
Српскиот претседател Александар Вучиќ објави заедничка фотографија на својот инстаграм-профил со министерот и напиша: „Даре, држи се! Нема предавање“.
View this post on Instagram
Фото: Принтскрин
Свет
Ердоган доаѓа во Киев на покана од Зеленски – набргу нова рунда преговори?

Претседателот на Турција, Реџеп Таип Ердоган, во наредните денови ќе ја посети украинската престолнина Киев на покана на украинскиот претседател Володимир Зеленски, пренесува агенцијата Turkiye Gazetesi повикувајќи се на украинскиот амбасадор во Анкара, Нариман Џелјал.
Амбасадорот Џелјал најави дека еден од главните фокуси на средбата ќе биде ратификацијата на договорот за слободна трговија помеѓу Турција и Украина.
Очекувањата се дека разговорите ќе го опфатат и ангажманот на Анкара за мирно решавање на војната во Украина.
По трите претходни рунди преговори што се одржаа во Истанбул, Ердоган изрази оптимизам дека набргу може да се случи нова рунда преговори меѓу Украина и Русија насочена кон ставање крај на конфликтот.
Третата рунда разговори беше одржана на 23 јули во Истанбул. Беше договорена размена на затвореници, но не беше постигнат значаен напредок кон прекин на огнот.
Ердоган неколкупати изјави дека Турција е подготвена да организира средба на високо ниво штом бидат создадени потребните услови. Потенцијалната средба меѓу рускиот претседател Владимир Путин и украинскиот претседател Володимир Зеленски би била прва директна средба по 2019 година кога дискутираа за прекин на борбите во источниот регион Донбас.
Претседателот на САД, Доналд Трамп, исто така потврдил дека би присуствувал на таков состанок доколку до него дојде.
Путин неодамна изрази подготвеност да се сретне со Зеленски, веднаш штом двете делегации ги завршат неопходните подготовки.