Спорт
„Ѕверот“ Харден со 50 поени по деветти пат оваа сезона (видео)
Џејмс Харден имаше 50 поени и трипл-дабл за Хјустон рокитс да ги совладаат Сакраменто кингс со 119:108 во „Тојота центарот“. Ова беше неверојатен деветти меч во кој „брадата“ имаше 50 поени, завршувајќи го мечот и со 11 скока и 10 асистенции.
Рокитс имаа 101:100 водство во средината на последната четвртина, пред Харден да погоди три слободни фрлања, да положи двапати и да додаде тројка за предноста да ја направи 111:102. Клинт Капела додаде 24 поени и 15 скока, а Крис Пол 22 поени и 5 асистенции за Рокитс за официјално да ги елиминираат Кингс од плеј-офот
Мајами хит повторно победија на гостувањето во „Медисон сквер гарден“, триумфирајќи со 100:92 над Њујорк никс предводени од Дион Вејтерс, кој имаше 28 поени и шест асистенции. Хит (38-38) го држат осмото место во Истокот, последно кое води во плеј-офот, за да победат вторпат во низа првпат од 27 јануари.
Мајами добија дабл-дабл од Горан Драгиќ (10 поени, 10 асистенции), Кели Олиник (12 поени, 11 скока) и Хасан Вајтсајд (17 поени, 13 скока).
НБА РЕЗУЛТАТИ
Бруклин – Бостон 110:96
Хјустон – Сакраменто 119:108
Детроит – Портланд 99:90
Индијана – Орландо 116:121
Њујорк – Мајами 92:100
Чикаго – Торонто 101:124
Минесота – Филаделфија 109:118
Феникс – Мемфис 115:120
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Борусија е во финалето на ЛШ – Хумелс го замолкна Париз
Фудбалерите на Борусија Дортмуд први изборија пласман во финалето на Лаигата на шампиони. „Милионерите“ и во реваншот го совладаа ПСЖ со 1:0. Стрелец на единствениот гол во Париз беше Матс Хумелс во 50.минута. Борусија по пауза ид 11 години е се бори за европската круна. Противник во финалето на „Вембли“ ќе и биде подобриот од второто полуфинале меѓу Реал Мадрид и Баерн Минхен.
ПСЖ имаше повеќе од играта, напаѓаше во првото полувреме, а во офанзива тргнаа во вториот дел, но Килијан Мбапе и соиграчите немаа доволно спортска среќа. Дури четири пати во второто полувреме ја погодија рамката од голот – двапати стативата и исто толку гредата.
И во првиот натпревар Французите двапати ја погодија стативата (Мбапе и Хакими), но ќе остане запишано дека во 180 минути не успеаја ниту еднаш да го совладаат голманот на Борусија, Кобел.
Стрелец на единствениот гол беше ветеранот Матс Хумелс во 50. минута. Јулијан Бранд одлично изведе корнер, а искусниот дефанзивец со глава го совлада Џиџи Донарума.
Спорт
Нан го однесе ПАО на завршниот турнир во Берлин
Кошаркарите на Панатинаикос по пауза од 12 години изборија пласман на завршниот турнир во Евролигата. Вечерва пред 20.000 навивачи во „ОАКА“, Панатинаикос ја доби мајсторката против Макаби со 81:72.
Панатинаикос клучната предност ја направи во воведните четири минути од последната четвртина, период во кој Макаби постигна само два поени.
Големо влијани врз конечниот резултат имаше и односот на слободните фрлања, Панатинаикос изведе 35, Макаби само 10.
Најефикасен во победата на Панатинаикос беше Кендрик Нан со 26 поени, Костас Слукас имаше уште една добра партија со 15 поени и шест скока, додека Хуанчо Ерненгомес постигна 11 поени. Матијас Лесор беше блиску до дабл-дабл учинок со девет поени и 11 скока. Францускиот центар од линијата за слободни фрлања погоди три пати од 14 обиди.
Кај Макаби најефикасен беше Лоренцо Браун со 17 поени.
На завршниот турнир во Берлин од 24 до 26 мај, Панатинаикос во полуфиналето ќе игра против победникот од четвртфиналето меѓу Монако и Фенербахче.
Спорт
Сашко Кедев на Велигден го искачи Макалу (8.485), петтиот највисок врв на светот
Кардиологот и алпинист Сашко Кедев утрото на Велигден се искачи на врвот Макалу кој е висок 8.485 метри и е петти највисок планински врз во светот.
Кедев со експедиција од четворица меѓународни алпинисти и петмина шерпаси се искачи на Макалу. Тој е првиот акедонец кој се искачил на овој врв.
Беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година.
Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126).