Европа
Комичарот Зеленски со предност пред Порошенко пред вториот круг на изборите во Украина
![](https://makfax.com.mk/wp-content/uploads/2019/03/download-5.jpeg)
На претседателските избори во Украина, по пребројувањето на повеќе од 50 отсто од гласовите, води комичарот Володомир Зеленски со 30,2 отсто од гласовите, додека актуелниот претседател, Петро Порошенко, е на второто место со освоени 16,6 проценти од преброените гласови.
Поранешната премиерка Јулија Тимошенко се најде на третото место со 13 отсто од гласовите, објави агенцијата АП.
Од вкупно 39 кандидати во првиот круг, според овие резултати, силите во вториот ќе ги одмерат Зеленски и Порошенко.
„Сакам да им кажам благодарам на сите Украинци кои не гласаа само на шега“, рече Зеленски, додавајќи дека ова е само почеток и дека не постои простор за опуштање.
„Ние сме млади луѓе. Не сакаме да го гледаме сè она од минатото во нашата иднина“, додаде Зеленски (41), актер кој глуми претседател во популарна комична ТВ серија.
Порошенко во однос на резултатите кажа дека тие претставуваат „сериозна лекција“, особено за помладите гласачи и побара нивна поддршка во вториот круг.
„Гледате промени во земјата, но сакате да бидат побрзи, подлабоки и поквалитетни. Ги разбирам мотивите зад вашиот протест“, рече Порошенко, кој настојува да го прикаже Зеленски како некадарен да ја претставува Украина во странство, посебно во однос на преговорите со Путин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Полска ги подигна борбените авиони
![](https://makfax.com.mk/wp-content/uploads/2024/03/voeni-avioni-polska.jpg)
Полска ги подигна борбените авиони за да го заштити својот воздушен простор откако Русија го изврши најсмртоносниот напад оваа година врз Украина.
Авионите беа лансирани откако руските авиони „повторно почнаа да испалуваат проектили кон Украина“, соопшти полското воено воздухопловство на мрежата Икс.
Европа
Италија ја обвини Русија дека извршила воено злосторство со нападот на детска болница
![](https://makfax.com.mk/wp-content/uploads/2024/07/Screenshot-2024-07-08-160716.jpg)
Италија ја обвини Русија дека извршила воено злосторство за време на ракетните напади што го погодија главниот град на Украина и оштетија детска болница.
Италијанскиот министер за надворешни работи Антонио Тајани повика на меѓународна осуда на Русија.
„Изненаден сум од сликите од бомбардирањето во Киев, кога беше погодена и детска болница. Тоа се воени злосторства кои мора да бидат осудени од целата меѓународна заедница“, напиша Тајани на X, додавајќи дека италијанската влада „ќе продолжи да го брани суверенитетот на Украина и нејзиниот народ“.
Бројот на загинати се искачи на 31
Бројот на загинати во денешните руски напади се искачи на 31, а повеќе од 150 лица се повредени, соопштија украинските власти.
Последните извештаи велат дека 17 лица загинале во главниот град Киев, од кои две во детската болница, а уште 11 на неколку места во регионот Дњепропетровск.
Европа
Орбан воведе придонеси за одбрана на банките и големите компании: „Мораме да ја зајакнеме армијата“
![](https://makfax.com.mk/wp-content/uploads/2024/07/ungarska-armija.jpg)
Унгарската влада воведе обврска за банките, енергетиката и мултинационалните компании да плаќаат придонеси за финансирање на одбраната, изјави шефот на кабинетот на премиерот Виктор Орбан.
Унгарија во мај 2022 година воведе дополнителен данок на добивка од 2,8 отсто за банките, осигурителите, малопродажните и енергетските компании, телекомуникациите и авиокомпаниите велејќи дека ќе ги искористи приходите за поддршка на комуналните услуги и за финансирање на одбраната во услови на скокови на цените поради руската инвазија на Украина.
„Војната се одолжува, нема знаци на подобрување на политиката на санкции што ја спроведува Брисел и тоа ќе доведе до драстично зголемување на цените“, рече Орбан во мај 2022 година.
Унгарија ги регулира цените на енергенсите за домаќинствата, па комуналните претпријатија беа под притисок и мора „веднаш да ја зајакнат армијата“, рече унгарскиот премие додавајќи дека трошоците ќе се финансираат од данокот на дополнителна добивка што ќе се собира за 2022 година и 2023 година.
Во 2024 година даночната стапка на дополнителна добивка требаше да се намали од 2,8 на еден процент, при што владата забележа дека инвестициите и истражувањето ќе бидат услов.
Денеска, владата објави дека компаниите и оваа година ќе плаќаат дополнителен данок на добивка со стапка од 2,8 отсто, изјави шефот на кабинетот на премиерот Виктор Орбан, Гергели Гуљас.