Македонија
„Талир” никако да почне: Адвокатите немале 26 изјави на сведоци
Во Кривичниот суд во Скопје повторно по четврти пат беше одложено судењето за незаконско финансирање на партијата ВМРО-ДПМНЕ во предметот „Талир” на СЈО.
Адвокатката на обвинетите, Сања Алексиќ, на почетокот од рочиштето побара судењето да биде одложено бидејќи им недостогале изјави на 26 сведоци во постапката. Обвинителката Ленче Ристоска рече дека вчера ги контактирале адвокатите на обвинетите во предметот и побарале одлагање на денешното рочиште. СЈО констатирало дека на одбраната не им биле доставени цедеа со изјави на 26 сведоци. Во меѓувреме цедеата ги преснимиле и денеска им ги доставија на адвокатите на обвинетите.
Ристоска рече дека се надева оти ова е последно одлагање на предметот оти одбраната ги има доказите уште кон крајот на 2018 година.
Судот ја одложи расправата за 16 април.
Во „Талир” обвинети се Никола Груевски, Кирил Божиновски и Миле Јанакиески за „злоупотреба на службената положба и овластувања“ и „перење пари“, како и Илија Димовски, Леко Ристоски и Елизабета Чингаровска обвинети за перење пари. За истото дело, како правен субјект обвинета е и партијата ВМРО-ДПМНЕ. Чингаровска призна вина и доби условна казна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Паркингот во Центар денеска е бесплатен
По повод Македонските претседателски и парламентарни избори, од ЈП Паркинзи на општина Центар известуваат дека денеска паркиралиштата со кои стопанисува јавното претпријатие ќе бидат без наплата за сите граѓани.
Дирекцијата на ЈП Паркинзи на Општина Центар во катната гаража „Судска палата“ нема да работи, а сите услуги можат да се користат електронски на www.poc.mk.
Редовната наплата за паркирање на паркиралиштата и работењето на дирекцијата ќе продолжат од утре со вообичаено работно време.
Македонија
Изборниот ден е неработен за сите граѓани
Поради одржување на парламентарните и вториот круг од претседателските избори, денешниот ден е неработен за сите граѓани во Република Македонија.
Работодавачите не треба да извршуваат дејност со исклучок на оние каде работните процесите заради својата природа не можат да се прекинат.
Поради првиот круг од претседателските избори, неработен беше и 24 април. Според одлуката на техниката Влада, двата неработни дена нема да се одработуваат.
Македонија
Започна вториот круг од претседателските и парламентарните избори
Во Македонија утрово започна вториот круг од претседателските и парламентарните избори.
Избирачките места, од кои вкупно 3.480, беа отворени во седум часот, а ќе бидат затворени во 19 часот.
Во вториот круг од претседателските избори граѓаните ќе одлучуваат меѓу Гордана Силјановска Давкова и актуелниот претседател Стeвo Пандеровски.
На парламентарните избори, граѓаните ќе можат да избираат помеѓу 17-те изборни листи, меѓу кои коалицијата „За европска иднина“ предводена од СДСМ, коалицијата „Твоја Македонија“ предводена од ВМРО-ДПМНЕ, коалицијата „Храбро за Македонија“ предводена од ГРОМ, партијата Левица, коалицијата „Европски Фронт“ предводена од ДУИ, коалицијата „Вреди“, движењето ЗНАМ, партиите Родина, Македонска Ера Трета, Демократи, Единствена Македонија, Нова Алтернатива, Аваја, Твоја, Десна, Работничката партија, како и за групата избирачи Џула Челику.