Регион
В сабота се отвора музејот „Валтер го брани Сараево“
На Денот на градот Сараево, 6 Април, ќе биде отворен првиот филмски музеј во Босна и Херцеговина – „Валтер го брани Сараево”.
Посетителите во мултимедијалниот музеј ќе имаат можност да погледнат сè што е поврзано со овој култен филм.
На 6 април 1945 година, во завршните борби за ослободување на градот Сараево, загина Владимир Периќ-Валтер. Симболично на овој датум, 6 април, филмскиот центар Сараево ќе го отвори музејот „Валтер го брани Сараево”, посветен на еден од најзначајните филмови во кинематографијата на Босна и Херцеговина, и на овој начин да го оживее сеќавањето на овој култен филм.
„Ние нудиме реконструкција на сцени од филмот, потоа ликовите на креаторот на филмот режисерот Шиба Крвавац, како и на актерите од филмот да се во природна големина, концептот на восочни фигури кој е познат во целиот свет, се разбира тука се и придружни реквизити, документи и мултимедии кои сето тоа го следат“ рече Јасмин Дураковиќ, директор на Сараевскиот филмски центар.
„Валтер го брани Сараево” е филм за војната акција во режија на Хајрудин Шиба Крвавац, кој беше премиерно прикажан во 1972 година. Речиси 50 години подоцна, интересот за овој филм е сè уште огромен.
„Ние веќе имавме понуди од некои туристички агенции, како домашни, така и регионални, кои во голема мера се интересираат за приказната за музејот, да донесат свои туристи во посета на Сараево, само за да го видат овој музеј“, кажа Мија Шего, извршна директорка на музејот.
Најмногу заинтересирани туристи има од Народна Република Кина, каде што според некои информации, филмот „Валтер го брани Сараево” досега само во Кина е гледан повеќе од 10 милијарди пати.
Остануваат само уште неколку дена до отворањето на првиот музеј во БиХ, музејот „Валтер го брани Сараево”. Тука на околу 100 квадратни метри посетителите ќе можат да ги видат восочните фигури, реквизитите од филмот, но и да го гледаат филмот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик: БИХ е последната колонија во Европа
Претседателот на Република Српска, Милорад Додик, изјави дека во Босна и Херцеговина постои криза која трае веќе 26 години, во која правата им беа дадени на Србите, а потоа одземени во корист на муслиманите, како и дека Босна и Херцеговина е последната колонија во Европа.
„БиХ е последната колонија во Европа каде што луѓето кои дојдоа однадвор го презедоа раководството, кое никој не го избра на избори. Ние, локалните политичари, само одиме на избори, победуваме или губиме, но оние кои не се од БиХ Тие всушност играат водечка улога“, рече Додик во интервју за Џерусалим пост.
Тој посочи дека дури и Хрватите не се задоволни од ситуацијата во БиХ, но дека муслиманите не сакаат дијалог, туку ги обвинуваат Србите дека повикуваат на конфликт, што не е точно.
Регион
Татко во алкохолизирана состојба ја избол ќерката во Призрен: лекарите се борат за нејзиниот живот
Синоќа, нешто по полноќ, во Призрен е уапсен татко, кој во алкохолизирана состојба со нож ја нападнал својата ќерка (21) и ѝ нанел повреди опасни за животот.
Регионалниот полициски центар во Призрен потврди дека А. Ш. (44) со нож ја нападнал ќерката Е. Ш. по расправија под дејство на алкохол нанесувајќи ѝ повреди на грбот.
Таа е во критична состојба и лекарите во болницата во Призрен се борат за нејзиниот живот.
Случајот е карактеризиран како обид за убиство.
Како што истакнаа, таткото бил во алкохолизирана состојба и по наредба на надлежен обвинител, одредена му е мерка притвор до 48 часа.
Регион
82-годишен маж од Чешка со камера снимал деца без облека на Истра
82-годишен Чех снимал деца без облека во туристички објект во Истра, а го забележал обезбедувач кој повикал полиција, јавуваат локални медиуми.
Полициски службеници ја завршија кривичната истрага за 82-годишен чешки државјанин и утврдија сомнение дека сторил кривично дело искористување деца за порнографија.
Чешкиот државјанин е осомничен дека на 12 јуни околу 13 часот и 50 минути во туристички објект на територијата на ПУ на Истра снимал деца без облека, што го забележало обезбедувањето и повикало полиција. Мажот е приведен во полициска станица. По наредба на надлежниот суд извршен е претрес на камерата и пронајдени снимки со инкриминирачка содржина.
Осомничениот вчера попладнето бил приведен во притвор на ПУ на Истра, информира полицијата.