Свет
Што содржи новиот пакет-мерки на НАТО против Русија
Новиот пакет-мерки во Црното Море, кој шефовите на министерствата за надворешни работи на членките на НАТО ќе го усвојат во Вашингтон, вклучува многу поголем интензитет на разузнавачки активности и присуство на воени бродови на алијансата, рече постојаниот претставник на Северноатлантската алијанса, Бејли Хачинсон.
Исто така таа кажа дека овој пакет мерки ќе вклучува далеку поголем обем на разузнавачки активности од воздух.
Според Хачинсон, зголеменото присуство на воените бродови на алијансата во акваториумот на Црното Море ќе го гарантира безбедното преминување преку теснецот Керч на украинските бродови.
Средбата на министрите за надворешни работи на земјите членки на алијансата ќе се одржи на 3 и 4 април во Вашингтон.
Претставник од американскиот Стејт департмент претходно изјави дека на состанокот, меѓу другото, ќе се разгледаат низа закани од Русија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Земјотрес со јачина од 4,6 степени го погоди Крит
Земјотрес со јачина од 4,6 степени го погоди денеска грчкиот остров Крит, соопшти Европскиот медитерански сеизмолошки институт (EMSC).
Земјотресот се случил на длабочина од 10 километри, додава EMSC.
Епицентарот се случил на 40 километри југоисточно од градот Сити, кој има околу 9.000 жители.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.