Свет
(Видео) Огромен пожар проголта историска 230-годишна црква во Англија
Голем пожар ја зафати историската црква во центарот на Блекбурн, во северозападниот дел на Англија, претворајќи ја најстарата градба во градот во огнен пекол, пренесува РТ.
Пожарот почнал во изутрината и брзо се проширил низ целата зграда. Причината за пожарот е непозната, а пожарникарите се на местото на настанот со осум возила и два хеликоптери кои помагаат во гаснењето на пожарот.
Снимките од огнениот пекол покажуваат густи облаци од чад што се издигаат кон небото, а еден сведок изјави дека се слушаат и помали „експлозии”.
Major fire in #blackburn town centre this morning. Sounds like things are exploding as well. Hope everyone including emergency services are/stay safe. #lancashire #fire pic.twitter.com/C58mfN2jhV
— Joe Makepeace (@Joe_Makepeace) April 3, 2019
Питер Хауел-Џонс, ѓакон во катедралата Блекбурн, вели дека пожарот е тажен настан и се моли никој да не биде повреден.
Првично отворена во 1789 година, во зградата порано била сместена во црквата „Св. Јован Евангелист“, која престанала со служби во 1975 година. Сега зградата служи како центар за уметност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Земјотрес со јачина од 4,6 степени го погоди Крит
Земјотрес со јачина од 4,6 степени го погоди денеска грчкиот остров Крит, соопшти Европскиот медитерански сеизмолошки институт (EMSC).
Земјотресот се случил на длабочина од 10 километри, додава EMSC.
Епицентарот се случил на 40 километри југоисточно од градот Сити, кој има околу 9.000 жители.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.