Свет
Индиската армија подготвена повторно да го нападне Пакистан

За време на состанокот на владиниот Комитет за безбедност во вторникот, индискиот советник за национална безбедност Аџит Дувал му посочил на премиерот Нарендра Моди дека трите гранки на одбранбените сили на земјата – армијата, воздухопловните сили и морнарицата – се подготвени за уште една акција против Пакистан, пренесува „Спутник“.
Моди, наводно, побарал од армијата да се погрижи да нема ниту една цивилна жртва во соседната земја и дека целите се воени.
Ниту индиското Министерство за одбрана, ниту владата на Моди ги потврдија извештаите.
Новиот развој на настаните следи само еден ден откако локални медиуми го цитираа генералниот директор на пакистанската Служба за односи со јавноста, кој рече дека Исламабад има право да користи какви било средства за самоодбрана – тврдење што следеше неколку недели по негирање дека Пакистан користел американски ловци Ф-16 вовоздужната престрелка со Индија на 27 февруари.
„Беспредметно е да се дебатира дали Ф-16 или Ф-17 ги собори двата индиски авиони. Дури и ако биле користени Ф-16, факт е дека воздухопловните сили на Пакистан соборија два индиски авиони во самоодбрана, Индија може да користи кој било тип авиони по сопствен избор, дури и Ф-16. Пакистан го задржува правото да користи сè што има на располагање за самоодбрана”, соопшти официјалното лице.
Вооружените сили на двете земји излегоа со спротивни тврдења во врска со борбата на 27 февруари околу Линијата за контрола во спорната област Кашмир.
Исламабад тврдеше дека соборил два индиски авиони, но Њу Делхи призна дека изгубило само еден авион и излезе со тврдење дека собориле еден пакистански Ф-16.
Пакистан категорично негираше дека ловците Ф-16-те произведени во САД биле распоредени или изгубени, а Индија тврдеше дека Исламабад го прекршил договорот за продажба на борбените авиони со САД.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Бура направи хаос во делови од Европа: град со големина на тениско топче уништи градини и посеви

Дождот и поплавите донесоа хаос во земјите од Западна Европа. Додека во Шпанија реки течеа по улиците, во Франција големиот град направи огромна штета.
Неколку делови од Шпанија беа погодени од силен град. Жителите на Арагон беа шокирани од моќта на поплавите, откако улиците се претворија во реки.
⛈️ Un puissant #orage de #grêle sévit en #SaôneEtLoire ce mercredi 27 août 2025. Il a frappé la commune de #Pallinges avec des grêlons atteignant 2 à 3 cm de diamètre. (photos Ciboulette Grelinette) pic.twitter.com/ksjIzzFf9i
— Guillaume Séchet (@Meteovilles) August 27, 2025
Улиците во градот Бардаљур во Сарагоса беа целосно поплавени, а водата однесе сè пред себе по силната бура што го донесе и градот.
Жителите сега стравуваат од штети на нивните посеви. Портокаловото предупредување останува на сила за речиси цел Арагон.
Драматичното сценарио се повтори во Франција. Град со големина на тениско топче предизвика значителна штета на градините на луѓето. И катастрофата продолжува.
Град со дијаметар од три до четири сантиметри беше забележан во департманот Сон и Лоара, каде што во средата беше на сила портокалово ниво на предупредување поради силни бури, пренесуваат медиумите во регионот.
Уште 24 други департмани се ставени под портокалова тревога поради силни грмотевици. Сепак, Сона и Лоара ќе се вратат во жолта тревога во четврток, според веб-страницата за временска прогноза Метео-Франс.
Фото: принтскрин
Свет
Зеленски ги повика Унгарија и Кина да извршат притисок врз Русија

Украинскиот претседател Володимир Зеленски ги повика Унгарија и Кина да влијаат врз Москва да ги запре воените операции во Украина.
„Очекуваме реакција на Кина на она што се случува. Кина постојано повикуваше војната да не се шири и на прекин на огнот. Ова не се случува поради Русија. Очекуваме реакција на Унгарија“, рече Зеленски на својот Телеграм канал.
Тој рече дека очекува јасен одговор од оние „кои повикуваа на мир, но сега почесто молчат отколку што заземаат принципиелни позиции“, нагласувајќи дека дојде време да се воведат „строги санкции“ против Москва.
„Сите рокови веќе се пропуштени, десетици дипломатски можности се уништени. Русија мора да се чувствува одговорна за секој удар, за секој ден од оваа војна“, рече украинскиот претседател.
Фото: принтскрин
Свет
„Билд“: Германската економија се соочува со сериозна криза на пазарот на трудот

Германската економија се соочува со сериозни предизвици, бидејќи компаниите низ целата земја веќе три години страдаат од пад на нарачките, зголемување на трошоците и страв од банкрот, објави германскиот „Билд“.
Федералната агенција за вработување (BA) би можела утре да објави дека бројот на невработени во Германија надминал три милиони, за прв пат во последните 15 години, предупредија аналитичарите.
Клаус Волрабе од Институтот „Ифо“ оцени дека „пазарот на трудот не излегува од кризата“, додека компаниите стануваат сè повнимателни во однос на вработувањето. Автомобилската индустрија е особено погодена, која изгуби 50.000 работни места во последната година, а експертите предвидуваат понатамошен пад на бројот на вработени поради зголемените царини во САД под администрацијата на американскиот претседател Доналд Трамп.
Слична ситуација влијае и на инженерската индустрија, каде што се очекува губење на едно од пет работни места до 2029 година поради конкуренцијата од Кина, како и на хемиската индустрија, каде што илјадници работни места се во опасност, пренесува Танјуг.
Компанијата „Евоник“ планира да отпушти 1.500 работни места, додека „Ланксес“ ќе отпушти речиси 500 работници.
Главниот економист на „Комерцбанка“, Јерг Кремер, забележува дека производствениот сектор, вклучувајќи ја металуршката, електроиндустријата, автомобилската, челичната и хемиската индустрија, е особено погоден од намалувањето на бројот на работни места.
Поради зголемувањето на трошоците, особено за енергија и работна сила, многу компании се соочуваат со ризик од банкрот и затворање, додека квалификуваните занаетчии исто така пријавуваат намалување на работните места.
Во малопродажбата и угостителството, бројот на вработени исто така се намалува, бидејќи потрошувачите штедат пари и ја намалуваат потрошувачката. Сепак, барометарот за вработување на IAB вчера забележа мало зголемување, достигнувајќи 100,7 поени, што укажува на можно закрепнување на пазарот на трудот во наредните месеци.
Германските економисти, меѓу кои Фердинанд Дуденхефер, експерт за автомобилска индустрија, Клаус Волрабе од Институтот „Ифо“ и Јерг Кремер од „Комерцбанка“, предупредуваат дека Германија мора да се соочи со сериозни економски предизвици за да го стабилизира пазарот на трудот и да спречи понатамошни загуби на работни места.
Фото: принтскрин