Спорт
„Фрик Грик“ им пресуди на Ембид и Филаделфија (Видео)
![](https://makfax.com.mk/wp-content/uploads/2019/04/920x920.jpg)
Милвоки Бакс забележаа победа над Филаделфија 128:122 и го обезбедија првото место во лигата пред почетокот на плејофот. Бакс низ целиот плејоф ќе ја имаат предноста на домашниот терен.
Ниту еден од тимовите во текот на натпреварот немаше предност поголема од девет поени, а Бакс победникот го решија во финишот кога со серија 14:1 дојдоа до предност 127:119.
Мечот започна жестоко, со пресметката помеѓу домашниот центар Џоел Ембид и бекот на гостите Ерик Бледсо. Ембид ја фрли топката кон Бледсо, а бекот на Бакс агресивно му ја врати. Настана мешаница на теренот, а потоа судиите го исклучија Бледсо.
Eric Bledsoe was ejected after throwing the ball at Joel Embiid ?
(via @NBCSPhilly) pic.twitter.com/A7TtEPzpuU
— Sports Illustrated (@SInow) April 5, 2019
Бакс до победата ги предводеше Јанис Адетокумбо, кој се истакна со неколку блокади. „Фрик Грик“ мечот го заврши со 45 поени, 13 скока, шест асистенции и пет блокади. На спротивната страна Ембид забележа 34 поени и 13 скока, а ветеранот Џеј-Џеј Редик постигна 29 поени.
Greek Freak blocked Joel Embiid FOUR times tonight ? pic.twitter.com/pX1ONRMhKV
— Bleacher Report (@BleacherReport) April 5, 2019
Милвоки Бакс се лидери на Истокот и воопшто во лигата со 59 победи и 20 порази, додека Филаделфија со овој пораз ја компромитира својата трета позиција во Источната конференција.
Филаделфија имаа скор од 49 победи и 30 порази, а потоа следуваат Бостон Селтикс и Индијана Пејсерс со 47 победи и 32 порази.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Диого Коста португалски херој, ја елиминира Словенија
![](https://makfax.com.mk/wp-content/uploads/2024/07/PORTUGAL.jpg)
Еден од најдобрите фудбалери на денешницата беше мотивиран да постигне гол од самиот старт на натпреварот, но одбраната на Словенија одлично се снајде. На крајот од судиското продолжение Кристијано Роналдо имаше шанса да и донесе водство на Португалија од пенал, но не успеа.
Драма, следуваше пенал завршница.
Искуството си го направи своето, Португалија оди понатаму.
Тие ја совладаа Словенија на пенали и со тоа се пласираа во четврт-финалето на ЕП. Регуларниот дел од натпреварот заврши со резултат 0:0, како и дополнителни половина час игра.
Во четврт-финалето Португалија ќе игра против Франција која со 1:0 ја победи Белгија.
Португалскиот голман Диого Коста, кој ги одбрани сите три удари на Словенците е херој на мечот.
Од почетокот на играта Словенците беа поставени во карактеристична формација 4-4-2. Кристијано Роналдо имаше многу проблеми, неговиот најдобар напор во првото полувреме беше неговиот слободен удар во 34. минута.
Тој шутираше од околу 20 метри, а топката отиде само над стативата.
Португалија најблиску дојде до гол во втората минута од судиското надополнување во првото полувреме, кога Палиња силно повлече од работ на шеснаесетникот.
Топката мина покрај десната статива од голот на Облак.
Во првото полувреме Словенците напаѓаа само неколку пати, но не успеаја да создадат голема шанса.
Португалија ја мина групната фаза како првопласирана во групата Ф пред Турција, Грузија и Чешка.
Словенија беше трета во групата Ц пред Србија и зад Данска и Англија.
Спорт
Еден од најдобрите шутери во историјата на кошарката
![](https://makfax.com.mk/wp-content/uploads/2024/07/klej.jpg)
Клеј Томпсон (34) наскоро ќе стане нов играч на Далас Маверикс, каде ќе создаде нов супер тим со Лука Дончиќ и Кајри Ирвинг.
Веста сè уште не е официјална, но врвниот НБА инсајдер Адријан Војнаровски објави дека зделката е завршена.
Томпсон треба да потпише договор на три години, за вкупно 50 милиони долари, за тимот кој минатата сезона играше во финалето на НБА.
Голден Стејт Вориорс не сакаа да му понудат на Клеј Томпсон повеќе од 20 милиони годишно поради хаотичната ситуација со преголемите договори, кои тој ги сметаше за навредливи и реши да бара нов клуб.
Така и официјално заврши ерата на династиите на браќата Сплеш, беше разбиен најдобриот шутерски тандем на сите времиња.
Томпсон е четирикратен шампион во НБА со Вориорс. Пет пати беше на Ол-стар натпреварот, двапати беше избран за трет најдобар тим во лигата и еднаш за најдобар одбранбен тим.
Минатата сезона, по големите проблеми со повредите, тој имаше просек од 18 поени, 3,3 скока и 2,3 асистенции
Спорт
Специјален гостин на тренингот на Српската кошаркарска репрезентација
![](https://makfax.com.mk/wp-content/uploads/2024/07/treningg.jpg)
Кошаркарскиот великан Владе Дивац беше специјален гостин на затворениот тренинг на кошаркарската репрезентација на Србија на подготовките во Стара Пазова соседна Србија.
Кошаркарската репрезентација на Србија е во почетна фаза од подготовките за Олимписките игри во Париз 2024.
Како што се наведува во соопштението на КСС, Дивац на кошаркарите им посакал добро здравје како предуслов за успех.
„Анегдотата што Владе ја раскажа за тренингот со тренерот Пешиќ ќе остане меѓу ѕидовите на тренинг салата“?!
Дивац го освои светското злато со тренерот Пешиќ во 2002 година во Индијанаполис.
Што се однесува до Олимписките игри, тој освои сребро во Сеул во 1988 година и во Атланта во 1996 година.