Свет
Нов бизнис на чешките жени: брак со маж од Косово и плата до 10.000 евра
Чешката централа за борба против организираниот криминал предупреди на сè помасовни лажни бракови на чешките жени. Како што се наведува во извештајот за минатата година, за сума од 1.000 до 10.000 евра се мажат во Косово и Турција за да им обезбедат престој во Германија или да им средат германските влати да ја прекинат нивната депортација.
„Секако дека се работи за луѓе што имаат официјална одлука за депортација, но со бракот си го легализираат престојот. Добив понуда од чешки посредник, кој бара девојка. Во евра добив петцифрена сума“, рекла анонимна, која минатата година се омажила на тој начин во Франкфурт.
Чешката полиција во последните години ги заостри проверките на браковите во таа земја, каде што годишно се откриваат меѓу 70 и 150 лажни бракови склучени за странецот да добие одобрение за престој, но, како што предупредува Централата за борба против организираниот криминал, бизнисот за лажни бракови се преселил и цвета во старите членки на ЕУ.
Досега најголема мрежа на измами со лажни бракови меѓу Чешки жени и имигранти чешката полиција во соработка со германските колеги открила минатата година кога уапсила четири чешки жени и граѓанин на Косово, кој според сознанијата на германската истрага можел да организира дури неколку стотици лажни бракови за свои сограѓани за да добијат престој во Германија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Унгарија гласаше против резолуцијата за Сребреница: Сакаме да изградиме мир во регионот на Западен Балкан
Претставникот на Унгарија денеска соопшти дека таа земја гласала против резолуцијата за Сребреница и му се заблагодари на претседателот на Србија Александар Вучиќ за тоа што унгарската заедница секогаш може да смета на него.
„Унгарија ги осудува злосторствата и веруваме дека меѓународната заедница треба да биде обединета во оваа смисла. Ние сочувствуваме со жртвите на војната, нивните семејства и нивната несреќа. Сакаме да изградиме мир во регионот на Западен Балкан и внимателно ќе следиме за да избегнеме какви било ескалација и тензии“, рече таа.
Во оваа смисла, се поставува прашањето дали нацрт-резолуцијата е фокусирана на одржување на стабилноста во регионот или создава дополнителни поделби кои ќе отворат „стари рани“.
Регион
Додик: Според демократските принципи, резолуцијата за Сребреница пропадна
Претседателот на Република Српска Милорад Додик изјави дека, што се однесува до демократскиот свет и она што нè учат, резолуцијата за Сребреница денеска не доби мнозинство во Генералното собрание на ОН и таа пропадна.
„На гласањето видовме дека за резолуцијата гласаа 84 земји, што не е ниту огромно мнозинство“, нагласи Додик.
Повтори дека Владата на Република Српска го покренала прашањето за мирно одвојување од Федерацијата Босна и Херцеговина, бидејќи, како што истакна, нема причина после ова да останат и да живеат заедно во Босна и Херцеговина.
Регион
Вучиќ: Резолуцијата ќе донесе поделби не само во нашиот регион туку и во ОН
Српскиот претседател Александар Вучиќ на Генералното собрание на ОН во Њујорк изјави дека усвоената резолуција за Сребреница ќе предизвика поделби не само во регионот, туку и во Обединетите нации.
„Никогаш не се случило во Генералното собрание на ОН гласањето за прашањето за геноцидот да не се изгласа едногласно, ова се случува за прв пат затоа што некои луѓе сакаа да ја искористат својата голема политичка моќ и да ја политизираат оваа важна тема и тоа го направија. не е важно колку долго предупредувавме дека целиот процес треба да биде транспарентен и инклузивен, но тие не не послушаа“, рече Вучиќ.
Тој посочи дека за резолуцијата гласале 84 земји, додека останатите присутни не гласале за резолуцијата и дека таков чин нема да успее во ниту еден национален парламент.
„Ова е единственото место во светот каде што е усвоен ваков документ. Луѓето од некои земји ја истакнаа важноста на амандманот како нивен значаен придонес, но тоа беше само значаен придонес за поголема конфузија. Тие го направија тоа само за да го спасат образот“, рече Вучиќ.