Спорт
Пике се враќа „дома“ на „Олд Трафорд“: Дојдов како момче, заминав како маж
![](https://makfax.com.mk/wp-content/uploads/2019/04/gettyimages-51015237.jpg)
Иако целиот фокус на медиумите и на фановите ќе биде насочен кон Лионел Меси кога Барселона ќе го посети Манчестер јунајтед за пресметка во четврт-финалето на Лигата на шампионите, тоа ќе биде прво „враќање“ на Жерард Пике на „Олд Трафорд“ по неговото заминување во 2008 година.
Сер Алекс Фергусон го донесе Пике кај „ѓаволите“ во 2004 година како 16-годишен тинејџер, и тој научи значајни лекции во северот на Англија, пред да се врати во Каталонија четири години подоцна. Тој не успеа да избори редовно стартно место со Рио Фердинанд и Немања Матиќч во одбраната, пред да ја загуби довербата кај Фергусон на гостувањето кај Болтон, кога дозволи лесен гол на Никола Анелка.
„Пристигнав во Манчестер јунајтед како момче, а си заминав како маж. Влегов во канцеларијата на Фергусон и бев искрен со него. Му кажав дека забележав дека ја загубив довербата, а Барселона е мојот дом. Сакам да се вратм и се надевам дека ќе ме пуштиш. И тој ме пушти“, изјави неодамна Пике.
Тој се врати во Барселона за само 5 милиони евра како резерва со мали очекувања, но до крајот на првата сезона под Пеп Гвардиола, стана клучен човек на тимот кој ја освои тројната титула од 2008/09. По ова следуваа седум титули од Ла лига, три од Лигата на шампионите, како и освојувањето на СП во Шпанија.
„Се враќам во својот втор дом“, напиша Пике на Твитер по ждрепката во ЛШ во март кога Барселона го доби Јунајтед.
Пике не дозволи Јунајтед да даде гол во финалето на ЛШ при 2:0 победата во Рим во 2009 година и се надева дека ќе го повтори истиот „трик“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Импресивната техника на рекордерот Нојер
На тимот на Џулијан Нагелсман пред почетокот на групната фаза, не му беше доделена улогата на фаворит.
Тие со својата игра покажаа дека тоа е неоправдано.
Спојот на младост и искуство, како и огромниот квалитет, како на теренот, така и на клупата, беа доволни за да се продолжи од првото место – иако Швајцарија се закани во последниот меч на турнирот.
Меѓутоа, секогаш кога нешто ќе тргне наопаку во добро наместената „машина“ на Нагелсман, постои „осигурувач“ за да спречи колапс на целиот систем.
Мануел Нојер, и покрај доцните играчки години, дури и за голман, покажа дека сè уште е еден од најдобрите голмани во Европа. А тимот може да се потпре на него кога ќе пропадне последната линија.
Дополнително, импресивната техника на Нојер е од големо значење за Германците кои инсистираат на игра на додавање, но и притискање на ривалите.
Конечно, не треба да се заборави дека Германија е домаќин на Европското првенство и ќе има феноменална поддршка и поголем број навивачи од било која репрезентација на секој меч до крајот на турнирот.
Не е ни чудо, ако Германците одат во финалето на ова големо првенство.
Спорт
Не ми веруваа кој сум !?
![](https://makfax.com.mk/wp-content/uploads/2024/06/jonatan.jpg)
Помошникот на селекторот на Словачка и легенда на Наполи, Марек Хамшик, раскажа анегдота во пресрет на осминафиналето на Европското првенство против Англија в недела во 18 часот.
„Има моменти кога луѓето не ме препознаваат. Се шетав пред некој ден и група македонски фанови сакаа да се фотографираат, но сакаа фотографијата да им ја направам јас.
Го сторив тоа и им кажав дека го познавам (поранешен) капитен на Македонската фудбалска репрезентација Горан Пандев.
Не ми веруваа, но потоа проверија на „Гугл“… После тоа ме препознаа, па заедно се фотографиравме“, раскажува 36-годишниот Хамшик, сега без препознатливиот „хирокан“ познат по своите играчки денови.
Спорт
Генерална проба пред Вимблдон
![](https://makfax.com.mk/wp-content/uploads/2024/06/JOKOVITS.jpg)
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва