Регион
Хрватски свештеник: Оралниот однос е перверзија во бракот, колку пати сте го имале?
Хрватски свештеник вели дека мастурбацијата и оралниот секс се перверзии во бракот. Тој смета дека верниците треба да се подготват на одредени прашања пред да одат на исповед пред некој свештеник.
„Мастурбација-задоволување, порнографија и перверзии во брачниот однос (орален однос) и колку пати сте ги имале, се само дел од прашањата коишто треба да си ги поставите пред исповед, а потоа треба да ги споделите одговорите на тие прашања со свештеникот кој ве сослушува“, велат упатствата на Дон Јосип Радиќ.
Но, според Радиќ, тоа не е единственото што луѓето би требало да го споделат со попот ако сакаат да добијат спас на душата, кој свештениците го ветуваат.
Исто така треба откриете дали сте учествувале во извршување на абортуси или еутаназија и ако сте, колку пати сте го сториле тоа. Немојте да мислите дека сте се извлекле ако зад себе немате абортуси или еутаназии, Радиќ препишал уште неколку гревови, а за сите од нив, го интересира само едно прашање: „Колку пати?“.
„Пазењето од зачнување во бракот: прекин на односот, користење презерватив, таблети? Колку пати? Стерилизација“, набројува Радиќ.
Тој ја споменува и облеката која ја смета за грешна.
„Дали со разголеноста, со проѕирната облека или тесната облека сте навеле други на грев?“ прашува Радиќ.
Тој не појаснува дали се брои секој пат кога некој носел облека припиена за тело или само кога навел некој друг на грев. Иако оплодувањето е потпомогнато од медицината и тоа донесе голема радост кај семејствата, за Радиќ сте грешник ако само го поддржувате тоа. Според него, јогата е лоша и окултна пракса, на исто ниво како и разговорот со паднатите ангели, додека оралниот однос е перверзија во бракот.
Неговата теорија предизвика реакции на социјалните мрежи.
„Ајде католици….колку пати?“, „Каква е ситуацијата со оралниот однос надвор од бракот – прашувам за пријателка“, „Дали е грев кога наговоруваш некого да ти ги прераскаже своите сексуални доживувања и опише што и колку пати правел“ се дел коментарите под фотографијата што ги остави без здив.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с