Спорт
Федерер: Не жалам што играм во ерата на Рафа Надал (видео)

Многу фанови на Роџер Федерер си ја поставуваат хипотезата дека без Рафаел Надал, Швајцарецот ќе освоеше 30-40 гренд-слем титули, но тој вели дека е пресреќен што игра во ерата на Шпанецот.
„Мислам дека сите имаа добри ривали и пред мене. Лендл, Бекер, Сампрас, Едберг, Лејвер… Сите имаа големи ривали и да не бев јас, ќе беше некој друг кој ќе го предизвикуваше Надал. Затоа сум среќен што играме во иста ера и мислам дека двајцата можеме да бидеме горди што имаме големи кариери, еден покрај друг. Тоа е уникатно“, вели Федерер.
Тој исто така се потсети на легендарното финале на Вимблдон во 2008 година, кога загуби во пет сета.
„Си мислев само да не загубам. Оди во пет сета и остани жив и обиди се да победиш. Задоволен сум што стигнав до тој петти сет и сега сите зборуваат за тој меч. Да загубев во четвртиот сет немаше да биде толку познат. Тоа беше епски победнички момент за него, а за мене останува гордоста што играв така и што низата на Вимблдон заврши така“, вели Федерер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мексиканката Оваље најскапа фудбалерка во историјата

Мексиканската фудбалерка Лизбет Оваље се пресели од Тигрес УАНЛ во американскиот Орландо Прајд за еден и пол милион американски долари, што е нов светски рекорд во женскиот фудбал.
Лизбет Оваље го сруши претходниот рекорд, поставен од 20-годишната Канаѓанка Оливија Смит кога се пресели од Ливерпул во Арсенал во јули за точно еден милион фунти, што е 1,3 милиони долари, пишува „Би-би-си“. Оваље потпиша двегодишен договор со Орландо Прајд.
Мексиканката има 25 години, го носеше дресот на Тигрес осум сезони и освои пет титули во мексиканскиот шампионат.
Таа е позната и по прекарот „Ла Мага“ (Магионичарка).
Игра како лево крило и го напушта Монтереј како најдобар стрелец на Тигрес со 136 гола и 103 асистенции во 294 натпревари.
Оваљњ има одиграно 64 натпревари за мексиканската репрезентација на кои постигнала 22 гола.
Фото/ Принтскрин
Спорт
Сега е официјално – Даглас Луиз во Нотингем Форест

Бразилецот Даглас Луиз ќе игра во црвениот дрес на Нотингем Форест во новата сезона. Луиз пристигна од Јувентус на едногодишна позајмица со опција за откуп следното лето.
Овој 27-годишен Бразилец се враќа во англискиот фудбал по една година играње во Серија А. Во својот нов клуб, тој ќе го носи бројот 12.
На „Сити граунд“ ќе им се приклучи на четворицата сонародници (Муриљо, Игор Жезус, Морато и Жаир Куња).
Даглас Луиз ја започна својата кариера во родниот Рио де Жанеиро, во Васко де Гама, каде што го привлече вниманието на Манчестер сити, за кого потпиша во 2017 година. Откако помина две години на позајмица во Шпанија, во Џирона, тој се пресели во Астон Вила во 2019 година, каде што одигра над 200 натпревари.
Тој играше брилијантно за клубот од Бирмингем, чии навивачи го избраа за играч на сезоната во 2023/23. Најдобро се снаоѓа на позицијата централен играч од средниот ред. Во дресот на Астон Вила, тој постигна 22 гола и запиша 24 асистенции.
Луиз, исто така, играше 18 пати за Бразил и освои златен медал на Олимписките игри во Токио во 2021 година.
Минатото лето за 51 милион евра од Астон Вила се пресели во Јувентус. Не успеа да се адаптира на италијанскиот фудбал, не успеа да се избори за стандарден статус во првиот тим ни кај Тијаго Мота, ни кај Игор Тудор. Навивачите и медиумите го прогласија како едно од најлошите засилувања во историјата на славниот клуб.
Спорт
(Видео) Ѓоковиќ го фрли првиот „пич“ пред дербито Јенкис-Ред Сокс

Новак Ѓоковиќ, најдобриот тенисер на сите времиња, имаше чест да го фрли првиот „пич“ непосредно пред големото бејзбол дерби помеѓу Њујорк Јенкис и Бостон Ред Сокс.
Ривалството помеѓу Јенкис и Ред Сокс е едно од најголемите во сите американски спортови, и јасно е зошто Ѓоковиќ одлучи да биде на стадионот Јенки во своето слободно време.
Новак имаше чест да го фрли првиот „пич“, нешто со што не можат да се пофалат многу луѓе. Новак ги сподели сликите на социјалните мрежи, во соработка со Јенкис, а во описот беше додадено:
„Благодарност до тениската легенда Новак Ѓоковиќ што го фрли церемонијалниот прв „пич“!“
Novak Djokovic throws out the 1st pitch at Yankee Stadium! pic.twitter.com/CVpzNuSXFk
— MLB (@MLB) August 22, 2025
Фото/ Принтскрин