Спорт
Заврши регулрниот дел од сезоната, Вориорс и Бакс конференциски шампиони
Изминатата ноќ, во НБА лигата, се одиграа 11 натпревари со кои заврши регуларниот дел од сезоната. За два дена ќе започне разигрувањето за титулата, во кое влегуваат по осум тима од Источната и Западната конференција.
Последните натпревари во НБА лигата, синоќа ги одиграа Двејн Вејд и Дирк Новицки. Вејд кариерата ја заврши со трипл-дабл учинок. Мајами беа поразени во Бруклин 113:93, а Вејд забележа 25 поени, 11 скока и 10 асистенции.
Новицки во својот последен натпревар во кариерата забележа 20 поени и 10 скока, а Далас беа поразени во Сан АНтонио 105:95.
Резултати:
Атланта Хокс-Индијана Пејсерс 124:135
Бруклин Нетс-Мајами Хит 113:94
Шарлот Хорнетс-Орландо Меџик 114:122
Мемфис Гризлис-Голден стејт Вориорс 132:117
Милвоки Бакс-Оклахома Тандер 116:127
Њујорк Никс-Детроит Пистонс 89:115
Филалделфија-Чикаго Булс 125:109
Сан Антонио Спарс-Далас Маверикс 105:94
Денвер Нагетс-Минесота Тимбервулвс 99:95
ЛА Клиперс-Јута Џез 143:137
Портланд Блејзерс-Сакраменто Кингс 136:131
Плејофот во НБА лигата ќе започне за два дена.
Источна конференција:
Милвоки Бакс-Детроит Пистонс
Торонто Репторс-Орландо Меџик
Филалделфија-Бруклин Нетс
Бостон Селтикс-Инсијана Пејсерс
Западна конференција:
Голден стејт Вориорс-ЛА Клиперс
Денвер Нагетс-Сан Антонио Спарс
Портланд Блејзерс-Оклахома Тандер
Хјустон Рокетс-Јута Џез
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ван Нистелрој има нова работа
Руд Ван Нистелрој (48), заврши одлична работа краткото време кое го мина како в.д.менаџер на Манчестер јунајтед. Откако го замени Ерик Тен Хаг, забележа три победи и реми, а потоа му го отстапи местото на Рубен Аморим.
Прославениот напаѓач е на пат да го преземе Лестер, кој неодамна го отпушти менаџерот Стив Купер. Лестер оваа сезона се врати во Премиер лигата, но сега се бори да избори опстанок. Сензационалниот шампион на Англија од 2016 година моментално е на 16-тото место.
Ван Нистелрој стекна светска слава во Јунајтед. Тој одигра 219 натпревари и постигна импресивни 150 гола. Го освои и англискиот шампионат. Подоцна се пресели во Реал Мадрид и продолжи со одличните настапи. Кариера ја заврши во 2012 година во Малага.
Откако ја започна својата тренерска кариера како шеф на вториот тим на ПСВ, тој потоа го предводеше првиот тим до 33 победи и 10 нерешени во 51 натпревар, освојувајќи два трофеи.
Спорт
(Видео) Црвена звезда го растури Штутгарт, Џирона со Миовски падна во Грац
Црвена звезда и Штурм Грац ги забележаа првите победу оваа сезона во Лигата на шампионите. Џирона со Бојан Миовски доживеа (не)очекуван пораз во Штурм (1:0), а Црвена звезда го декласира Штутгарт во Белград (5:1).
На „Рајко Митиќ“ во Белград 40.000 гледачи видоа рапсодија на црвено-белиот тим. Српскиот првак го декласира германскиот вице-шампион со 5:1.
Не почна добро натпреварот за домашниот тим, Демировиќ му донесе предност на Штутгарт во петтата минута и тоа беше се од „швабите“ на овој натпревар.
Играчот на Штутгарт, на позајмица во Црвена звезда, Силас, во 12.минута по соло акција изедначи. Целосен пресврт домаќинот направи во 31.минута кога Круниќ го совлада Нибел.
Во вториот дел Црвена звезда ги затвори приодите кон својот гол и го уништи Штутгарт од контра напади. Постигнаа три гола, а можеа уште толку.
Иваниќ погоди за 3:1, а точка на мечот стави Радоњиќ со два гола.
Штурм во Грац ја забележа историската прва победа во ЛШ. Австрискиот првак ја победи Џирона со 1:0. Натпреварот го реши Бирет со голот во 59.минута. Македонскиот репрезентативец Бојан Миовски го започна мечот на теренот беше до 67.минута.
Спорт
„Ел Пистолеро“ го продолжи договорот со Интер
Уругвајскиот центарфор Луис Суарез ја продолжи соработката со Интер Мајами до крајот на следната сезона, потврдија од клубот од Флорида.
Тоа значи дека 37-годишниот „Ел Пистолеро“ ќе остане уште една сезона со соиграчите од славниот период на Барселона: Лионел Меси, Серхио Бускетс и Жорди Алба.
Од следната сезона Интер ќе го тренира Хавиер Маскерано, уште еден играч на Барселона (2010 до 2018), кој до неодамна раководеше со младинскиот тим на Аргентина.
Суарез минатата сезона беше најдобар стрелец на тимот со 25 гола.
Сезоната во МЛС лигата ја одбележа доминацијата на Интер со 22 победи, четири нерешени и осум порази за рекордни 74 бода, но тие не се прославија во плеј-офот, каде во првото коло, во три натпревари беа елиминирани од Атланта јунајтед.