Свет
САД го обвинија Асанж за заговор за хакирање владин компјутер
САД го обвинија основачот на „Викиликс“, Џулијан Асанж, за заговор за хакирање владин компјутер поврзан со неговата улога во објавувањето на тајните американски документи во 2010 година, покажува кривичната пријава која беше отворена денеска само неколку часа откако британските власти го уапсија Асанж во Лондон, пренесува „Њујорк тајмс“.
Американското Министерство за правда ги обелодени обвиненијата против Асанж, кој се товари за заговор со Челси Менинг за вршење компјутерски упад и кражба на доверливи податоци. Асанж може да се соочи со затворска казна од 5 години ако биде прогласен за виновен.
Американските обвинители веруваат дека Менинг, кој беше аналитичар на разузнавачките служби на САД во 2010 година, му дал на Асанж лозинка која била складирана на компјутери на американската одбрана.
Во 2010 година Асанж ја објави класифицираната американска воена снимка позната како „Колатерално убиство“ на американски хеликоптер „апачи“, кој отвора оган и убива 12 лица, вклучувајќи и двајца вработени во „Ројтерс“. Снимката беше испратена до „Викиликс“ од страна на американскиот војник Челси Менинг, кој подоцна беше суден на 35 години затвор.
Единственото обвинение, заговор за извршување компјутерски напад, произлегува од наводниот договор на Асанж со Менинг да се пробие лозинката на класифициран компјутер на владата на САД.
Значајно е тоа што обвинението против Асанж не е за шпионажа, детаљ што ќе дојде како олеснување за поборниците за слобода на медиумите. Владата на САД до лани размислуваше да го обвини Асанж за дело поврзано со шпионажа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Паника во американската воена база поради сомнителен пакет
Неколку лица се разболеле и биле однесени во болница откако сомнителен пакет со бел прав бил доставен до воздухопловната база „Ендрус“ во американската држава Мериленд, според официјални лица и извори запознаени со истрагата, пренесува CNN.
Според соопштението од базата Ендрус, инцидентот се случил кога едно лице го отворило пакетот, што довело до евакуација на две згради и воспоставување безбедносен кордон, пренесува CNN.
Тимовите за итна интервенција реагирале брзо и утврдиле дека нема непосредна закана, по што случајот бил предаден на Канцеларијата за специјални истраги.
Неколку лица кои биле во контакт со пакетот, или во негова близина, биле транспортирани во медицинскиот центар во рамките на базата.
Првичниот тест не открил присуство на опасни супстанции, но истрагата продолжува.
Сè уште не се познати степенот и природата на симптомите кај оние кои се разболеле.
Тимот за опасни материјали го напуштил местото на настанот синоќа.
Просторијата каде што бил отворен пликот – во зградата каде што се наоѓа Центарот за подготвеност на Националната гарда – е сè уште затворена.
Базата „Ендрус“, која се наоѓа во близина на Вашингтон, е позната, меѓу другото, по тоа што се користи за патувања на американскиот претседател, потпретседателот и членовите на кабинетот.
Лидерот на Соединетите Американски Држави, Доналд Трамп, беше во базата еден ден пред инцидентот, во средат, пренесуваат светските медиуми.
Фото: принтскрин
Свет
(Видео) Заплови „Фуџијан“, најновиот и најмоќен кинески носач на авиони
Најновиот кинески носач на авиони „Фуџијан“ официјално е пуштен во служба, што претставува значаен чекор во напорите на Пекинг да ја достигне поморската моќ на САД, јави кинеската државна телевизија CCTV. На церемонијата на островот Хаинан присуствувал и претседателот Шји Џинпинг, кој симболично го активирал катапултот на палубата.
„Фуџијан“ е трет и технолошки најнапреден носач на авиони во кинеската флота, прв опремен со електромагнетни катапулти (EMALS) – технологија што досега ја поседува само американскиот „USS Gerald R. Ford“. Со тоа се овозможува полетување на авиони со поголем товар и поголем дострел.
President Xi Jinping on Wednesday attended the commissioning and flag-presenting ceremony of the Fujian, China's first aircraft carrier equipped with electromagnetic catapults, in south China's Hainan Province, according to Xinhua.
Xi, also general secretary of the Communist… pic.twitter.com/uTKFz6n1pD
— Global Times (@globaltimesnews) November 7, 2025
Иако користи конвенционален погон, за разлика од американските нуклеарни носачи, „Фуџијан“ со истиснина од 80.000 тони се смета за најмоќниот кинески брод досега и извор на национална гордост. Во Кина веќе се гради и четврти носач, познат како „Тип 004“, кој се очекува да има и нуклеарен погон.
Свет
Захарова му одговори на Руте: Објавете го списокот на „глобални правила“ што наводно ги кршиме
Портпаролката на руското Министерство за надворешни работи, Марија Захарова, реагираше на изјавата на шефот на НАТО, Марк Руте, на тема Русија и кршењата на глобалните правила. Таа му наложи да го објави целосниот список на таканаречените правила, чие кршење неосновано ѝ се припишува на Москва.
„Прво, за какви „глобални правила“ зборуваме? Барам нивниот целосен список да биде објавен на веб-страницата на НАТО. Досега никој не знае за какви правила зборува Руте“, напиша дипломатката на својот Телеграм канал.
Второ, Русија, Кина, како и поголемиот дел од светот, отсекогаш изјавувале посветеност на меѓународното право, додека НАТО постојано го крши тој закон со своите агресивни дејствија и нелегитимни коалиции, изјави таа, потсетувајќи на нападите врз Ирак, бомбардирањето на Југославија и другите воени интервенции.
„Трето, не се сеќавам дека некоја од земјите-членки на НАТО изјавила дека ја суспендира соработката, на пример, како што изјави Руте, со Кина. Неодамна се одржа самитот САД-Кина – не слушнав дека Руте го критикувал американскиот претседател за тоа“, изјави таа.
Порано, Руте изјави дека Русија не е сама во намерата да ги прекрши глобалните правила, истакнувајќи дека оваа земја соработува со Кина, Северна Кореја, Иран и други земји.
Кремљ изјави дека Русија не претставува закана за никого, но дека нема да ги игнорира дејствијата што се потенцијално опасни за нејзините интереси.
Фото: принтскрин

