Свет
Илхан Омар изјави дека по твитот на Трамп ѝ се закануваат со смрт
Членката на американскиот Конгрес од редовите на демократите Илхан Омар денеска изјави дека сè повеќе ѝ сезакануваат со смрт, откако американскиот претседател Доналд Трамп на својот Твитер објави видеоснимка во која таа негираше дека во 2011 година имало терористички напад во Њујорк.
„Тоа ги загрозува животите и мора да престане”, рече Омар, обвинувајќи го Трамп за поттикнување на десничарскиот екстремизам, објави АП.
Таа додаде дека насилничките злосторства и други дела од омраза на десничарските екстремисти и бели расисти се во пораст во САД и во целиот свет.
„Ние повеќе не можеме да го игнорираме охрабрувањето од највисокиот службеник во земјата. Сите ние сме Американци”, рече Илхан Омар.
Нејзината изјава дојде откако членката на Претставничкиот дом, Ненси Пелоси, објави дека презела чекори за да ја осигура безбедноста на членката на Конгресот и го покани Трамп да го отстрани видеото.
Набрзо по изјавата на Пелоси и видеото беше отстрането како пинуван твир, но тоа не беше избришано.
Сепак, Ненси Пелоси објави дека ќе продолжи да ги следи заканите упатени до Омар и го повика Трамп да не го охрабрува таквото однесување.
Трамп објави видео во кое Омар изјави за нападот на 11 септември 2001 година дека „некои луѓе направиле нешто”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) „Целата беше помодрена од студот“: мајка и ќерка ја опишуваат борбата за живот во поплавите во БиХ
Лејла Залихиќ, жителка на Бутуровиќ поле, е една од оние кои ги преживеаја драматичните поплави во Босна и Херцеговина. Приказната за борбата за нејзиниот и животот на нејзината ќерка Асја ја замрзнува крвта во вените, пренесува„Ал Џезира“.
Луѓето се спасуваа како што се снаоѓаа. Некој беше качен на покривот на куќата, некој на куполата на џамијата. За тоа најдобро сведочат приказните на самите локални жители, кои не можат да се споредат ниту со најстрашните сценарија на холивудските филмови кога се во прашање природните катастрофи, анализира медиумот.
Borba majke i trinaestogodišnje kćerke u Buturović Polju je herojska. Majka i 13-godišnja kćerka govore o svojoj borbi za život.. pic.twitter.com/aBpfkgZQ1H
— Al Jazeera Balkans (@AJBalkans) October 6, 2024
Според написите, Лејла Залихиќ е мајка херој која скокнала од третиот кат од својата куќа, испливала три километри во пороите и ја спасила својата 13-годишна ќерка за време на катастрофалните поплави кои го зафатија Бутуровиќ поле.
Лејла, нејзината ќерка, сопругот и свекрвата ноќта на катастрофалните поплави завршиле во поплавата, а нивната куќа била уништена.
По страшниот настан Лејла и нејзината ќерка раскажале што им се случило.
„Мене ме однесе водата. Се вртев во круг и така земав во воздух“, се присетува Лејла.
„Слушнав како некој вика, викаше за помош и го викаше моето име. Мислев – нема кој друг да биде, освен мајка ми или баба ми“, раскажува ќерката на Лејла, Асја, а Лејла додава:
„Јас велам: „Асја, ти си тоа? Таа вели: „Јас сум“. Потоа добив сила, се нурнав меѓу дрвјата. Ме удри во глава, но некако стигнав до неа, цела беше помодрена од студот“.
Ќерката на Лејла Асја се присетува како успеала да остане на површината.
„Ставив малку дрва под мене за да не морам да пливам, туку да се одржувам на површината на водата. Во меѓувреме се раздени, па можев да глЕДАМ. Потоа поминавме низ шумата. Дождот удри уште посилно, беше студено, па беше страшно“, опишува таа.
Свет
Орбан: Ќе им ги однесеме мигрантите во Брисел и ќе им ги оставиме пред канцелариите на ЕУ
Унгарскиот премиер Виктор Орбан изјави дека доколку продолжи илегалната миграција во Европа, тој ќе ги однесе мигрантите во Брисел и ќе ги остави пред канцелариите на ЕУ.
Ќе ги однесеме мигрантите од Будимпешта во Брисел и ќе им ги оставиме пред канцелариите во Брисел.
Неговите зборови беа придружени со громогласен аплауз од членовите на таа партија, со извици „Орбан, Орбан, Орбан“, пренесе АНСА.
„Не верувајте дека тоа е невозможно, ние сме жив пример“, додаде Орбан, потсетувајќи дека „во Унгарија бројот на мигранти е нула“, бидејќи, како што наведе, неговата земја „не ја предава својата држава на други”.
Според него, унгарските власти не дозволуваат влез на илегални мигранти во земјата.
„Ќе ги браниме границите. Оние кои сакаат да влезат мора да чекаат дозвола и тоа мора да го сторат надвор од нашите граници“, рече Орбан, пренесува Танјуг.
Кога станува збор за социјалната политика, „во Унгарија – таткото е маж, а мајката е жена, а тоа ќе остане така дури и ако меѓународната левица е против тоа“, нагласи тој.
„Денес Унгарија е најбезбедната земја во Европа“, заклучи Орбан.
Регион
Во поплавите во Босна загина поранешен фудбалер, го пронашле гушнат со сопругата
Меѓу жртвите во поплавите во Босна и Херцеговина е и еден поранешен фудбалер – Јасмин Чилиќ кој до пред извесно време настапувал за нисколигашот Клис од Бутуровиќ Поле.
Неговото безживотно тело било пронајдено во прегратка со сопругата, која исто така го загубила животот.
„ФК Клис изразува сочувство до семејствата, пријателите и познаниците на сите жртви. Во Бутуровиќ Поље меѓу жртвите и исчезнатите има наши долгогодишни навивачи, додека поплавата во Јабланица му стави крај на животот на поранешниот фудбалер на ФК Клис, Јасмин Чилиќ“, се вели во објавата на овој босански клуб.
Најмалку 20 лица загинаа во поплавите што деновиве ја погодија БиХ. Најпогодени беа Јабланица, Коњиќ, Кисељак, Крешево и Фојница, а беа прогласени денови на жалост и сите спортски настани во оваа земја минатиот викенд беа одложени.