Свет
Уапсен напаѓач кој уби четворица во Канада
Канадската полиција соопшти дека 60-годишен маж е во притвор откако убил четири лица, двајца мажи и две жени, во градот Пентиктон, Британска Колумбија.
Осомничениот и четворицата жртви се познавале, рекоа од полицијата.
„Полицијата утврди дека четири лица се починати на три локации во радиус од 5 км“, се вели во соопштението на полицијата.
„Човекот што одговара на описот на осомничениот се предаде на полицијата. Тој останува во притвор, додека истрагата е во тек“, изјави полицискиот надзорник Тед де Џегер.
Според полицијата, четирите лица биле таргетирани од страна на убиецот, иако засега не се знае мотивот. Тие работат на откривање на истиот и разрешување на случајот, додаде де Џегер, изразувајќи сочувство со погодените од инцидентот.
Првиот инцидент бил пријавен во 10:30 часот по локално време. Додека полицијата била на пат кон местото на настанот, било пријавено и второто убиство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.