Свет
Кина и Ватикан ги затоплуваат односите
Кина го покани Ватикан да учествува на голем меѓународен настан за хортикултура, што ќе се одржи во Пекинг на крајот од месецот, објави кинеското Министерство за надворешни работи во средата во знак на затоплување на врските.
Пекинг ги прекина дипломатските односи со Ватикан во 1951 година поради загриженост дека независна католичка црква во Кина би можела да го загрози авторитетот на владата.
Минатата година тие постигнаа историски договор за назначување бискупи во Кина, но не ги продолжија дипломатските односи.
Портпаролот на Министерството за надворешни работи, Лу Канг, изјави дека кардиналот Џанфранко Раваси, претседател на Папскиот совет за култура, ќе присуствува на релевантни активности на Меѓународната хортикултурна изложба во Пекинг, која се отвора кон крајот на април.
Лу додаде дека Кина и Ватикан напорно работат на подобрување на односите.
Раваси во вторникот им рече на новинарите во Ватикан дека нивното присуство на настанот ќе биде дополнителен чекор на патот кон постигнување дијалог и дека Ватикан ќе има павилјон на изложбата.
На отворањето на изложбата се очекува да присуствува и кинескиот претседател.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Ерупција на вулканот Руанг во Индонезија:, евакуирани повеќе од 12.000 луѓе
Во Индонезија се евакуирани 12.000 луѓе кои живеат во близина на островот Сулавеси, каде што еруптираше вулканот Руанг, за што Центарот за вулканологија и проценка на геолошки ризик прогласи највисоко, четврто ниво на тревога.
Жителите на островот се преместени во градот Манадо, а Центарот ги предупреди граѓаните на соседниот остров Тагуланданг дека постои опасност од цунами поради паѓање на материјал од вулканот во океанот, пренесува Ројтерс.
Се проценува дека чадот над вулканот достигнал висина од пет километри, поради што биле евакуирани жителите во радиус од седум километри.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Свет
Шест лица загинаа во напад на џамија во Авганистан, непознато лице пукало во цивили
Најмалку шест лица загинаа, а едно лице е рането во џамија во авганистанскиот град Андишех во областа Гузара, изјави авганистанскиот министер за внатрешни работи Абдул Матин Кани.
Тој изјави дека „непознато вооружено лице пукало во цивилни верници во џамијата“ вчера во 21 часот по локално време, пренесува Ал Џезира.
Меѓу убиените е и имамот на џамијата во која се молеле шиитските муслимани.
Ројтерс јавува дека меѓу жртвите има и дете.