Спорт
Четврт-финални реванши во Лига Европа

Вечерва ќе бидат познати полу-финалистите во Лига Европа. Челси и Валенсија со „една нога“ веќе се меѓу најдобрите четири екипи, додека „оган“ се очекува на мечевите во Франкфурт и Неапол.
Челси и Валенсија пред своите навивачи само треба да го потврдат пласманот во полу-финалето, откако победија како гости кај Славија во Прага, односно Вилјареал.
„Сините“ ја посакуваат титулата во Лига Европа, пред една недела во Прага победија со голот на Жиру. Од друга страна, Валенсија во финишот убедливо победи кај соседите од Вилјареал (3:1).
Арсенал со предност од два гола ќе гостува на Сан Паоло во Неапол. Иако предноста на лондончани е голема, тимот на Карло Анчелоти немама намера да се откаже од пласманот во полу-финалето. Наполи моќно делувата кога се домаќини, додека Арсенал е далеку послаб на гостински терен, а најдобра показател за тоа се поразите во претходните две рунди во Бечорусија од БАТЕ Борисов и Франција од Рен.
Два гола предност пр првиот меч стекнаа и фудбалерите на Бенфика, кои славеа над Ајнтрахт 4:2. Германците извлекоа добар резултат во Лисабон, ако се знае дека од 20 минита играа со десет играчи, а со фудбалер помалку постигнаа два гола. Нападот на Ајнтрахт ќе го предводи Лука Јовиќ, кој најавува дека ќе постигне гол против својот поранешен тим.
Инаку во полу-финалето Арсенал или Наполи ќе играат против Валенсија или Вилјареал, а Челси или Славија против Ајнтрахт или Бенфика. Полу-финалните мечеви ќе се играат на 2 и 9 мај, а големото финале е на 29 мај во Баку, Азербејџан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сѐ за пари – Вилјареал и Барселона ќе играат во Мајами

Натпреварот од 17-то коло од шпанската Ла Лига помеѓу Виљареал и Барселона треба да се игра на 20 декември во Мајами, беше објавено на официјалната веб-страница на натпреварувањето.
„Одборот на директори на Шпанската фудбалска федерација (RFEF) денес го одобри барањето на Виљареал и Барселона натпреварот од 17-то коло од Ла Лига да се игра во Соединетите Американски Држави“, се вели во соопштението.
Формален домаќин на овој дуел ќе биде Виљареал. „Марка“, известува дека по ова одобрување, RFEF ќе поднесе барање до Европската фудбалска унија (УЕФА) за започнување на процесот на одобрување од страна на Меѓународната фудбалска федерација (ФИФА) натпреварот помеѓу Виљареал и Барселона да се игра на 20 декември оваа година на стадионот „Хард Рок“ во Мајами, во согласност со меѓународните прописи на ФИФА и имплементациските прописи одобрени од RFEF.
Истиот извор понатаму наведува дека ова ќе биде прв пат во историјата натпревар од Ла Лига да се игра надвор од Шпанија.
Финансиските детали за проектот не се објавени, но се претпоставува дека станува збор за поголема сума за Ла Лига и клубовите.
Новата сезона во Примера започнува веќе следниот викенд, на 15 август.
Спорт
Роналдо ќе се жени

Кристијано Роналдо наскоро ќе застане пред олтарот, објавуваат сите влијателни медиуми во Шпанија и Португалија.
По толку години „бегање“ од брак, суперѕвездата конечно ќе се ожени со својата долгогодишна партнерка Џорџина Родригез.
Токму таа се пофали со големиот прстен што го добила од него на социјалните мрежи и така информацијата стигна до јавноста.
Џорџина, која е по потекло од Аргентина, го запознала Роналдо додека работела во бутикот „Гучи“ во Мадрид, кога фудбалерот го носеше дресот на Реал Мадрид.
Од 2016 година, двојката е неразделна, а во меѓувреме добија две деца.
Фото/ Принтскрин
Спорт
ПСЖ го отстрани Донарума од екипата

Иднината на Џанлуиџи Донарума во Пари Сен Жермен е под голем знак прашалник.
Италијанскиот голман не е вклучен во составот на „Светците“ за натпреварот во среда против Тотенхем во Европскиот Суперкуп.
Донарума имаше една од клучните улоги во освојувањето на Лигата на шампионите, но Луис Енрике и клупските челници решија да го отстранат откако тој одби да го продолжи договорот. Договорот на Донарума со ПСЖ истекува наредното лето.
За 40 милиони евра, ПСЖ го донесе Лукас Шевалие од Лил, кој ќе биде прв избор, а тука се и Матвеј Сафонов и Арно Тенас.
Менаџерот на Донарума, Енцо Раиола е во контакт со гиганти како Манчестер јунајтед, Челзи и Интер, кои внимателно ја следат ситуацијата.
Минатата сезона, Донарума прими 43 гола на 47 натпревари, а во 17 од нив не прими гол.