Свет
Зеленски се противи на доделување специјален статус на Донбас
Украинскиот претседателски кандидат Владимир Зеленски е против идејата за доделување специјален статус на Донбас, рече тој во интервју за новинската агенција РБЦ Украина објавено денес, пренесува ТАСС.
Одговарајќи на прашањето дали регионот Донбас треба да добие специјален статус, Зеленски рече: „Сметам дека не треба”.
Тој признава дека решението за конфликтот во регионот нема да биде брзо.
„Ова е нашата голема приказна и ќе ни одземе долго време за да ја решиме оваа криминална ситуација”, посочи тој.
Според Зеленски, една од алатките за средување на конфликтот е инфовојна.
„Она што може да ни помогне тука е инфовојната. Се надевам дека информациите ќе им помогнат на овие луѓе да разберат дека им треба Украина и Украина има потреба од нив и дека тие се исти Украинци како и другите”, рече тој.
Конкретно, Зеленски предложи создавање голем европски медиумски портал на руски јазик, кој ќе емитува низ Европа и ќе ја раскаже вистината за настаните во Украина што граѓаните на Донбас сакаат да ја слушнат.
Зеленски ги карактеризира граѓаните на териториите на Донбас кои не се под контрола на Киев како заложници. Во меѓувреме, тој ја отфрли идејата за потпишување закон за амнестија за оние кои учествуваа во борбените акции во Донбас.
Мировниот договор од Минск предвидуваше уставни реформ иза Украина според кои Донбас ќе добие специјален статус на трајна основа. Сепак, украинскиот парламент не ги усвои уставните амандмани.
Законот за специјален статус претходно усвоен од страна на Врховната Рада е во основа замрзнат до изборите во регионот. Покрај тоа, ниту уставните амандмани ни законот не гарантираат давање специјален статус на Донбас на трајна основа, а овој период е ограничен на само три години.
Во првиот круг од претседателската трка на Украина на 31 март, кандидатот од партијата „Слуга на народот“, Владимир Зеленски, доби 30,24 отсто од гласовите, додека актуелниот украински претседател Петро Порошенко, кој бара втор мандат, е на второ место со 15,95 отсто од гласовите. Вториот круг од изборите е закажан за 21 април.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.