Спорт
Бојкот на социјалните мрежи поради расизмот во англискиот фудбал
Асоцијацијата на професионални фудбалери во Премиер лигата (ПФА) поведе кампања за бојкотирање на социјалните мрежи 24 часа поради расизмот во фудбалот.
ПФА побара од професионалните фудбалери во Англија и Велс да постираат графика со хештег „#Enough“ (доста) во петок во 8 часот наутро. Ова е обид да се натераат социјалните мрежи да се вклучат во борбата против расистичките коментари на интернет.
Дени Роуз од Тотенхем ја поддржа кампањата: „Не сакам во иднина фудбалерите да поминуваат низ тоа што јас поминував“, а Крис Смолинг од Манчестер јунајтед исто така застана зад кампањата неколку дена откако неговиот соиграч Ешли Јанг на „Твитер“ доби тирада расистички коментари по елиминацијата од Барселона.
„Во мојата кариера добив дебела кожа против вербалните напади сметајќи дека се работи за дел од играта, но дојде време ‘Твитер’, ‘Инстаграм’ и ‘Фејсбук’ да ги регулираат своите канали“, изјави Смолинг.
?????? Making a stand against racist abuse!
A player led 24hr boycott on social media.
Read more: https://t.co/XxVkrefZ1H pic.twitter.com/I787Ar6rKg
— PFA | Professional Footballers’ Association (@PFA) April 18, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тежок пораз на МЗТ од Спартак во Суботица
Македонскиот шампион МЗТ Скопје и наредната сезона ќе се натпреварува во Втората АБА лига. МЗТ, вечерва доѓивеа убедлив пораз на гостувањето кај најдобриот тим во регуларниот дел од сеозната, Спартак Суботица.
МЗТ имаше мали шанси да го изненади фаворизираниот противник, кој во Скопје победи со пет поени разлика. Но ниту најголемите песимисти не очекуваа дека македонскиот шампион ќе доживее тежок пораз.
Спартак сите дилеми, ако воопшто и ги имаше, ги реши во првото полувреме. Екипата од Суботица реализираше 80 отсто од шутевите за три поени во првиот дел (8/10) и на пауза замина со резултат 57:32.
Вториот дел беше само одработување на започнатото за Спартак кој славеше со 98:64.
Спартак за место во АБА лигата ќе се бори со Војводина.
Спорт
(Видео) Порту ја растури Барселона, Реал ја освои титулата во Шпанија
Фудбалерите на Џирона ја победија Барселона во 34.коло со 4:2 и го промофираа Реал Мадрид во нов шампион на Шпанија. На четири кола до крајот на сезоната Реал има 13 бодови повеќе од Џирона и 14 од Барселона.
Џирона втор пат сезонава во каталонското дерби ја победи Барселона. На „Монтоливи“, вечерва избраниците на Мичел славеа со пресврт.
Кристенсен погоди за Барселона во третата, а во четвртата минута изедначи Довбик со својот 17.коло во Примера. Втор пат во историјата на Примера се случива двата тима да постигнат по гол во првите пет минути.
До крајот на полувремето, во 46.минута), Левандовски направи пресврт и Барса со 1:2 замина на одмор.
Второто полувреме мина во знакот на Порту. Крилниот напаѓач на Џирона, во само девет минути ја креираше победата на својот тим. Во 65.минута изедначи на 2:2, потоа у асистираше на Гутиерез, а во 74.минута со својот втор гол стави точка на натпреварот.
Спорт
(Видео) Покер голови на Халанд, Сити го декласира Вулверхемптон
Фудбалерите на Манчестер сити на домашен терен го декласираа Вулверхемптон со 5:1, во 36. коло од англиската Премиер лига.
Блескаше Ерлинг Халанд кој постигна четири гола за домашниот тим (два од пенал). Сакаше да го постигне и петтиот поради што беше видно незадоволен и негодуваше во моментот кога Пеп Гвардиола реши да го замени во 82. минута.
Со оваа победа „Граѓаните“ ја задржаа пол-позицијата во борбата за титулата со Арсенал. На две кола пред крајот тимот од Лондон има бод повеќе, но Сити има меч помалку и доколку ги победи Фулам и Тотенхем на гости, а Вест Хем дома, ќе ја одбрани титулата шампион на Англија без разлика на резултатите на Арсенал, кој ќе гостува кај Манчестер јунајтед и ќе го пречека Евертон во последното коло.
Денеска избраниците на Пеп Гвардиола ја завршија работата во првото полувреме кое го одиграа во прилично лесен ритам и го решија во своја корист со 3:0, благодарение на хет-трикот на Ерлинг Халанд.
Во вториот дел Хванг намали на 3:1, но Халанд само 60 секунди подоцна му ја врати на Сити преднста од три гола. До крајот замената на Халанд, Хулијан Алварез во 84.минута го постави конечниот резултат.