Спорт
Лајовиќ го одмазди Ѓоковиќ и испиша историја во Монте Карло (видео)
Српскиот тенисер, Душан Лајовиќ во Монте Карло на Мастерс турнирот го постигна најголемиот успех во својата кариера. Србинот кој моментно е 48. светски тенисер првпат во неговата кариера се пласираше во финале на еден Мастерс турнир откако во полуфиналето со 2-0 во сетови (7-5 и 6-1) беше подобар од Русинот, Данил Медведев. Токму Медведев во претходното коло „го зема скалпот“ на првиот светски рекет, Новак Ѓоковиќ.
Мечот се играше по многу ветровито време. Иако во првиот сет Медеведев имаше предност од 5-1, сепак Лајовиќ не се предаде и успеа да направи голем пресврт добивајќи го сетот со 7-5.
Во вториот сет Русинот падна на психолошки план, па Лајовиќ со рутинирана игра стигна до голема победа.
Утре Лајовиќ за трофејот во Монте Карло ќе се бори со подобриот од денешното полуфинале меѓу Надал и Фоњини.
It's a first ATP Tour singles final for @Dutzee! ?
He defeats Daniil Medvedev 7-5, 6-1. | #RolexMCMasters pic.twitter.com/TZ890sQI55
— ATP Tour (@ATP_Tour) April 20, 2019
9️⃣ straight games for @Dutzee, who leads 7-5, 3-0❗
Your stunning stat of the match ? pic.twitter.com/p9nVV2TCv4
— ATP Tour (@ATP_Tour) April 20, 2019
✅ First ATP singles final
✅ First Masters 1000 final
✅ Lowest-ranked Monte-Carlo finalist since 2001@Dutzee beats Daniil Medvedev 7-5 6-1 to reach the #RolexMCMasters final pic.twitter.com/BYQ6iRcloj— Tennis TV (@TennisTV) April 20, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино: ВАР го нарушува имиџот на англискиот фудбал
Менаџерот на Челзи, Маурисио Покетино, изјави дека употребата на ВАР технологијата го нарушува имиџот на англискиот фудбал. Аргентинецот ова го изјави по натпреварот во Бирмингем, каде на Челси против Астон Вила му беше поништен гол за победа во 95.минута.
Челзи, на „Вила Парк“, губеше со 2:0, се врати во мечот со головите на Мадуеке и Галагер, а во петтата минута од судиското надополнување, по употребата на ВАР технологијата, голот на Аксел Дисаси беше поништен поради прекршок на почетокот на акцијата.
„Ова е болно и го нарушува имиџот на англискиот фудбал. Мислам дека ниту играчите на Астон Вила, ниту нивните навивачи не разбираа зошто голот е поништен. Судиите рекоа дека е прекршок, а ако на секој таков дуел гледаме како фаул, тогаш ние не би го завршиле натпреварот со 11 играчи. Можеме да зборуваме за играта или за одлуката, таа му штети за на фудбалот“, рече Покетино.
Спорт
(Видео) Два гола и две асистенции, Меси го реши Њу Ингланд
Фудбалерите на Интер Мајами ја продолжија победничката серија во МЛС лигата, а Меси ја продолжи голгетерската серија.
Избраниците на Херардо Тата Мартино славеа над Њу Ингланд со резултат 4:1 на гостински терен, во рамките на 11. коло и ја задржаа лидерската позиција во Источната конференција.
Ова беше шести триумф за Интер сезонава, за него најзаслужен беше Лионел Меси, двоен стрелец и асистент на стадионот „Жилет“ во Фоксборо, Масачусетс.
Аргентинецот на тој начин се проби на првото место на листата на стрелци со девет гола, а воедно е и прв асистент во лигата со осум асистенции.
Гол за гостите постигна и Луис Суарез, а меѓу стрелците се запиша и Американецот Бенјамин Кремаски.
In case you guys missed…here's highlights of Lionel Messi vs New England Revolution | 2 goals and an assist🐐pic.twitter.com/hu4l8fhgvq
— SK10 𓃵🇵🇸 (@SK10_Football) April 28, 2024
Спорт
Порто го смени претседателот по 42 години
Хорхе Нуно Пинто повеќе не е претседател на Порто, а на негово место е избран поранешниот тренер на овој клуб Андре Вилаш Боаш.
Новиот претседател доби дури 80 отсто од гласовите, со што заврши најдолгата претседателска ера во светот на фудбалот.
-„Порто повторно е слободен“, изјави Вилаш Боаш откако беше избран.
Хорхе Нуно Пинто, беше претседател на трофејниот клуб од 1982 година. Кога го презеде, Порто беше далеку зад ривалите од Лисабон (Бенфика и Спортинг) по бројот на национални титули (седум), а 42 години подоцна имаат 30, дури 11 повеќе од Спортинг, а Бенфика е напред со 38.
Покрај тоа, Порто во неговата ера освои дури пет европски трофеи и два Интерконтинентални купа.
Еден од тие пет трофеи како тренер го освои Вилаш Боаш, Лига Европа во 2011. Таа сезона, единствената во која беше тренер на Порто, ја заокружи со сите три домашни трофеи. Потоа ги водеше Челзи, Тотенхем, Зенит, Шангај СИПГ и Олимпик од Марсеј.