Црна хроника
Утврден идентитетот на загинатите во страшната несреќа кај скопска Рампа
Скопската полиција во петокот претпладне го утврди идентитетот на петте млади жртви кои рано утрото ги загубија животите во страшна сообраќајна несреќа во центарот на Скопје.
Момчињата загинаа откако околу 3 часот наутро со автомобил марка „БМВ“ излетале од коловозот и буквално се забиле во подрумските простории на објектот на „Пазарна инспекција“, кај „Рампа“ на Јужен Булевар на влезот во скопската општина Кисела Вода. Како што соопштија до Министерството за внатрешни работи, сите се од Скопје, и сите починале на самото место на трагедијата.
Курир дознава дека во несреќата животите ги загубиле, 28-годишниот Александар Стаиќ, една година помладиот Борче Стаиќ, 28-годишниот Горан Ѓоргиев, и 27-годишните Живко Колев и Филип Биркаш. Според сознанија на медиумите, Александар и Борче се во роднинска врска, но засега е непознато дали се браќа./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Mлад скопјанец натепан во автобус во Карпош од две двојно постари лица
Синоќа во градски автобус на подрачјето на Карпош, Н.Ј.(23) од Скопје бил физички нападнат од Ј.И.(58) и 50 – годишната Л.И., двајцата од Скопје.
Се преземаат мерки за расчистување на случајот, објави МВР во дневниот билтен.
Топ
Деца натепани од врсници на Бит Пазар пред зградата во која живеат
Триесет и четиригодишната Ч.М.А. од Скопје пријавила дека околу 16.30 часот пред зградата во која живеат на подрачје на Бит Пазар, нејзините малолетни деца биле физички нападнати од двајца малолетници.
Се преземаат мерки за расчистување на случајот, објави МВР во дневниот билтен.
Топ
Избоден малолетник во Куманово, пренесен е болница
Малолетно момче било избодено синоќа во Куманово.
Од МВР велат дека момчето се здобило со повреди и било пренесено во Ургентниот центар.
Засега е познато дека зад нападот стои едно лице, но од МВР без детали што претходело и дали двајцата се познавале.
Се преземаат мерки за расчистување на случајот, велат од полицијата.