Свет
Бројот на мртви во масакрот на Шри Ланка се искачи на 359

Бројот на мртви од бомбашките напади на Шри Ланка, кои се случија на католичкиот Велигден, се зголеми. Тамошната полиција за репортерите на Си-ен-ен откри дека бројот на убиени луѓе се зголемил од 320 на 359.
На 21 април терористи извршија серија координирани смртоносни бомбашки напади во градови на Шри Ланка. Досега полицијата уапси 60 лица, кои се поврзуваат со нападот, а истрагата сè уште трае, објави „Ројтерс“.
Заменик-министерот за одбрана на прес-конференција изјави дека еден од деветтемина бомбаши во нападите била жена.
„Ројтерс“ објави дека американските разузнавачи веруваат оти терористите планираат уште напади на Шри Ланка.
Премиерот на Шри Ланка, Ранил Викремесинге, синоќа предупреди дека на слобода се уште неколку осомничени за терористичките напади.
Тој рече дека некои од нив, најверојатно, имаат и експлозивни направи.
Претседателот на Шри Ланка, Маитрипала Сирисена, најави дека во рок од 24 часа ќе направи смена на челниците на одбранбените сили бидејќи тие пропуштија да ги спречат самоубиствените напади и покрај фактот што располагале со претходни информации за можни напади, специфично врз верски објекти.
„Целосно ќе ги реконструирам полицијата и безбедносните сили во текот на следните недели. Очекувам и смена на одбранбеното раководство во наредните 24 часа“, рече Сирисена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Париз, Лондон и Берлин повикаа да престане хуманитарната катастрофа во Газа

Хуманитарната катастрофа во Појасот Газа мора веднаш да престане, повикаа вчера во заедничко соопштение Париз, Лондон и Берлин.
„Хуманитарната катастрофа на која сме сведоци во Газа мора веднаш да престане“, нагласија трите европски земји.
Тие на овој начин одговорија на алармот објавен од ОН и невладините организации дека постои ризик од непосреден и широко распространет глад во Газа. Трите европски престолнини ја повикуваат европската влада веднаш да ги укине ограничувањата за испорака на помош.
Франција, Велика Британија и Германија, исто така, потсетуваат дека Израел мора да ги почитува своите обврски според меѓународното хуманитарно право.
„Дојде моментот да се стави крај на војната во Газа“, додадоа тие и ги повикаа сите страни да го прекинат конфликтот со склучување на договор за моментално прекин на огнот.
Регион
Топлотниот бран ги затвори Акропол и археолошките локалитети во Атина

Поради топлотниот бран и високите температури што од почетокот на седмицава ја зафатија Грција, археолошките локалитети во Атина, како и Акропол и во текот на викендов ќе бидат затворени за туристи во периодот од 12 до 17 часот.
Новиот топлотен бран што ја зафати Грција, според најавите и прогнозите се очекува да трае до недела.
Вчера беше најтоплиот ден, просечната максимална температура достигна 37,6 степени Целзиусов, на Пелопонез измерени речиси 46 степени, а во многу делови од земјата надмина 42 степени.
Свет
Русија до Западот: Тврдоглаво игнорирате додека режимот во Киев се обидува да ја спаси кожата на Зеленски

„Тврдоглаво се обидувате да игнорирате како темелно корумпираниот режим во Киев се обидува да ја спаси кожата на украинскиот претседател Володимир Зеленски, доведувајќи ја во прашање иднината на својата земја. За тоа детално ќе разговараме на посебниот состанок што го побаравме за 31 јули, каде што предлагаме фокусирање на акциите што ја поткопуваат потрагата по дипломатски пат за решавање на украинскиот конфликт – вклучително и обидите да се попречи директниот руски-украински преговарачки процес во Истанбул“, изјави заменикот на рускиот амбасадор во ОН, Дмитриј Пољански, на седницата на Советот за безбедност, обраќајќи им се на претставниците на западните земји, пренесува ТАСС.
Според него, Русија подолго време и доследно предлага решавање на украинската криза по дипломатски пат.
„Но вас тоа не ве задоволува – сè додека сте подготвени да продолжите да се борите против Русија преку рацете на Украинците. А фактот што ги има сè помалку – воопшто не ве вознемирува“, предупреди рускиот дипломат.
Русија и Украина во мај и јуни одржаа две рунди преговори, по што следуваше размена на заробеници и предавање на телата на загинатите украински војници. Двете страни исто така разменија нацрти меморандуми за решавање на конфликтот.