Македонија
(Видео) Здравев: Приоритет ќе бидат постапките за нестручно постапување на судиите
Новоизбраниот претседател на Судскиот совет, Киро Здравев, во првата изјава пред јавноста рече дека ќе се залага за транспарентно и отчетно работење и за враќање за довербата на граѓаните во судската власт.
„Очекувам да ја вратиме довербара во фелата, меѓу судиите кон Судскиот совет, а секако и довербата на граѓаните кон судството. Знаеме дека таа доверба на граѓаните сериозно е разнишана, но понатаму ќе се злагам за непристрасно и објективно судење…“, рече Здравев, кој ги спомна и забелешките за работата на Судскиот совет во извештаите на Рајнхрад Прибе.
На прашањето како ќе ги раскинат врските со политичарите, Здравев рече дека тоа е оставено на совеста на членовите на Судскиот совет и рече дека гарантира законита и крајно совесна работа.
„Сè што е поведено пред Судскиот совет како постапка за утврдување одговорност на кој било, дали е судија, претседател на суд, уште повеќе член на Судскиот совет, претседател на Судскиот совет, тие постапки мораме да ги завршиме“, рече новиот претседател на Судскиот совет.
Здравев рече дека постапките за утврдување нестручно и несовесно вршење на судиската функција сигурно ќе бидат завршени, но најверојатно со нив ќе се зафатат наесен.
„Тоа ќе биде приоритет. Тоа е заостаната работа од претходниот состав. Ќе им се даде приоритет. Штом е почната постапката, мора да се заврши. Па сигурно пред годишните одмори не, но наесен сигурно дека ќе се зафатиме сериозно со таа работа. До годишните одмори планираме, ако успееме, да извршиме избори на 6 судии во Аплеација во Скопје, двајца судии во Управниот суд и претседатели на 10 суда…“ рече Здравев.
Здравев рече дека имаат сознанија за специјалниот извештај на судиите СЈО, но не даде конкретен одоговор. Тој цитира мисла од античкиот филозоф Сократ, според кого потешко е да се нанесе неправда отколку да се трпи неправда од причини што оној што нанесува неправда си ја огрешува соспствената душа, а душата е персонификација на совеста. За заменик на Киро Здравев беше избран Селим Адеми. Во Судскиот совет се формирани комисии за нестручно и несовесно вршење на судиската функција за претседателот на Врховниот суд, Јово Вангеловски, и другите врховни судии што го пуштија бизнисменот Сеад Кочан да се брани од слобода, а некои од нив одлучуваа за притворот на Горан Грујевски и Никола Бошкоски, кои избгаа во Грција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Филипче: Бошњачката заедница е нераскинлив дел од нашето мултиетничко општество
Претседателот на Социјалдемократскиот сојуз на Македонија, Венко Филипче, вечерва присуствуваше на одбележување на Меѓународниот Ден на Бошњаците, во организација на Странката на демократска акција на Македонија (СДА).
Во обраќањето пред присутните, Филипче прача дека бошњачката заедница е нераскинлив дел од општеството и има значаен придонес во развојот и напредокот на Северна Македонија.
„Граѓаните Бошњаци по измените на Уставот од 2001 година, станаа дел од преамбулата и на нашиот Устав. Со нивната традиција, како составен и нераскинлив дел од нашето мултиетничко општество, имаат значаен придонес во развојот и напредокот на државата. Бошњачката заедница во Северна Македонија активно се вклучи во успешниот концепт „Едно општество за сите“, со кој Северна Македонија сега е пример во Ервопа и регионот за дијалог, меѓусебно разбирање и почитување“, рече Филипче.
Воедно, претседателот на СДСМ, Филипче ја потенцираше важноста на Странката на демократска акција на Македонија (СДА), која како коалициски партнер на СДСМ, изминативе години даде поддршка на развојните политиките во периодот на Владата на СДСМ.
„Во основното образование за учениците Бошњаци се врати редовната настава на босански јазик, Северна Македонија и Босна и Херцеговина потпишаа серија на билатерални договори во интерес на граѓаните,Скопје и Сараево станаа збратимени градови. Со својата прогресивна идеологија во изминатите години, СДА активно учествуваше во сите процеси кои ја придвижија државата напред, како што е членството во НАТО и започнувањето на преговорите со Европската Унија“, рече Филипче, додавајќи дека токму тоа и е разликата СДСМ и актуелната власт .
Филипче во своето обраќање нагласи дека СДСМ и СДА и во иднина ќе делуваат заеднички и ќе се залагаат за соживот,меѓусебна почит и интеграција на државата.
„ За жал деновиве сме сведоци на едни политики кои ја враќаат државата назад во изолација, нешто за што граѓаните не гласаа. И тоа не смееме да го дозволиме, не смееме да се откажеме од европскиот пат, од европска иднина за нашите граѓани. СДСМ и СДА и понатаму ќе продолжат да делуваат заеднички, ќе се залагаме за демократските вредности и инклузија на сите заедници, за интеграција, а не за изолација на државата“, порача претседателот на СДСМ, Венко Филипче.
Македонија
Промена на времето: УХМР за утре најавува дожд, силен ветер и драстичен пад на температурите
Управата за хидрометеоролошки работи најавува значителна промена на времето утре – дожд, засилен ветер и пад на температурата.
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.
Македонија
Претседателката Сиљановска Давкова се сретна со генералниот секретар на Советот на Европа, Алан Берсе
Претседателката Гордана Сиљановска Давкова во рамки учеството на 79. Генерално Собрание на Обединетите Нации во Њујорк, оствари средба со генералниот секретар на Советот на Европа, Алан Берсе.
На средбата беа разменети мислења за целите и приоритетите насочени кон демократизацијата на македонското општество, човековите права и владеењето на правото. Реафирмирајќи ја посветеноста за натамошна конструктивна соработка со Советот на Европа, претседателката Сиљановска Давкова изрази задоволство од континураната поддршка за нашето целосно усогласување со европските стандарди и вредности.
Претседателката Сиљановска Давкова ја нагласи важноста од кредибилно постапување на Европската Унија во однос на интеграцијата на земјите од Западен Балкан кога напредокот на поединечните кандидати е евидентно заслужен. Таа се осврна и на неопходното обезбедување усогласеност со обврските што земјите-членки ги презеле, вклучително и правилното спроведување на пресудите на Судот во Стразбур.
Соговорниците разговараа и за актуелните безбедносни состојби во Европа, со акцент на војната во Украина, како и за потребата од посветеност и заеднички пристап кон сегашните и идните предизвици какви што се влијанието на новите технологии и климатските промени врз човечките ресурси.
На средбата претседателката Сиљановска Давкова упати честитки до новоизбраниот генерален секретар на Советот на Европа, Алан Берсе, изразувајќи искрени желби за успешно исполнување на важната мисија и продолжување на плодната соработка со македонските институции.