Европа
Во полициска акција ранети жената и ќерката на лидерот на терористичката група од Шри Ланка
Сопругата и ќерката на лидерот на исламистичката група одговорна за самоубиствените напади во Шри Ланка се ранети во судир во текот на ноќта во источниот дел на земјата, соопшти полицијата.
Полициски командоси, во заедничка акција со припадници на армијата, доцна навечер во петокот опколиле куќа во Саинтамариту, 364 километри источно од главниот град Коломбо, под сомнение дека во неа се наоѓаат исламисти поврзани со нападите врз цркви и хотели на католички Велигден, во кои според најновите пресметки загинаа 253 лица, откако поради грешка во пребројувањето, властите ја намалија официјлната бројка од првичните 360.
„Да, сопругата и ќерката беа повредени во тој напад“, изјавила Хашим Матани, сестрата на Захаран Хашим.
Откако од куќата бил отворен оган врз специјалците од војската и полицијата, започнала престрелка, а во куќата одекнале три силни експлозии, пренесоа локалните медиуми.
Тела на 15 лица, меѓу кои и на шест деца, пронајдени биле на местото на жестоката ноќна пресметка, соопшти денеска портпаролот на војската.
Пресметката се случува шест дена откако исламистички бомбаши-самоубијци, за време на католичкиот Велигден, убија повеќе од 250 луѓе во напади врз цркви и четири хотели во Шри Ланка.
Властите во петокот потврдија дека Захаран Хашим е еден од напаѓачите кои со бомба се разнел во хотелот „Шангри-Ла“ во главниот град Коломбо.
Захаран бил предвоник на радикализираната група и ширел екстремистичка идеологија во различни делови на земјата. Се смета дека тој е еден од одговорните и за нападите врз будистичките статуи во централна Шри Ланка, кои се случија во декември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Холандија: Украина може да нападне цели во Русија со нашите борбени авиони
Министерката за одбрана на Холандија, Кајса Олонгрен, му порача на Киев слободно да ги користи борбените авиони „Ф-16“ што земјата има намера да ѝ ги донира на Украина за напади врз цели во Русија.
Имено, Холандија планира да испрати 24 борбени авиони „Ф-16“ во Киев.
Олонгрен во интервју за „Политико“ рече дека Холандија нема да воведе ограничувања за користење на авионите, како што е случајот со Белгија, каде што премиерот Александар де Кро го предупреди Киев да не ги користи нивните „Ф-16“ во рускиот воздушен простор.
„Нема ограничувања во белгиски стил. Кога ќе ги предадеме авионите на Украина, тие може да ги користат. Само бараме од нив да го почитуваат меѓународното право и правото на самоодбрана како што е наведено во Повелбата на ОН, што значи нивно користење за таргетирате воени цели за самоодбрана“, рече Олонгрен.
Олонгрен и американскиот секретар за одбрана, Лојд Остин, беа меѓу високите претставници што се сретнаа со украинскиот претседател Володимир Зеленски на конференцијата во Сингапур во неделата. Олонгрен ќе се повлече од функцијата министер за одбрана откако новата екстремно десничарска влада ќе положи заклетва. Таа рече дека се надева оти новата влада ќе продолжи да ги поддржува НАТО и Украина.
Европа
Турист во Италија уништил фрески стари речиси 2000 години
Холандски турист уништил ѕид со фрески во античка римска куќа во Херкуланеум, во близина на Неапол, оштетувајќи ја зградата што ја преживеала вулканската ерупција на Везув во 79 година од нашата ера, соопшти денеска италијанската полиција.
Во соопштението на полицијата се вели дека 27-годишниот турист бил брзо идентификуван откако вработените во археолошкиот локалитет откриле графити исцртани со црн, неизбришлив фломастер на бел дел од насликан ѕид.
Полицијата соопшти дека тоа е потпис на маж кој сега се соочува со обвинение за оштетување на уметничкото дело.
Помалиот град од неговиот попознат сосед Помпеја, Херкуланеум бил покриен со подлабок слој пепел, кој ги заштитил неговите урнатини од крадци и оставил особено добро сочувани остатоци.
Како одговор на зголемениот вандализам, Италија оваа година воведе построги казни за оние кои ги оштетуваат спомениците и културните места, одредувајќи казни до 40.000 евра.
Европа
Киев: Убивме најмногу руски војници за еден ден; Русите: Ние уште повеќе Украинци
Русија претрпе рекордни загуби во мај и забележа најголема дневна загуба на персонал од почетокот на инвазијата во февруари 2022 година, според Киев. Руските сили изгубија 38.940 борци во Украина минатиот месец, соопшти во саботата украинското Министерство за одбрана.
Украинската армија редовно известува за дневни руски загуби. Во средината на мај, киевските трупи изјавија дека Москва изгубила 1.740 војници за еден ден, што е најголем број дневни руски жртви од почетокот на сеопфатната војна. Треба да се напомене дека не е многу лесно да се одреди вистинскиот размер на жртви на бојното поле. Затоа аналитичарите повикуваат на претпазливост во однос на бројките што ги презентираат Русија и Украина, пишува „Њузвик“.
Иако западните експерти често проценуваат дека руските загуби на фронтот се помали од бројките наведени од Украина, британското Министерство за одбрана во петокот соопшти дека Москва најверојатно има повеќе од 500.000 борци ранети или убиени од почетокот на 2022 година. Во текот на мај Русија изгуби повеќе од 1.200 војници дневно, што е најмногу од почетокот на инвазијата, објави британската влада.
„Руските загуби најверојатно произлегуваат од континуираните напади на украинските позиции долж линијата на фронтот, без соодветна обука на војниците“, соопшти британското Министерство за одбрана. Москва започна офанзива против североисточниот регион на Украина Харков минатиот месец, отворајќи нов фронт. Во исто време, интензивните борби продолжуваат во источниот регион на Доњецк.
Украинската војска во саботата објави дека Русија извршува тешки напади западно и северозападно од градот Доњецк што е под руска контрола и дека активноста се интензивирала уште на север, кон Харков. Истиот ден Киев објави дека Русија претрпела 1.130 жртви во претходните 24 часа, со што вкупниот број на загинати руски војници, според Украина, достигна 508.780.
Москва последен пат пријави жртви во септември 2022 година, кога поранешниот министер за одбрана Сергеј Шојгу рече дека биле убиени нешто помалку од 6.000 руски војници. Руската Би-Би-Си и руската независна медиумска група Медијазона минатиот месец потврдија дека меѓу февруари 2022 година и 22 мај 2024 година, најмалку 54.185 руски војници ги загубиле животите.
Украина, исто така, претрпе големи загуби и ретко дава ажурирања за бројот на жртви од нејзина страна. Украинскиот претседател Володимир Зеленски на крајот на февруари изјави дека во текот на двете години од војната биле убиени 31.000 украински војници. Од друга страна, Русија наведува дека бројот на загинатите украински сили е многу поголем и дека Киев само во 2023 година загубил 215.000 борци.
Во саботата Русија објави дека во изминатиот ден биле убиени 1.845 украински војници.