Спорт
Алегри: Фудбалот е глуп спорт, за интелигентни луѓе
Тренерот на Јувентус, Масимилијано Алегри во два дена на италијанските телевизии имаше настапи кои беа многу забележителни и коментирани, а на кои тој ги покажа своите две лица.
Во соработка со коментаторот на „Скај спорт“ и со поранешниот дефанзивец Даниел Адани направија вистинско шоу. Екс-фидбалерот е познат по тоа што постојано ги критикува тренерите во Италија.
„Во Италија сите стануваат теоретичари во фудбалот и тоа е пробле. Молчи кога зборувам, ништо не знаеш за фудбалот. Ти само седиш, читаш книги, а ништо не знаеш за праксата. Јас освоив 6 титули шампион на Италија“ – му порача Алегри на Адани.
Трофејниот тренер истакна и дека ќе остане во Јувентус.
„Важно е и да се забавуваш, јас не можам да бидам јас ако не ми е забавно. Постои тензија во текот на мечот, фудбалот е голем бизнис, Јувентус има приходи од 550 милиони евра годишно , резултатот многу значи. Јас не ги сакам многу тие тактички системи. Научив дека фудбалот е глуп спорт за интелигентни луѓе. Наједноставните работи се најтешки да се направат“ – вели Алегри.
Allegri vs Adani integrale
Allegri pessimo davvero. Manca gravemente di risperro ad Adani. “Ho vinto 6 scudetti”. Ma chi sei?! pic.twitter.com/Y8Aj1RGQaC
— MinaInterista (@MinaInterista) April 27, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Клоп оди на долг одмор, размислува и да се пензионира
Јирген Клоп, вчера последен пат го водеше Ливерпул. Германецот по девет години реши да си замине од „Енфилд“. По неговиот последен меч како менаџер на Ливерпул се поставува прашањето дали ќе се пензионира?
Јирген Клоп вчера откри дека никогаш нема да се врати во Англија како менаџер.
„Ова сигурно ќе биде долга пауза, нема да се вратам наскоро, а можеби и ова е крајот ( пензионирање)“, рече Клоп.
„Моето време во Англија заврши бидејќи никогаш повеќе нема да тренирам клуб од Премиер лигата“, додаде Германецот.
Клоп на клупата на Ливерпул мина 488 натпревари, победи на 303, а загуби само 85.
Со Ливерпул ја освои титулата во Премиер лигата, трофејот во Лигата на шампионите и стигна до финалето на Лига Европа. Има по еден трофеј во Лига купо и ФА Купот.
Додека беше во Ливерпул два пати беше прогласен за најдобар тренер на светот.
Спорт
(Видео) Јокиќ не знае дали ќе игра за Србија на ОИ
Никола Јокиќ, кошаркарот на Денвер Нагетс изјави дека не знае дали ќе игра на Олимписките игри во Париз.
Денвер Нагетс беа елиминирани од Минесота во полуфиналето на Западната конференција, откако испуштија предност од 20 поени во седмиот натпревар.
Јокиќ имаше учинок од 34 поени, 19 скока и седум асистенции, а по мечот беше запрашан дали ќе игра за репрезентацијата на Олимписките игри.
„Не знам, ќе видиме, треба да размислам“, изјави Јокиќ.
Кошаркарскиот турнир на Олимписките игри ќе се игра од 27 јули до 10 август.
Србија во групната фаза ќе игра против САД, Јужен Судан и победникот на квалификацискиот турнир во Порторико.
Hoće li Nikola Jokić igrati za Srbiju na Olimpijskim igrama u Parizu? pic.twitter.com/bvwDvOFoZN
— B92 Sport (@b92sport) May 20, 2024
Спорт
На Лапорта му се слошило пред состанокот со Чави
Барселона го обезбеди второто место на крајот од сезоната со победата од 3-0 на домашен терен против Рајо Ваљекано.
Роберт Левандовски го постигна првиот гол во третата минута, а натпреварот беше решен кога Педри постигна два брзи гола, во 72. и 75. минута.
По натпреварот, претседателот на Барселона, Џоан Лапорта, се упатил кон службените простории за да одржи состанок со тренерот Чави, на кој , како што тврдат медиумите, требало да биде донесена одлука дали Чави ќе остане на чело на тимот и следната сезона.
Сепак, средбата не се одржала бидејќи, според шпанските медиуми, на Лапорта му се слошило и итно го напуштил стадионот и отишол во болница.
Чави по натпреварот имал средба со новинарите, на која рекол дека не знае каква ќе биде неговата судбина.
„Пораката е иста, кога ќе имам информација ќе ја споделам со вас. Но, ситуацијата е иста. Очекувам разговор што е можно поскоро“, рекол Чави.
Се чини дека навивачите го поддржаа Чави во наводниот судир со претседателот Лапорта.
„Не ми се допаѓа оваа ситуација. Не ми се допаѓа вакво нешто. Не сакам кога вака се искажува незадоволството, не е важно дали се работи за тренерот или претседателот. Непријатно ми е. Од друга страна, благодарен сум на нашите фанови што го извикуваа моето име“,
Минатата сезона Барселона по четири години пост ја освои титулата со Чави, но оваа година клубот остана без ниту еден трофеј.