Свет
(Видео) Тереза Меј го смени министерот за одбрана, зошто открил доверливи информации од состанок
Британскиот министер за одбрана Гавин Вилијамсон е сменет од функцијата поради оддавање информации од затворен состанок, на кинеската телекомуникациска компанија „Хуавеј“, пренесуваат британските медиуми.
За нов министер за одбрана, на местото на Вилијамсон, е поставена Пени Мордант, која претходно била министерка за меѓународен развој, пренесе Ројтерс.
Одлуката на премиерката Тереза Меј да го смени Вилијамсон е донесена на основа на информации за неговото однесување, до кои дошла истрагата за околностите за неовластено оддавање информации од состанок на Советот за национална безбедност, се наведува во соопштението.
Истрагата била покрената минатата недела, откако медиумите пренесоа дека Советот, кој се состанува зад затворени врати, одлучил да ѝ дозволи на компанијата „Хуавеј“ да учествува во некои аспекти на новата британска безжична 5Г комуникациска мрежа.
Британската Влада инсистира на тоа дека таква одлука не е донесена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.