Свет
Се сврши премиерката на Нов Зеланд
Премиерката на Нов Зеланд, Џасинда Ардерн, се сврши со својот долгогодишен партнер Кларк Гејфорд, кој ја побарал за сопруга за време на велигденските празници, соопшти денеска нејзиниот портпарол, Ендрју Кембел.
Гејфор (41) е водител на ТВ-емисија за риболов и се грижи за нивното 10-месечно бебе, додека Џасинда (38) ја води државата, пренесува „Ројтерс“.
Нејзината бременост, која беше објавена на почетокот на минатата година, многумина ја сметаат за симбол на напредок за жените на раководни позиции. Таа е втора жена лидер која се породила за време на нејзиниот мандат. Првa била пакистанската премиерка Беназир Буто во 1990 година.
Вестите за веридбата се прoширија откако новинарите денеска за време на јавен настан забележале дека Ардерн носи прстен на средниот прст.
Портпаролот Ендрју Кембел потврди дека премиерката го носи прстенот од Велигден. Тој не наведе детали за тоа на кој начин Ардерн го добила предлогот за брак.
Двојката првпат се сретнала пред шест години кога Гејфорд отишол да се жали на член на парламентот поради владин предлог за измена на закон.
Тој налетал на Џасинда, која била ѕвезда во подем во Лабуристичката партија, пиеле кафе и набргу потоа почнале да живеат заедно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.