Свет
Белата куќа збунета од повикот на Хилари Клинтон до Кина да го хакира Трамп
Секретарот за печат во Белата куќа, Сара Сандерс, ја критикуваше Хилари Клинтон поради нејзините коментари за наводно договарање на Доналд Трамп со Русија и неговите нејасни даночни документи, пренесува „Спутник“.
„Ова е хипокризијата без преседан и мислам дека помешала со претходната администрација, која, всушност, не направи ништо за да го спречи мешањето во изборите. Искрено, збунет сум од тоа и од навистина зачудувачките коментари од поранешниот државен секретар Клинтон”, изјави Сандерс.
Хилари Клинтон разговараше за прашањето Трамп-Русија во интервју со Рејчел Медоу од MSNBC во средата. Таа предложи сценарио во кое номинираниот демократ во 2020 година ќе побара од Кина да ги хакира и обелодени даночните пријави на Трамп.
„Значи, зошто Русија само да се забавува? А бидејќи Русија јасно ги поддржува републиканците, зошто да не побараме од Кина да нè поддржи? И не само тоа. Кина, ако слушате, зошто не ги соберете даночните пријави на Трамп? Сигурна сум дека нашите медиуми богато ќе ве наградат“, рече Клинтон во интервјуто.
Таа се осврна на говорот на Трамп на прес-конференцијата во јули 2016 година, кога ја повика на помош од Русија во откривањето на исчезнатите пораки на е-пошта на Клинтон во скандалот со електронската пошта на ДНЦ. Клинтон рече дека ако Кина ги накира финансиските документи на Трамп, тоа нема да се квалификува како заговор според извештајот на Милер.
Двегодишната истрага за наводните врски помеѓу кампањата Трамп и руските власти на специјалниот советник Роберт Милер не откри докази за заговор. Меѓутоа, извештајот детално објасни неколку случаи во кои Трамп се обидел да ја фрустрира истрагата, но Милер не успеа да го обвини американскиот претседател за попречување на правдата.
Милер изјави дека Русија се обидела да се вмеша во претседателските избори во 2016 година, но московските власти тврдат дека извештајот не нуди веродостојни докази за да се докажат ваквите наводи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп вети олеснување на прописите во САД за поседување оружје што ги воведе Бајден
Поранешниот американски претседател и републикански претседателски кандидат Доналд Трамп вети во говорот во Националната асоцијација за пушки (NRA) дека ќе ги олесни прописите за поседување оружје што ги воведе демократскиот претседател Џозеф Бајден.
Трамп го искористи обраќањето до илјадници членови на NRA во Далас за да ја расветли неговата политика, но и да ги охрабри членовите на NRA да гласаат на ноемвриските избори, пренесува Ројтерс. „Треба да ги натераме сопствениците на оружје да гласаат. Мислам дека сте бунтовен куп.
„Бидете бунтовни и гласајте овој пат“, рече Трамп во говорот што траеше повеќе од 90 минути.Националната асоцијација за пушки (НРА) со ентузијазам го поддржа Трамп за време на претседателската трка во 2016 година и во текот на неговата администрација.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.