Свет
Град во Монголија ставен во карантин од кога две лица починаа од чума
Монголските здравствени власти го ставија во карантин градот Улгиј на границата со Русија од кога две лица починаа од чума. Мажот и неговата бремена жена починале по консумирање сурово месо од мрмот.
На холандските, швајцарските, шведските, јужнокорејските, германските и на руските туристи им е забрането да ја напуштат областа, известува „Сиберијантајмс“.
Баян-Өлгий аймагт тахал гарсан байна. Улаанбаатар руу нисэх байсан зорчигчдыг агаарын хөлгийн хамт түр саатуулан хөл хорио тогтоожээ.
2019/05/01 17:00 pic.twitter.com/2LsWgXBj5p
— Oscar Uniform (@OilooSM) May 1, 2019
Драматичните слики покажуваат како работниците на службата за спречување контаминација блокираат барем еден авион за да го спречат ширењето на инфекцијата.
Министерството за здравство на Монголија потврди дека две лица, 38-годишен маж и неговата една година помлада бремена сопруга, починале од чума по консумирање сурово месо и внатрешни органи на мрмот. Зад себе оставиле четири деца на возраст од две до 13 години.
Според монголската традиција, суровото месо и внатрешните органи на свежо убиен мрмот го подобруваат здравјето, објавија локалните медиуми.
Министерството за здравство во Монголија не смета дека ситуацијата со чумата е критична или блиску до епидемија. Сепак, рокот за карантин, кој во најлош случај може да трае до 21 ден, сè уште не е објавен.
Чума е бактериска болест што ја шират болвите што живеат на диви глодачи, како што се мрмотите.
Болеста може да убие возрасен човек за помалку од 24 часа ако не се лекува навреме, според Светската здравствена организација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Пасатот“ го паркирал во море: капачите во Неум изненадени од несекојдневна сцена
Арогантното паркирање по улиците на градовите во БиХ веќе е секојдневие, но не се гледа често некој да паркира автомобил во морето, пишуваат тамошните медиуми.
Според написите, токму таква неверојатна слика ги изненадила неколкуте капачи на плажата во Неум, кои гледале како „Пасат“ буквално влегува во морето.
Според фотографиите објавени на социјалните мрежи, возачот го паркирал автомобилот во морето за да го извади скутерот на вода од приколката.
Фотографиите од автомобилот според медиумите, брзо се рашириле на Интернет, а корисниците на социјалните мрежи коментираат дека никогаш не виделе нешто слично.
Свет
Свештеник во Флорида гризнал жена која се обидувала да се причести
Свештеник од Флорида се соочува со обвиненија за напад откако гризнал жена за време на неделната миса.
Жената дошла на мисата во 10 часот, која се одржала во црквата Свети Тома Аквински и се обидела да се причести, објави епархијата Орландо, како што пренесува „NBC News“.
Свештеникот и рекол дека не се подготвила соодветно за причест, и дал благослов и ја замолил да си оди.
Жената подоцна се вратила и се обидела повторно да се причести, велат од бискупијата, а кога Родригез ја прашал дали ги презела сите неопходни чекори за да се причести, таа му рекла дека тоа не е негов проблем.
Свештеникот потоа ја причестил. „Во тој момент жената ја ставила раката во сад што го држел свештеникот, тој се обидел да ја оттурне со слободната рака, по што жената го оттурнала. Свештеникот ја каснал за раката“, наведуваат од епархијата.
Полицијата го истражуваше инцидентот во црквата и го сомничи Родригез за злоупотреба, пренесува медиумот.
Свет
Израелски министер: Мораме да ја продолжиме борбата и покрај наредбата на Меѓународниот суд на правдата
И покрај денешната наредба на Меѓународниот суд на правдата. Израел веднаш да ги прекине воените операции во градот Рафаh, во Појасот Газа, израелскиот министер Бени Ганц, член на Воениот кабинет, изјави дека Израел мора „да ја продолжи борбата“.
Ганц телефонски разговарал со американскиот државен секретар Ентони Блинкен од штабот на израелската армија во Тел Авив, а потоа најавил дека Израел ќе продолжи „да постапува во согласност со меѓународното право“ во Рафа – пренесоа израелските медиуми.
„Државата Израел води праведна и неопходна кампања откако бруталнаta терористичка организација масакрира наши граѓани, силуваше наши жени, киднапираше наши деца и испука ракети во центарот на нашите градови“, рече Ганц.
Тој тврди дека оваа земја е „должна да ја продолжи борбата за враќање на своите граѓани“ кои се заложници на Хамас и да ја обезбеди безбедноста на сите граѓани насекаде, вклучително и Рафах.
„Ние ќе продолжиме да дејствуваме во согласност со меѓународното право во Рафах и каде и да оперираме и ќе правиме напори да избегнеме повреди на цивили, не поради Хашкиот трибунал, туку пред се поради тоа што сме ние“, најави Ганц, поранешен началник на Генералштабот на Израел.
Лидерот на израелската опозиција Јаир Лапид ја осуди наредбата на Меѓународниот суд на правдата бидејќи тој суд не го поврза барањето за прекин на воената акција со барањето за враќање на израелските заложници приведени во Газа.
Лапид, кој е остар критичар на премиерот Бенјамин Нетанјаху, рече дека „неуспехот на тој суд“ на ОН да ги поврзе овие две работи е „морален колапс и морална катастрофа“.