Спорт
Хаос и „анархија“ на „Сан Сиро“ – но клучните три поени остануваат за Милан (видео)
Милан по два меча без победа, стигна до триумф во Серија А, откако на „Сан Сиро“ во понеделничкиот меч беше со 2:1 подобар од Болоња, но мечот ќе биде запаметен по скандалозното однесување на Тиемуе Бакајоко и бизарниот црвен картон на Лукас Пакуета, уште еднаш покажувајќи ја недисциплината на тимот на Џенаро Гатузо.
Првата „глупост“ на мечот се случи во 26. минута, кога Бакајоко реши да одбие да влезе во игра, откако минатата недела беше казнет за доцнење на тренингот на тимот по што сите беа пратени „ин ритиро“, на казнен тренинг до денешниот меч. Французинот требаше да влезе на местото на повредениот Лукас Биља, но наместо тоа му кажа на Гатузо да оди да се „е.е“, со што најверојатно ја заврши својата кариера кај „росонерите“.
Wow Absolute Scenes at Milan
Bakayoko APPARENTLY refuses to come on for Biglia and tells Gattuso to f**k off!
Gattuso: “we’ll talk about this later..”
End of the road for Baka at Milan?
pic.twitter.com/yTtI41JYJt— Uncle Sharma (@RSharmzz) May 6, 2019
Сусо во 37. минута донесе водство за Милан со својот прв гол по повеќе од 1.000 минути (од јануари), а Фабио Борини во 67. минута зголеми на 2:0, меѓутоа Матија Дестро во 73. минута намали на 2:1.
Потоа следуваше уште еден показател за недисциплината на Милан. Лукас Пакуета откако доби жолт картон, реши да го удри судијата по раце, добивајќи уште еден жолт картон оставајќи го Милан со играч помалку во последните 15 минути.
Болоња на Синиша Михајловиќ не го прифати поразот спортски, откако во финишот имаше уште драма – двајца фудбалери на гостите добија црвен картон. Никола Сансоне прво доби втор жолт за неспортско однесување во 96. минута, за потоа и Мичел Дајкс, кој беше на клупата на Болоња, да добие директен црвен во неславен крај на еден неславен меч.
Сепак, на крајот, Милан стигна до победата, со која ги заддржува шансите за пласман во Лигата на шампионите – „росонерите“ сега се петти со 59 поени, колку што има и шестопласираната Рома, и три помалку од Аталанта, која засега го држи четвртото место на три кола пред крајот. Болоња, пак, е на 15. место со 37 поени, пет повеќе од зоната за испаѓање.
Скандал во Милан – Бакајоко до Гатузо: Оди е.и се, човеку! (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Страшен меч во Виљареал, Сорлот му даде четири гола на Реал
Во претпоследното коло од шпанската Ла Лига, спектакуларен натпревар одиграа Виљареал и Реал Мадрид. На крајот немаше победник (4:4) и покрај тоа што на полувреме Реал имаше предност 1:4.
Натпреварот го одбележа норвешкиот напаѓач Александар Сорлот кој постигна четири гола, но навивачите на жолтата подморница немаат премногу причини за задоволство, бидејќи останаа без шанси да изборат место во европските купови.
Првото полувреме го одбележа доминацијата на гостите, Арда Гулер го доведе кралскиот клуб во водство во 14. минута, а Хоселу во 30. минута го зголеми водството. Девет минути подоцна Сорлот ја намали негативата, но до крајот на првото полувреме Лукас Васкез и Гулер со вториот гол му донесоа предност на Реал од 4:1.
Во вториот дел шоуо на Сорлот. Норвежанецот погоди во 48., 52. и 56. минута и го изедначи резултатот. Норвежанецот дојде до 26 гол сезонава, односно 23. до во Примера, два повеќе од Артем Добик од Џирона.
Сорлот сега е најсериозниот кандидат за трофејот Пичичи, кој го добива најдобриот стрелец во лигата.
Спорт
Зврев го освои Мастерсот во Рим
Александар Зверев ја освои титулата на Мастерсот во Рим.
По голема борба и 103 минути игра, тенисерот на Хамбург го совлада Чилеанецот Николас Џари со 6:4, 7:5.
Зверев втор пат во кариерата победи во „вечниот град“, првата титула во Рим ја освои на 17-годишна возарст во 2017 година. Ова прв трофеј на турнирите од Мастерс серијата за Зверев од 2021 година, кога победи во Синсинати.
Зверев одигра изворендо во финалето, најдобар показател за ова е податокот дека во финалето загуби само поени на свој сервис.
Спорт
(Видео) Сити ја одбрани титулата, Клоп се прости од Ливерпул, Матета со покер голови ја уништи Астон Вила
Манчестер сити испиша историја во Премиер лигата, стана првиот тим со четири шампионски титули во низа. Во последното коло, предводени од играчот на сезоната, Фил Фоден, Сити го победи Вест Хем. Последното коло во сезоната 2023/2024 беше последно за Јирген Клоп на клупата на Ливерпул. „Црвените“ му подарија победа во прошталниот натпревар над Вулверхемптон. Голгетерски колото го обележа напаѓачот на Кристал Палас, Матета, со четири гола во победата над Астон Вила (5:0).
Место во Лигата на шампионите наредната сезона изборија Манчестер сити, Арсенал, Ливерпул и Астон Вила, во Лига Европа сигурен е Тотенхем. Челси сезоната ја заврши на шестото место и го чека расплетот во финалето на ФА купот. Доколку победи Сити, Челси ќе игра во Лига Европа, а во случај Јунајтед да го освои ФА купот тогаш „црвените ѓаволи“ ќе играа во Лига Европа, а Челси оди во Конферециската лига.
Од Премиер лигата испаднаа Шефилд јунајтед, Барнли и Лутон. Нови членови на Премиер лигата се Лестер и Испвич, а третиот тим ќе биде познат откако финалето во баражот ќе го одиграат Лидс и Саутемптон.
Резултати, 38. коло:
Манчестер сити-Вест Хем 3:1
Арсенал-Евертон 2:1
Кристал Палас-Астон Вила 5:0
Брајтон-Манчестер јунајтед 0:2
Барнли-Нотингем Форест 1:2
Шефилд јунајтед-Тотенхем 0:3
Лутон-Фулам 2:4
Брентфорд-Њукасл 2:4
Челси-Борнмут 2:1
Ливерпул-Вулверхемптон 2:0