Македонија
Папата Франциско со папамобилот прошета на улицата Македонија

Папата Франциско со аплауз беше пречекан од многубројни верници пред Меморијалниот центар „Mајка Tереза“ во Скопје, каде што пристигна со делегацијата од Ватикан.
Верниците брзаа да се ракуваат и да побараат благослов од него по што делегацијата се поклони пред споменикот на Мајка Тереза.
Во Спомен-куќата на Мајка Тереза се сретна со претставници на верските заедници во земјата, со поглаварот на МПЦ-ОА, г.г. Стефан, со поглаварот на ИВЗ, Сулејман Реџепи, и со скопскиот бискуп и апостолски егзарх во Македонија, Киро Стојанов.
По средбата со верниците, папата Франциско се качи во популарниот папамобил, со кој се упати на плоштадот Македонија, каде што се одржува централниот настан и Светата литургија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сообраќајот низ државата се одвивa непречено, по наместа влажни коловози

Сообраќајот на државните патишта се одвивa непречено, по наместа влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја Шуто Оризари и Зелениково

Од ЕВН Македонија АД известуваат дека денеска без електрична енергија ќе останат:
– во периодот од 08.30 до 12.00 часот, дел од корисниците од ул. Гарсија Лорка (општина Шуто Оризари)
– во периодот од 09.00 до 16.00 часот, корисниците од Градовци, Тисовица, Гумалево, Пакошево, Спектар Комерц, Добрино, Дејковец, Ново Село и Пакошево (општина Зелениково)
Македонија
Прекинато водоснабдување во делови од Карпош

Од ЈП Водовод и Канализација известуваат дека денеска (четврток) поради уличен дефект на ф 1000 мм на ул Копенхагенска, на раскрсница со Стокхолмска,бб, прекинато водоснабдување ќе имаат корисниците на улиците Копенхагенска, Стокхломска, Софиска, Његошева, Гаврил Лесновски и Петар Драганов од 09:00 часот до завршување со работните обврски. ( општина Карпош ).