Спорт
Валверде: Нема да се исплашиме од атмосферата
Фудбалерите на Ливерпул и Барселона вечерва од 21 часот ќе го одиграат полуфиналниот реванш во Лигата на шампионите. Шампионите на Шпанија првиот меч го добија со 3:0 и сите во тимот се уверени дека ќе ја одбранат предноста.
Тренерот Ернесто Валверде на прес-конференцијата рекол дека неговите играчи немаат страв од пеколната атмосфера што секогаш владее на „Енфилд“.
„Сигурно е дека ние ќе го игнорираме резултатот од првиот натпревар. Доколку не го направиме тоа, ќе имамме проблем. Свесни сме дека навивачите на Ливерпул знаат да направат пеколна атмосфера и дека навиваат со многу страст. Игравме оваа сезона на големи стадиони, какви што се ‘Олд Трафорд’ или ‘Џузепе Меаца’, така што знаеме како да се справиме со тој притисок“, рекол Валверде.
Ливерпул оваа сезона немаат пораз на домашен терен и тренерот на Барселона знае дека натпреварот е отворен. Кај него се свежи сеќавањата на поразот што Барселона го доживеа пред неколку сезони кај ПСЖ (4:0), а потоа во реваншот успеа да победи 6:1.
„Дали е можно да замените еден играч и да изгубите со 3:0, кој би го знаел тоа? Во фудбалот ништо не се решава однапред, морате да излезете на теренот и да одиграте добар меч. Ние против ПСЖ имавме голем минус, па успеавме да го надоместиме“, потсетил Валверде.
Барселона на овој меч ќе биде без повредениот Усман Дембеле, а кај Ливерпул, поради повреди, ќе отсуствуваат тројца важни играчи: Мохамед Салах, Роберто Фирмино и Наби Кеита.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Браселона на „Монжуик“ ја декласира Валенсија
Фудбалерите на Барселона ја совладаа Валенсија на домашен терен со 7:1 во 21. коло од шпанската Ла Лига.
Каталонците маестрално влегоа во мечот и поведоа во третата минута кога Ламин Јамал го пригра Френки Де Јонг за 1:0.
Само пет минути подоцна гол постигна Феран Торес кој погоди на асистенција на Алехандро Балде.
По 15 минути игра Барселона веќе имаше убедливо водство од 3:0, бидејќи и Рафиња постигна гол по додавањето на Фермин Лопез.
Асистентот за третиот гол, Балде, го постигна четвртиот гол во 24.минута. Барселона кратко застана, а потоа во четвртата минута од судиското надополнување, Фермин Лопез постигна уште еден гол за убедливи 5:.
Валенсија имаше малку подобар почеток во вториот дел, бидејќи Уго Дуро погоди на асистенција на Диего Лопез.
Сепак, Барселона ја направи победата уште поубедлива, бидејќи само седум минути подоцна погоди Роберт Левандовски, а Сезар Тарега во 75. минута кога си постигна автогол за Барселона за 7:1.
Каталонците се на третото место во Ла Лига со 42 освоени бода, додека Валенсија е на претпоследното место со 16 бода.
Спорт
(Видео) Фиорентина ја прекина црната серија, во Рим го победи Лацио
Фиорентина ја прекина серијата од седум натпревари без победа во сите натпреварувања и го совлада Лацио во Рим со 2:1.
Натпреварот практично беше решен во првите 20 минути игра кога „Виола“ ги постигна двата гола.
Гостите поведоа во 11. минута од натпреварот. Госенс го направи тоа што го прави најдобро, упати прецизен центаршут во шеснаесетникот, а Адли беше прецизен од непосредна близина.
Само шест минути подоцна веќе беше 0:2. Овој пат Додо се најде во улога на асистент, а Белтран го постигна четвртиот гол сезонава.
Во вториот дел Лацио ја имаше топката се обидуваше да нападне, но одбраната на Фиорентина на чело со голманот Де Хеа лесно ги одбиваше нападите.
Во последните 15 минути имаше многу нервоза на теренот. Адли доби црвен каротон кога веќе ја напушти играта, а потоа исклучени беа и двајцата тренери.
Малку неизвесност внесе Марушиќ во 92. минута од натпреварот ја смести топката што ја испрати Хисај. Лацио имаше уште четири минути да се обиде да дојде до бод, но не успеа. Во последните секунди Педро ја погоди стативата.
Со оваа победа Фиорентина е на шестото место со 36 бода, со три бода помалку од Лацио кој се наоѓа на четвртото место.
Спорт
(Видео) Галено го закопа Порто, промаши два пенали
Спортинг е најголемиот добитник по завршувањето на 19.коло во португалскиот шампионат. „Лавовите“ ја зголемија предноста на табелата на шест бода, откако Бенфика вчера загуби од Каса Пија (3.1), а ден подоцна Порто со Санта Клара одигра 1:1.
За мечот на „Драгао“ во Порто и Бразилецот Галено долго ќе се зборува. Галено го закопа својот тим откако не реализира пенал во 72. минута при резултат 0:1, а потоа и во 96.минута. Откако голманот Габриел Батиста му го одбрани пеналот топката дојде до Галено кој од четити метри шутираше крај голот.
Она што ги налути сите во Порто е што Галено не му дозволи на соиграчот да го изведе вториот пенал, туку му ја зеде топката од раце.
FC Porto 0-1 Santa Clara
Galeno PK ❌ 71'pic.twitter.com/aZkeH9vynM
— PortugueseSoccer.com ⚽️ (@PsoccerCOM) January 26, 2025
Fc Porto Wenderson Galeno miss last minute penalty pic.twitter.com/TxmBul4fln
— Adedamola (@DMLJ_LFC) January 26, 2025