Регион
Турција по две години отвори поглавје од преговорите со ЕУ
Турција по повеќе од две години пауза во понеделникот навечер отвори едно преговарачко поглавје во пристапните преговори за членство во Европската унија.
На меѓувладината конференција за пристапувањето на министерско ниво, Турција ги отвори преговорите во поглавјата Економска и монетарна политика.Поглавјето 17 – Економска и монетарна политика, бара од земјите потенцијални членки а осигурат независност на централните банки и забранува јавниот сектор да има повластен пристап до финансиските институции. Земјите коишто преговараат за членство во ЕУ, мора да ја преземат обврската дека ќе го воведат еврото како своја валута, Со во понеделникот отвореното поглавје, Турција досега има отворено само 13, поглавја, а привремено е затворено само едно. Анкара којашто ги започна пристапните преговори во октомври 2005 година, последното поглавје го отвори во ноември 2013 година.Турција, инаку има најдолг стаж на земја кандидат, барањето го поднесе уште во1987 година, а кандидатскиот статус го стекна во 1999 година.Иако преговорите за членство течат, поголем дел од земјите членки на ЕУ, меѓу нив и најголемата – Германија, се противат на членството на Турција и наместо членство нудат ткн привилегирано партнерство. Еден од најголемите проблеми во односите меѓу Анкара и Брисел е Кипар, чиј северен дел е под контрола на кипарските Турци и нивната самопрогласена држава ја признава само Турција, додека остатокот од островот на кој доминира грчкото население е дел од ЕУ. Во последниот период Турција стана многу важна за Европската унија, поради незапаметената бегалска криза, бидејќи смета дека доколку таа не ја затвори својата граница, нема да може да го сопре приливот имигранти, особено од Сирија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Aвтомобил влета во публиката на трка во Осиек, има повредени
Четири лица се повредени и префрлени во Клиничкиот болнички центар Осиек, Хрватска, откако денеска на улична трка на 31. улица Осиек Стрит Рајс во нив удри автомобил.
Според првичните информации автомобилот изгубил контрола, излетал од патеката и удрил во гледачите.
Несреќата се случила веднаш по почетокот на трката.
Двајца од четворицата повредени имаат отворени скршеници на ногата, објави Јутарњи лист.
Повредените седеле во првиот ред на трибината која била поставена веднаш до патеката.
„Еден од возачите изгубил контрола над возилото и удрил во трибината, при што повредил неколку гледачи. Со брзата реакција на лекарскиот тим на сите повредени им е укажана помош и никој не е во животна опасност “, соопшти организаторот.
Регион
Земјотрес ја погоди Грција
Земјотрес со јачина од 4,3 степени според Рихтеровата скала се случи денеска околу пладне во близина на грчкиот остров Китнос.
Оваа информација ја објави Геодинамичкиот институт на Националната опсерваторија во Атина, каде што е почувствуван земјотресот.
Епицентарот на земјотресот, кој се случи во 11:53 часот, се наоѓа на 17 километри северо-североисточно од островот и на околу 80 километри од Атина. Длабочината на потресот се проценува на 14,4 километри.
Грција се наоѓа во една од сеизмички најактивните области во светот, а земјотресите се чести.
Сепак, смртните случаи и големите штети се многу ретки.
Регион
Детали за несреќата што пред 5 години ја предизвикал Хрватот кој завчера загина со сопругата, се снимаше додека вози „бмв“ 200 километри на час, па удри во камион
Еди Здјелар (24) под Хрватска, кој во петокот загина со сопругата во сообраќајна несреќа, а пред тоа се снимаше во живо како вози 200 километри на час, во 2019 година предизвикал уште една тешка сообраќајка на Нова Градишка, по што починала и неговата тогашна бремена партнерка.
Порталот „Нова Градишка“ тогаш објавил дека несреќата се случила на 18 март во градот Ковачевац. Во тоа време 18-годишниот Здјелар управувал комбе, над кое изгубил контрола и неконтролирано отишол на другата страна на патот и удрил во бетонски мост. Од силината на ударот возилото се превртело.
Освен Здјелар, во комбето била и неговата 18-годишна девојка, која тогаш била бремена. Наспроти вчерашните информации што ги објавија хрватските медиуми дека таа загинала за време на несреќата пред пет години, таа сепак починала девет месеци подоцна, а нејзиното дете преживеало.
Бабата на бремената девојка тогаш починала од шок откако го видела неподвижното тело на својата внука на патот.
„Нејзината куќа се наоѓа во близина на местото на несреќата и, кога слушнала што се случило, излегла на патот. Наводно ставила перница под главата на нејзината внука. Сето тоа толку многу ја шокирало што починала“, изјавиле мештаните за Радио Нова Градишка во тоа време.
Подоцна полицијата потврди дека возачот и девојката не носеле појаси, а комбето се превртело поради пребрзо возење.
Еди кој пред два дена во смрт ја однесе и сопругата, а преживеа нивното двегодишно дете кое било во автомобилот, упрвувал „бмв“ со голема брзина.
Неколку часа пред несреќата тој на својот Фејсбук профил објави видео на кое се гледа како со „бмв“ се движи 200 километри на час. На видеото може да се слуша гласна музика.
Видеото е снимено во периодот од 14:30 до 14:45 часот, што одговара на времето на несреќата бидејќи несреќата била пријавена во 15:00 часот, кога Еди со својот автомобил удрил во камион на автопат.
Под видеото во кое го објави своето дивеење на автопат, сега познати и непознати луѓе оставаат пораки со сочувство или осуда.
– Еди, брате мој, што направи, мил Боже.
– Кутрото дете, остана сирак, коментираат луѓето под видеото, пренесува „Јутарњи“.