Спорт
ЛЕ: Кепа херојски одбрани два пенали – Челси во лондонско финале против Арсенал (видео)
Англија ќе ги има сите четири финалисти на европските фудбалски натпреварувања оваа сезона, откако Челси по драматично изведување на пенали, конечно, го скрши отпорот на Ајнтрахт Франкфурт по двете ремија со 1:1 и сега ќе игра со Арсенал во финалето на Лига Европа.
Секако, најзаслужен е честопати критикуваниот голман на „сините“, Кепа Аризабалага, кој одбрани два пенали во пенал-серијата за голема победа.
Заедно со финалето во Лигата на шампионите помеѓу Ливерпул и Тотенхем, се комплетира неверојатната сезона за англиските клубови во Европа – покрај тоа што сите четири клубови се од Премиер лигата, три од нив се од Лондон (Челси, Арсенал и Тотенхем).
По тешки 90 минути, во кои Челси имаше повеќе од поседот на топката, меѓутоа не успеа да им даде гол на упорните Германци, пенал-серијата не започна најдобро за домаќините, откако ударот на Цезар Азпиликуета во втората серија беше одбранет од Кевин Трап.
Меѓутоа, тогаш на сцена стапи Кепа, голманот кој оваа сезона влезе во голем конфликт со навивачите по одбивањето да излезе од игра во финалето на англискиот Лига куп, и ги одбрани ударите на Хинтерегер и Пасиенсија за да дозволи Еден Азар со прецизен удар да го постигне последниот гол и да ги однесе Челси во финале.
Обамејанг им донесе европско финале на Арсенал, Челси и Ајнтрахт ќе играат продолженија (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Стефано Пиоли повеќе не е тренер на Милан
Стефано Пиоли повеќе не е тренер на Милан. Му пресудија не толку добрите резултати оваа сезона. Милан заврши втор во Серија А, но со голем минус во однос на шампионот Интер, не успеа да излезе од групата во Лигата на шампионите, а во Лига Европа, доживеа елиминација во четвртфиналето од Рома.
„Чао мистер,
Сакам да ти кажам дека се сеќавам на се од тој ден кога повторно станавме шампиони.
Ти и твоите момчиња на врвот на Италија. Јас, со ранец на грб, на врвот на трамвајската станица, додека срцето ми лудува.
Се сеќавам кога започна се, се сеќавам на Бергамо, дождот против Рио Аве, времето на Ковид и повторното раѓање на Милан. Враќањето во Европа и враќањето дома. Лигата на шампионите.
Со тебе почнавме повторно храбро да напаѓаме, да играме на победа, да се лутиме кога не победуваме. Да се навива со гордост.
Рафа, Тео, Мајк и сите други момци кои станаа подобри луѓе со вас затоа што им ги всадивте вредностите на клубот и ги научивте како да им пристапат на предизвиците и на теренот и во животот.
Сето тоа го направивте со страст, понизност и одлучност. За сето тоа сакав само да кажам – благодарам.
За секој пат кога татко ми ми ставаше шал пред да ме крене на рамениците на „Сан Сиро“. За момент можев само да сонувам порано. „Ние сме Милан“, ми рекоа. „И ќе се вратиме. И го направивме тоа. Повторно сме шампиони. И беше прекрасно.
А за се друго што не научи:
Само оние кои веруваат можат да постигнат успех“, со оваа порака фудбалскиот клуб Милан се прости од Пиоли.
Секако, Милан излезе и со официјално соопштение во кое потсети дека Пиоли пристигна во клубот во октомври 2019 година. Во која му се заблагодари на тренерот за се што му дал на клубот.
Пиоли го напушта гигантот од „Сан Сиро“ со биланс од 130 победи на 239 натпревари. Имаше и 57 нерешени и 52 порази. Скудетото го освои во сезоната 2021/22.
На неговото место, според шпекулациите ќе дојде актуелниот тренер на Лил, Пауло Фонсека.
Спорт
Грчки и турски навивачи го „окупираа“ Берлин
Вечерва во „Убер арена“ во Берлин ќе започне завршниот турнир во кошаркарската Евролига. Актуелниот шампион Реал ќе се обиде да ја одбрани титулата во конкуренција на Фенербахче и грчките гиганти Олимпијакос и Панатинаикос.
Првото полуфинале ќе започне во 18 часот, ќе играат Панатинаикос и Фенербахче, три часа подоцна во реприза на финалет од мината сезона ќе се сретнат Реал и Олимпијакос.
Вистинска инвазија на грчки навивачи се очекува во германската престолнина. Според медиумите ќе има најмалку 9.000 навивачи од Атина. Интересно се очекува толкав број и на турски навивачи, што и не е изненадување бидејќи голем број Турци живеат во Германија.
Спорт
Жиру ќе се повлече од националниот тим
Оливие Жиру на Европското првенство ќе ги одигра последните натпревари во дресот на Франција. 37-годишникот кој од наредната сезона ќе игра за Лос Анџелес ФК реши да стави крај на кариерата во репрезентацијата.
„За мене репрезентативната приказна ќе заврши по Европското првенство. Мора да им оставиме простор за младите играчи“, изјави меѓу другото напаѓачот за „Лекип“.
Од своето деби за „Триколорите“ во 2011 година, Жиру одигра 131 натпревар и постигна 57 голови, со Франција стана светски првак во 2018 година.
Франција на ЕУРО 2024 ќе се натпреварува во групата Д заедно со Полска, Холандија и Австрија.