Спорт
Пресврт победа за Торино, спектакуларни ножички на Белоти за победа (видео)
![](https://makfax.com.mk/wp-content/uploads/2019/05/h_55185901.jpg)
Многу голови, атрактивни потези, црвен картон им овозможија екипите на Торино и Сасуоло на фудбалските фанови во 36. коло на Серија А. Гостинскиот тим двапати водеше, но на крајот со наведната глава го напушти теренот во Торино, победа на домашните од 3-2.
Торино со денешните три бода остана во трка за излез во фудбалска Европа.
Бурабиа во 27. минута погоди за 0-1. Белоти во 56 израмни на 1-1 и се извади за промашениот пенал во 17 мунута.
Во 71. минута Сасуоло повторно погоди за 1-2, стрелец Лирола.
Сепак домаќините не се предадоа. Најпрво Заза во 81 минута донесе израмнување 2-2, а само минута подоцна Белоти со вториот негов гол на мечот, спектакуларен, со ножички носи победа од 3-2 и нови три бода на контото на својот тим.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Англија без Фоден
Англискиот репрезентативец Фил Фоден привремено ја напушти репрезентацијата, потврдија од фудбалски сојуз на Англија.
Во соопштението се наведува дека на играчот на Манчестер Сити му е дозволено да се врати во татковината, поради семејни проблеми.
Но причина за неговото патување во Манчестер е раѓањето на неговото трето дете. Тој ќе се приклучи на тимот најдоцна во недела, информираат од таму.
Фоден беше дел од тимот кој заврши на првото место во групата Ц. Тој играше на сите три натпревари, но не успеа да постигне гол или асистенција.
Во осминафиналето на Европското првенство Англија ќе игра против Холандија или третопласираната селекција од групата Е.
Доколку ја надминат таа пречка, во потенцијалното четврт-финале ги чекаат Италијанците или Швајцарците.
Спорт
Мајк Даум е ново засилување за КК „Црвена звезда“
![](https://makfax.com.mk/wp-content/uploads/2024/06/TSRVENA-Z.jpg)
Американскиот кошаркар Мајк Даум потпиша две годишен договор со Црвена звезда.
На позиција крилен центар во „црвено-белите“ доаѓа по професионалната кариера во Европа.
Даум играше и две сезони за шпанскиот Обрадорио, а извонредни партии одигра и во едно од најпријатните изненадувања во италијанската лига Тортона, каде со своите соиграчи го освоија третото место во лигата а тој беше прогласен за најдобар играч.
Минатата сезона беше во тимот на Анадолу Ефес, а во Евролигата одигра 11 натпревари со просек од девет поени и три скока.
Спорт
Словачка и Романија го играат „последниот“ меч во групата Е
![](https://makfax.com.mk/wp-content/uploads/2024/06/slovatska-rom.jpg)
Репрезентативниот состав на Словачка до сега покажа дека има силна одбрана, играјќи против силните репрезентации.
По победата против Белгија од 1:0 следуваше тежок период, пораз од Украина со 2:1 кој ги доведе во тешка позиција.
На изненадување на многумина, Романците повеќе од убедливо триумфираа против Украина со 3:0.
Избраниците на Едвард Јорданеску покажаа многу повеќе од она што се очекуваше од нив, а сега имаат можност да ја продолжат својата приказна.