Спорт
Манчестер Сити е старо-нов шампион во Премиерлигата

Фудбалерите на Манчестер Сити предмалку го совладаа Брајтон нагости со 4-1 и ја обезбедија титулата во Премиерлигата.
Залуден беше триумфот на Ливерпул од 2-0 против Вулверхемптон на „Енфилд“ затоа што „граѓаните“ по 38 кола сезонава собраа 98 бода, еден повеќе од „црвените“.
Сити и Ливерпул во текот на целата сезона водеа битка за титула, но на крај поуспешни беа фудбалерите на Пеп Гвардиола за кого ова е втора титула откако е на кормилото на клубот.
Ливерпул ќе мора да почека барем до идната сезона да го прекине постот без титула во Англија кој трае цели 29 години. Сепак „црвените“ ќе имаат можност за утеха, на 1 јуни во Мадрид против Тотенхем играат финале во ЛШ.
Сити доби студен туш на денешниот меч против Брајтон. Во 27 минута Мареј донесе водство за домаќините. Сепак по само 60-тина секунди Манчестер Сити се врати на егал, погоди Агуеро за 1-1. Во 38 минута Лапорт со глава погоди за 1-2.
Во вториот дел на 1-3 зголеми Ријад Марез, а конечниот резултат со гол од прерасен слободен удар го постави Гундоган.
Ливерпул немаше проблеми со „волците“, стрелец на двата гола беше Садио Мане, но играчите во текот на целиот меч очекуваа позитивни вести од Брајтон. За нивна жал, до тоа не дојде, па избраниците на Клоп ќе мора да се надеваат на успех следната сезона.
На останатите натпревари Кардиф на „Олд Трафорд“ го изненади Манчестер Јунајтед, го совлада со 2-0, Тотенхем одигра 2-2 против Евертон, а Арсенал со 3-1 нагости го победи Барнли. Челзи како гостин одигра само 0-0 кај Лестер. Ватфорд дома загуби од Вест Хем 1-4, Кристал Палас со 5-3 беше подобар од Борнмут, Фулам во Лондон беше поразен со 0-4 од Њукасл, додека Саутемптон и Хадерсфилд ги поделија бодовите 1-1.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
„Ѓоковиќ е Леброн на светскиот тенис, а Синнер и Алкараз се како Битлси и Ролинг Стоунс“

Легендарниот американски тенисер Џон Мекенро смета дека Новак Ѓоковиќ не треба да се пензионира. Оваа теза ја објасни со неодамнешниот настап на Ѓоковиќ на Ролан Гарос, каде Ѓоковиќ дојде до полуфиналето.
„Зошто да се пензионира кога е сè уште конкурентен?“, прашува Мекенро во интервју за „Кориере дел Сера“ и додава:
„Тој сè уште се натпреварува со Алкараз и Синер. Има два големи адути: искуство и способност да се справи со тешки моменти.“
Потоа Американецот во суперлативи говореше за српскиот тенисер.
„Невозможно е да не му се восхитувате. Тој е Леброн Џејмс на светскиот тенис. Поради неговите години, станува сè потешко да се справи со Јаник и Карлос, но сепак е вистинско чудо. Некој што треба да го проучува науката“, вели Мекенро.
Седумкратниот шампион на Гренд слем ги пофали и првиот и вториот тенисер на планетата.
„Алкараз зрачи со харизма и тоа ги прави неговите натпревари „тензични“. Морам да кажам дека Карлос е најталентираниот тенисер што сум го видел. Тој е едноставно брилијантен. Харизмата не може да се создаде, со неа се раѓаш“, рече Мекенро и додаде:
„Јаник е поконзистентен, а она што импресионира е чистотата на неговите удари и звукот што го слушате кога ја удира топката. Никогаш не сум слушнал нешто слично. Исто така, сум импресиониран од леснотијата со која Алкараз се извлекува од тешкотиите во кои запаѓа, исто така со неверојатна леснотија. Тој е единствениот тенисер за кого би платил билет за да го гледам. Тој е најдобриот подарок што го добил тенисот по големата тројка. Би рекол дека тие двајца се како Битлси и Ролинг Стоунс.“
Конечно, споредба со „големата тројка“.
„Ни во моите најлуди соништа не можев да сонувам дека Роџер, Рафа и Новак ќе стигнат до 20 или повеќе Гренд слем титули. Сега, ако ме прашате дали Алкараз и Синнер ќе освојат 25… не знам, ми се чини лудо, но никогаш не вели никогаш. Ако има некој што може да го направи тоа, тоа се тие двајца“, подвлече Мекенро.
Спорт
(Видео) Матурин херој од сенка – Индијана ја победи Оклахома

Кошаркарските Индијана Пејсерс го добија третиот натпревар од финалната серија на НБА против Индијана на домашен терен со 116:107 и сега водат со вкупен резултат 2:1.
Во „Филдхаус“, во Индијанаполис, се водеше изедначена борба во текот на целиот натпревар, кој беше решен во последните три минути .
При резултат 98:98 Шејсерс направија серија 12:4, отидоа на 110:102 и практично го решија прашањето за победникот. Халибартон започна со тројка, а Нејсмит го зададе завршниот удар.
Одличната тимска игра, која ја краси Индијана во текот на целиот плејоф, повторно дојде до израз. Овој пат се херој од сенка беше Бенедикт Матурин, кој постигна 27 поени со четири скока и една асистенција за само 22 минути на теренот.
Халибартон беше на работ на трипл-дабл со 22 поени, девет скока и 11 асистенции, додека Паскал Сиакам имаше 21 поен.
Џејлен Вилијамс со 26 поени беше најдобар во редовите на Оклахома. МВП-то на регуларната сезона Шеј Гилџис Александар постигна 24 поени со осум скока и четири асистенции.
Титулата ќе ја освои првиот тим што ќе стигне до четири победи. Четвртиот натпревар од серијата се игра ноќта меѓу петок и сабота исто така во Индијанаполис.
Спорт
Свилар останува во Рим

Миле Свилар би можел да ја продолжи кариерата во Рим.
Голманот со српско потекло имаше одлична сезона со тимот од Рим и беше прогласен за најдобар голман на мрежата на Серија А.
Поради тоа, Рома нема нема намера да го пушти Свилар, па преговорите околу неговото останување во Рим се веќе во завршна фаза.
Олеснителна околност е тоа што Свилар сака да остане во тимот.
🚨🔴🟡 AS Roma are advancing in talks to extend Mile Svilar’s contract, deal now getting closer.
Roma have always been confident and discussions will continue on more details.
🎥🇮🇹 Gli aggiornamenti: https://t.co/m2h8dpGpH0 pic.twitter.com/NSTJMN1JLc
— Fabrizio Romano (@FabrizioRomano) June 11, 2025
Свилар ќе добива 3.000.000 евра по сезона.