Свет
Помпео во посета на Путин во обид да се подобрат односите меѓу двете светски сили
Рускиот претседател, Владимир Путин, денеска ќе биде домаќин на американскиот државен секретар, Мајк Помпео, во обид да се стабилизираат тензиите меѓу спротивставените сили и покрај долгата листа на отворени прашања за кои меѓу нив постојат разлики.
Венецуела, Иран, Сирија, Украина, разоружување… Спорните точки се бројни, па Помпео на „минираниот терен“ ќе мора внимателно да чекори, балансирајќи меѓу својот цврст и крут карактер и желбата на неговиот шеф, Доналд Трамп, да постигне приближување со руските колеги.
Според Кремљ, државниот секретар прво ќе се состане со рускиот министер за надворешни работи, Сергеј Лавров, а потоа рускиот претседател во својот кабинет ќе ги прими и двајцата. Така, Помпео ќе биде највисок американски претставник кој се сретнал со Путин, по самитот во Хелсинки, каде што во јули минатата година присуствуваа Путин и Трамп, состанок со кој американската политичка сцена беше изненадена од помирувачките тонови упатени кон Кремљ.
Во моментов постојат и најави дека двајцата претседатели би можеле повторно да се состанат на следниот Г-20 самит на крајот од јуни во Јапонија.
Белата куќа веќе долго време се надева дека завршувањето на истрагата на специјалниот обвинител Роберт Мулер, во која пред речиси два месеца се заклучи дека Русија е вмешана во претседателските избори во САД од 2016 година, но дека не постоел заговор меѓу Трамп и Кремљ, ќе овозможи да се сврти нова страница во влошените односи меѓу двете ривалски земји.
Рускиот заменик-министер за надворешни работи, Сергеј Рјабков, изрази надеж дека посетата на американскиот државен секретар ќе овозможи барем малку да се стабилизираат односите меѓу двете земји. Сепак, како што пренесува агенцијата „Интерфакс“, тој признава дека разговорите ќе бидат особено тешки кога станува збор за Венецуела, бидејќи двете страни се на сосема спротивставени позиции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски: Русија изврши 46 воздушни удари и 900 гранатирања за еден ден
Претседателот на Украина, Володимир Зеленски, соопшти дека Русија извршила сериозни напади врз украинска територија, прекршувајќи го велигденскиот прекин на огнот. Според податоците на врховниот командант на украинската армија, Олександр Сирски, руските сили до 16 часот по локално време извршиле 46 воздушни напади и 900 артилериски гранатирања.
„Денеска руските сили употребија 400 дронови за напади врз различни делови од Украина“, објави Зеленски на социјалните мрежи.
Според него, дел од нападите биле насочени и кон регионот Доњецк, токму за време на прекинот на огнот по повод православниот Велигден. Напади биле регистрирани и во областа Курск во Русија.
Украинскиот претседател остро ја осуди агресијата, оценувајќи дека Москва повторно демонстрира целосно непочитување кон верските празници и обидите за деескалација на конфликтот.
Регион
Додик: Британски специјалци се дојдени во Република Српска да ме убијат
Милорад Додик, претседателот на Република Српска и осуден бегалец кој е наведен како бегалец во Федерацијата на Босна и Херцеговина, во интервју за Новости упати сериозни обвинувања.
Тој тврди дека „тројца претседатели на европски земји и еден премиер“ му кажале дека во Босна и Херцеговина е префрлена британска воена единица со многу специфична задача – негова ликвидација.
„Тоа не е класична единица. Станува збор за четириесет војници кои пристигнаа со јасна наредба – не да ме уапсат, туку да ме убијат. И тоа под изговор дека давам отпор. Мафијашки принцип – ако отстраните човек, го отстранивте проблемот. Лидерите од Европа ми го потврдија тоа. Тие не се откажаа, но засега молчат“, вели Додик.
Тој во интервјуто нагласува дека не живее во страв и дека слободно се движи, отфрлајќи ги тврдењата дека е изолиран.
„Никогаш нема да бидам скршен од политичките процеси. Нема да се откажам од борбата за Република Српска“, вели тој.
Додик открива и дека официјални лица од Брисел наводно го советувале да се засолни.
Регион
Сестри си размениле пцости, па тупаници за имотот на нивниот татко
Две сестри се степале за имотот на нивниот покоен татко! Сè експлодирало во двор во Цазин (БиХ) кога жените, откако си размениле остри зборови, почнале да си разменуваат удари. Соседите зачудено гледале како драматичниот конфликт ги вознемирува локалните жители, принудувајќи ја полицијата да интервенира.
„Прво дошло до жестока расправија во дворот од куќата на нивниот покоен татко, а потоа сето тоа прераснало во физичка пресметка“, вели еден од соседите, кој сакал да остане анонимен.
Според него, спорот настанал околу поделбата на имотот на нивниот татко – земјиште и стара рурална станбена зграда.
„Беше страшно да се гледаат две сестри како се тепаат пред луѓе кои со години ги познаваат како мирни и резервирани луѓе“, додава сосед.
Гаши демантира дека ја напушта коалицијата Вреди, останува лојален на гласачите
Претседателот на Собранието, Африм Гаши, преку објава на Фејсбук ги демантираше информациите што се појавија во некои медиуми дека ја...
Пет лица се повредени во сообраќајката кај „Градска болница“
Пет лица се повредени, од кои едно потешко, во тешка сообраќајна несреќа што се случи синоќа во центарот на Скопје,...
Меџити: Вреди ќе се менува, платформата станува партија
Од платформата Вреди наскоро ќе произлезе нова политичка партија, која ќе настапи обединето на претстојните локални избори. Како што најави...
Откриен големиот воен проект на Трамп, Илон Маск е вклучен во сѐ
Компанијата на Илон Маск, заедно со партнерите „Palantir“ и „Anduril“, моментално е еден од главните кандидати за развој на клучните...
Г.г. Стефан: Страдањето во Кочани нè соочи со суровата стварност на смртта, само надежта во воскресението ни даде утеха
Овогодишниот Велигден го доживуваме поразлично од досега, по страшниот пожар во Кочани во кој пострадаа шеесетина наши чеда, а повеќе...
Сиљановска-Давкова: Од велигденската светлина да црпиме сила за солидарност и човечност
Претседателката на државата, Гордана Сиљановска-Давкова, упати велигденска честитка до поглаварите на верските заедници и до сите верници од христијанска вероисповед...
Христос воскресе објавено во полноќните литургии, црквите преполни со верници
Православните верници денеска го одбележуваат најголемиот христијански празник – Велигден, денот на Христовото воскресение, кога, според верата, Исус Христос ја...
Сончево и топло низ целата земја, температури до 27 степени
По нестабилностите од претходните денови, денес ќе има стабилизација на времето во целата држава. Ќе биде сончево и топло, со...
За Зеленски велигденското примирје на Путин е нова манипулација
Украинскиот претседател Володимир Зеленски изрази скептицизам во врска со едностраниот велигденски прекин на огнот, објавен денеска од рускиот претседател Владимир Путин. Во...
Путин објави велигденско примирје
Рускиот претседател Владимир Путин објави велигденско примирје и запирање на сите воени операции, соопшти Кремљ. – Руската страна, водејќи се...
Родителите на децата загинати во пожарот во Кочани: Живееме за да одиме на гробишта, да си помуабетиме со нашите деца
Обвинители, дали нашиот молк, тишината и тагата по нашите деца, кои се убиени, ви даде право да ослободите лица кои...
Деветнаесетгодишно момче загина откако со БМВ излета од пат
Момче на 19-годишна возраст од село Миравци, загина утрово околу четири часот кога со автомобил БМВ, што го управувало, излетало...
МВР го објави идентитетот на загинатите во тешката сообраќајка
На 18.04.2025 во 20.40 часот во ОВР Кичево e пријавено дека на магистралниот пат Кичево-Гостивар, кај место викано „Сеферов бунар“,...
Тошковски: Голема неприлагодена брзина е причината за сообраќајката во која загинаа три лица
Голема неприлагодена брзина е причината за трагедијата која вчера се случи на патот Кичево-Гостивар, а во која загинаа три лица....
Со протестен марш на семејствата, ќе се бара правда за настраданите во пожарот во Кочани
Во Кочани за денеска во 12:05 часот е најавен нов протестен марш на семејствата на настраданите во пожарот во дискотеката...
Три лица загинаа, а осум се повредени во сообраќајната несреќа на патниот правец Кичево-Гостивар
Три лица загинаа, а осум се повредени во сообраќајната несреќа што вчера вечерта се случи на патниот правец Кичево-Гостивар. Од...
Велигден е тука, но нашите деца ги нема, не прашува ли некој нас како ги минуваме деновите, пишува Златкова, мајка на загинато момче во дискотеката во Кочани
Велигден е тука, но нашите деца ги нема. Престанаа да им чукаат срцата, ги закопавме во црната земја. Некои биле...
Одземени возила: биле користени во „диви“ трки во Куманово
На 16.04. и 17.04.2025 во СВР Куманово било пријавено дека на автопатот Куманово – Скопје се одвиваат диви трки со...
Синдикатот на културата разочаран од Љутков: вработените останаа без плата за најголемиот христијански празник
Секој март од 2021 па наваму, кога се коригира минималната плата и кога платите во културата треба да се усогласат...
Наместо куќен притвор, мерки на претпазливост за двајца поранешни инспектори на ДПИ, иста мерка и за лице од дискотеката
Основното јавно обвинителство Кочани, постапувајќи во предметот во врска со пожарот во кабаре клуб “Пулс”, до Основниот суд во Кочани...
