Спорт
Џиро: Словенецот Роглич го зголеми водството по четвртата етапа
Том Думулин практично ги загуби шансите за победа на Џиро Диталија на четвртата етапа по падот на пет километри пред финишот, а Словенецот Примож Роглич го зголеми водството по победата на Еквадорецот Рикард Карапаз.
Роглич (Џамбо-Висма) успеа да се извлече од хаосот во финишот при голема брзина во кој настрада водечката група од десетина велосипедисти за да заврши како шести на етапата и да го зголеми водството пред ривалите за 16 секунди.
Холанѓанецот Думулин (Санвеб), шампионот од 2017 година и минатогодишен вицешампион, го повреди левото колено при падот и ја помина целта со помош на колегите со четири минути заостанување.
Етапната победа отиде кај Карапаз (Мовистар), кој се одвои од главната група пред искачувањето во Фрашати за да го задржи Австралиецот Кејлеб Јуан (Лото Судал) зад него. Топ-3 го комплетира Италијанецот Диего Улиси (УАЕ Тим Емирати) со две секунди предност пред Роглич.
29-годишниот Словенец, Роглич, се најде во незавидна ситуација да ја искористи несреќата на ривалите и да тргне по поголема предност, но на крајот не се трудеше премногу. Сега тој има 35 секунди пред Британецот Сајмон Јејтс (Мичелтон) и 39 пред Винченцо Нибали (Бахреин Мерида).
What a moment for stage four winner @RichardCarapazM ?#Giro102 #Giro #TheBreakaway pic.twitter.com/jE6mOrhAB4
— Eurosport UK (@Eurosport_UK) May 14, 2019
Not for the faint-hearted ?
Race over for @tom_dumoulin? #Giro102 #Giro #TheBreakaway pic.twitter.com/CpB5FOCy4o
— Eurosport UK (@Eurosport_UK) May 14, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.