Спорт
Џиро: Акерман ја доби пеколната петта дождлива етапа (видео)
Германскиот шампион Паскал Акерман победи на студената и дождливата петта етапа на Џиро Диталија од Фрашати до Терачина во спринтерски финиш добивајќи го дуелот со победникот од четвртата етапа, Фернандо Гавирија.
Етапата беше неутрализирана на 9 километри пред финишот (односно времето не течеше), со што спринтерите добија шанса да се борат за победа, а ривалите во генерален пласман да останат безбедни на страна.
Словенецот Примож Роглич останува со „маља роса“ барем уште еден ден со идентична предност пред ривалите, но петтата етапа значеше крај за шампионот од 2017, Холанѓанецот Том Думулин, кој ја напушти трката веднаш по стартот кога вчера се повреди.
Bora power! ?? Pascal Ackermann wins stage 5, confirming that he’s the fastest rider in this Giro. ? Great sprint also by Gaviria in the flooded streets of Terracina. ? (? via @pasiociclismo ) pic.twitter.com/2JoZ3vCxTm
— Mihai Cazacu (@faustocoppi60) May 15, 2019
Stage Two ✔️
Stage Five ✔️It’s a second stage win for @BORAhansgrohe‘s Pascal Ackermann at #Giro102#Giro #TheBreakaway pic.twitter.com/BQ4cRSxQe7
— Eurosport UK (@Eurosport_UK) May 15, 2019
It’s a tough gig getting that pink jacket off @rogla ? #Giro pic.twitter.com/Yo1DDmysKP
— Eurosport UK (@Eurosport_UK) May 15, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Му платија 700 милиони долари, веднаш направи нешто што МЛБ досега не видела
Јапонскиот бејзбол играч Шохеи Охтани, изминатата ноќ, влезе во историјата на МЛБ.
Шохеи Охтани дојде во Лос Анџелес Ејнџелес како фрлач (pitcher) и веднаш стана голема ѕвезда бидејќи правеше работи кои не се видени во модерниот спорт, а тоа е да игра и во поле и покрај тоа што е фрлач.
Јапонецот уриваше рекорди во фрлања и погодоци (хоум ран), па го привлече вниманието на градскиот ривал Лос Анџелес Доџерс кој му плати дури 700 милиони долари.
Овој 10-годишен договор е најголемиот во историјата на спортот, а лудилото допрва ќе следи бидејќи Шохеи Охтани направи нешто што досега не е видено.
Шохеи Охтани игра на позицијата удирач и стана првиот играч во историјата на МЛБ кој има 50 хоум ран (погодок кога топката оди преку трибините и не може да се фати) и 50 украдени бази (кога играчот ќе стигне до базата пред да дојде топката до неа).
„Овој спорт се игра повеќе од 200 години, никој во историјата на лигата не го направил она што него му успеа“, изјави тренерот на Лос Анџелес Доџерс, Дејв Робертс.
Рекордот беше соборен во Мајами за време на натпреварот помеѓу Доџерс и Марлинс, во седмиот ининг Охтани влезе во историјата.
Спорт
Симеоне: Овој формат на ЛШ ве тера да играте на победа
Тренерот на Атлетико Мадрид, Диего Симеоне изјави дека е задоволен од исходот на натпреварот против Лајпциг.
Фудбалерите на Атлетик во четвртокот го победија Лајпциг со 2:1, во натпреварот од првото коло во Лигата на шампионите.
Шпанскиот клуб победи со голот на дефанзивецот Хосе Марија Хименез во 90. минута.
„Овој формат нè принудува да победиме, од нерешен резултат има малку корист. Целосно сум задоволен, натпреварот беше многу добрар. Ова ќе го кажев и доколку завршеше нерешено. Игравме на различни начини и со различни играчи. Играчите добро го протолкуваа тоа и добивме важен натпревар. Се се одвиваше онакак како што замисливме, контролиравме 80 проценти од играта“, изјави Симеоне по мечот.
Клубот од Мадрид во недела ќе му гостува на Рајо Ваљекано во шестото коло од шпанската лига.
Спорт
Ембид ќе заработува 64 милиони долари по сезона
Џоел Ембид е еден од најдобрите центри во денешната НБА и е член на Филаделфија ’76 од почетокот на кариерата.
Според Шемс Чаранија, моментално единствениот активен НБА инсајдер, Филаделфија ќе му плати на Џоел Ембиид 193 милиони долари во следните три сезони.
Максималниот договор трае до 2028/29 година и тоа значи дека Ембид ќе заработува 64,33 милиони долари годишно, или ќе инкасира над 301 милион долари за пет години со стариот максимален договор.
Тоа е еден од најголемите договори во историјата на НБА.
Ембид дојде од Универзитетот Канзас во НБА во 2014 година кога Фили го избра од третата позиција на драфтот. Тој беше МВП во 2023 година и член на идеалната петорка.
Ембид е седумкратен Ол-стар, двапати водечки стрелец во лигата, четири пати член на втората најдобра петорка во лигата и три пати се најде во вториот најдобар одбранбен тим во лигата.