Македонија
Жерновски на министерска сесија во Хелсинки
На Министерската сесија на Комитетот на министри на Советот на Европа, која се одржува денес во Хелсинки, Финска, учествува делегација на Република Северна Македонија, предводена од заменик-министерот за надворешни работи, Андреј Жерновски.
Годинешната министерска сесија е во знакот на 70-годишнината од договорот од Лондон, со кој се основа Советот на Европа, дом на сите европски нации собрани околу вредностите на човековите права, демократијата и владеењето на правото. Истовремено, шефовите на европските дипломатии дискутираат и за актуелните политички предизвици со кои се соочуваат европските демократии, но и самата организација.
Во својот говор заменикот-министер Жерновски ја истакна пан-Европската димензија на Советот на Европа и важноста на системот на конвенции за заштита и промоција на човековите права, демократските принципи и владеењето на правото. Притоа, беше подвлечено значењето на концептот „Едно општество за сите“ како императив на Владата со кој се обезбедува инклузивност и еднаков третман на сите поединци во македонското општество, што истовремено е и клучно за довербата на граѓаните во институциите и демократските процеси. Беа истакнати и реформските резултати во сферата на правосудството, борбата против корупцијата, социјалната заштита, невладиниот сектор и медиумите, пред сè за граѓаните и како неопходност за процесот на европската интеграција.
Жерновски одржа и повеќе билатерални средби со шефовите на дипломатиите на повеќе земји членки на Европската Унија, меѓу кои со МНР на Луксембург, Жан Аселборн, со МНР на Холандија, Стеф Блок, со МНР на Грција, Јоргос Катругалос, со МНР на Норвешка, Ине Ериксен Сореиде, МНР на Белгија, Дидиер Рејндерс, со МНР на Турција, Мевљут Чавушоглу, како и со Државниот секретар на Австрија, Андреас Рикен.
На средбите беше истакнато значењето на отпочнувањето на пристапните преговори со ЕУ, како признание за постигнувањата во македонското општество, но и како инвестиција за продолжување на реформите и влог во стабилноста на регионот на З. Балкан. „Ние испорачавме и затоа очекуваме валоризација на сработеното, како јасен сигнал за Европската иднина на целиот регион”, истакна ЗМНР Жерновски на средбите.
Од страна на соговорниците беше потенцирано дека Република Северна Македонија претставува добра вест за целиот Регион и ЕУ, и пример за тоа дека преку визионерско лидерство и јасна европска перспектива на Балканот се можни решенија дури и на најделикатните отворени прашања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Лашкоска: Обновувањето на шумскиот фонд е дел од приоритетите на локално и национално ниво
Заменик министерката за животна средина и просторно планирање, Ане Лашкоска, денес ја посети Гевгелија каде заедно со градоначалникот, Андон Сарамандов, се приклучија на акцијата за масовно пошумување и подигање на јавната свест „Да пуштиме корени во нашата Гевгелија“ во рамките на која на месноста Топлик, Гевгелија се засадуваа 6000 дрвни насади.
„Министерството за животна средина ги поддржува активностите за пошумување во државата бидејќи тие се значаен ресурс од повеќе аспекти – заштита на биодивезитетот, подобрување на квалитетот на воздухот, климатските промени, заштита од ерозија и свлечишта и се важен економски ресурс“ изјави Лашкоска на настанот потенцирајќи дека обновувањето на шумскиот фонд е дел од приоритетите на локално и национално ниво особено во услови кога сме соочени со многу високи летни температури и со сериозно опожарување на шумите на територијата на целата држава.
Таа упати честитки и благодарност до градоначалникот на Гевгелија, Андон Сарамандов и општина Гевгелија за одлично реализираната акција.
Во рамките на посетата на општина Гевгелија, заменик министерката Лашкоска и градоначлникот Сарамадов направија увид во реализацијата на проектот за намалување на загуби на вода со замена и инсталација на водомери заедно со инсталација и конфигурација на опрема со далечинско отчитување. Проектот го имплементира ЈКПД Комуналец Гевгелија, а е финансиски поддржан од страна на МЖСПП со средства во висина од 5 милиони денари.
Македонија
СДСМ утре на Конгрес ќе избира ново раководство
Социјалдемократскиот сојуз на Македонија утре ќе го одржи 30. партиски Конгрес, на којшто ќе биде избрано новото партиско раководство.
Од опозициската партија известија дека Конгресот ќе има отворен и работен дел, ќе се разговара за идните, нови политики на партијата и ќе биде избрано новото раководство, однсно членовите на највисиките тела во СДСМ – Централниот и Надзорниот одбор.
На почетокот, ќе има обраќање на Венко Филипче, кој пред пет месеци ја презема претседателската функција од неговиот претходник, Димитар Ковачевски по големиот пораз што го претрпе партијата на парламентарните и претседателските избори.
Македонија
ВМРО-ДПМНЕ контра Кузеска: Оваа Влада вложува во модернизација, претходната потроши 5 милиони евра на службени возила
За разлика од ВМРО-ДПМНЕ која што вложува во модернизација, професионализација и осовременување на условите за работа во македонските институции, СДС и ДУИ во своето владеење за службени возила потрошиле повеќе од пет милиони евра, реагира ВМРО-ДПМНЕ на прес-конференцијата на портпаролката од СДСМ, Богданка Кузеска.
„Очигледно на функционерите од СДС изминатите седум години на власт, најважна им била сопствената комоција, а не и реалните проблеми на обичните луѓе“, велат од ВМРО-ДПМНЕ.
Додаваат дека во буџетот за 2025 година предвидено е зголемување на средствата за модернизација на МВР, одбраната, здравството, земјоделието, односно предвидени се зголемени средства за набавка на опрема во сите институции.
Кузеска претходно денес на прес-конференција обвини дека власта ги одби амандманите за поголеми плати, а ќе троши на мебел и скапи автомобили за функционерите.