Спорт
Компани заминува од Сити: Дојде време да си одам

Капитенот на Манчестер сити, Винсен Компани потврди дека заминува од клубот по 11 сезони со отворено писмо до навивачите во кое се заблагодарува за лојалноста и инспирацијата.
Откако во саботата ги предводеше Сити до 6:0 победа над Ватфорд за ФА купот и историска прва тројна титула во англискиот клуб, Белгиецот потврди дека веќе го одиграл последниот меч за „граѓаните“.
„Заврши оваа неверојатна сезона. Моја 11-та како ’син’. И не верувам дека го пишувам ова, но и последнта како ’син’. Безброј пати го замислував овој ден, бидејќи крајот се чувствуваше толку блиску со години, но уште не ми изгледа вистинско. Ман сити ми даде сè, а јас се обидов да вратам колку што можам. Колкупати некој има шанса да заврши вакво поглавје со клуб со голема историја и традиција. Дојде времето да си заминам. Чувствувам само благодарност, кон тие кои ме поддржуваа во овој посебен клуб и од луѓето во Манчестер. Шеикот Мансур ми го смени животот мене и на сите навивачи на Сити низ светот и за тоа сум вечно благодарен. Се крена сина нација“, напиша Компани на Твитер.
33-годишниот Белгиец дојде од Хамбург во 2008 година, како едно од првите засилувања при преземањето на клубот од компанијата од Абу Даби.
Андерлехт потврдија дека „принцот“ Компани се враќа во Брисел, каде што ќе биде фудбалер и менаџер на клубот кој е вклучен во голем број на скандали и има катастрофална сезона по која првпат по повеќе децении нема да игра во Европа.
Dear all, you can find my Open Letter to the fans, Part 1 of 2 on my Facebook page: https://t.co/j6qZRjJKYu pic.twitter.com/F1k8rUS2hJ
— Vincent Kompany (@VincentKompany) May 19, 2019
BREAKING NEWS: #Theprinceisback. #COYM #RSCA. Stay tuned pic.twitter.com/pcb7A7pzd5
— RSC Anderlecht (@rscanderlecht) May 19, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Тинејџер во 100.минута погоди за триумф на Ливерпул

Неверојатен натпревар и голема победа за Ливерпул против Њукасл, со голот на тинејџерот Енгумоа, кој погоди во десеттата минута од судиското продолжение во второто полувреме за конечни 2:3.
Њукасл и Ливерпул одиграа фантастичен натпревар на затворањето на второто коло од Премиер лигата, во кој „стралките“ малку ги делеше од неверојатен подвиг.
Ливерпул не одигра ништо, дури и во ситуација кога имаше играч повеќе, Њукасл доминираше, особено во првите 35 минути, кога со високиот пресинг ја загушија играта на ривалот.
Грабенберг погоди за 0:1 во 35-та минута, а десет минути подцна Гордон поради невнимателен старт доби црвен картон.
По 20 секунди игра Екетике ја зголеми предноста на ливерепул.
Њукасл немаше намера да се рпедаде, се вратија домашните во мечот со головите на Гимараеш во 57. и Осула во 88-та минута. Ја посакуваа домашните победата, и по израмнувањето напаѓаа но без бод останаа во 100-тата минута.
Ги шокира 17-годишниот тинејџер Енгумоа, кој четири минути претходно влезе на теренот. По додавањето на Салах и брилијантно промашената топка на Собослаи, тинејџерот го постигна првиот гол во сениорска конкуренција.
foto/ EPA/ADAM VAUGHAN
Спорт
(Видео) Интер со „петарда“ ја започна новата сезона

Фудбалерите на Интер го затворија првото коло од италијанската Серија А со убедлива победа над Торино со 5:0 (2:0).
„Неро-азурите“ му ја предадоа круната на Наполи минатата сезона, а со овој почеток испраќаат јасна порака дека сакаат да го вратат „Скудетото“ во своите витрини.
„Биковите“ беа целосно инфериорни на „Џузепе Меаца“, а серијата голови отвори Алесандро Бастони во 18-та минута.
Уште толку време му беше потрбно на Маркус Тирано за да го постигне својот прв гол на оваа средба.
Во раната фаза од второто полувреме, Лаутаро Мартинез ја искористи големата грешка на одбраната на Торино за да го зголеми резултатот 3:0, а потоа Тирам постигна убав гол во 62-та минута.
Торино целосно потона, а во 72-та минута „петардата“ ја комплетираше новодојдениот Французин Бони, само пет минути по влегувањето на теренот.
Foto/ EPA/MATTEO BAZZI
Спорт
Богати премии ќе добијат играчите на Црвена звезда ако се пласираат во ЛШ

Црвена звезда загуби од Пафос во Белград со 1:2 во првиот натпревар од плејофот за пласман во Лигата на шампионите. Жоао Кореја и Пепе постигнаа голови за кипарскиот клуб, додека српскиот тим ја намали предноста со голот на Бруно Дуарте.
Српскиот шампион ќе има тешка задача во вторник во 21:00 часот на Кипар, каде што ќе се обиде да го надомести дефицитот и да се пласира во елитното клупско натпреварување.
Доколку успеат во ова, фудбалерите на Црвена звезда ќе добијат големи премии. Според информациите на „Спортклуб“, играчите на Звезда кои ги играат главните улоги ќе бидат наградени со по 100 илјади евра. Премиите наводно ќе се зголемат на 120.000 евра ако се квалификуваат во Лигата на шампионите без продолженија и пенали.
Доколку Црвена звезда испадне, ќе оди во главната фаза на Лигата на Европа, додека Пафос ќе игра во главната фаза на Лигата на шампионите.
Учеството во групната фаза на Лигата на шампионите носи многу пари. Црвена звезда минатата сезона освои шест бода во осум натпревари и го освои 29-то место во конкуренција на 36 клуба. Од УЕФА заработи 32 милиони евра, а тоа не ги вклучува парите што клубот ги заработил на натпреварите што ги одигра на домашен терен.
Во јули оваа година, генералниот директор на белградскиот клуб Звездан Терзиќ потврди дека настапот во Лигата на Европа ѝ носи на Црвена звезда околу 15 милиони евра, односно половина од она што го носи пласманот во Лигата на шампионите.