Спорт
Двојната титула на дофат за Галата! И покрај двата поништени гола го победи Башакшехир (видео)
Една од најинтересните завршници на Турската Суперлига имаше драматичен епилог, откако Галатасарај со 2:1 го совлада Башакшехир во големото дерби на претпоследното коло за само чудо да го спречи да ја освои двојната круна.
Пред овој дуел, двете екипи беа израмнети со по 66 поени на врвот на лигата, иако Галата ја имаше огромната предност во гол-разликата – +9 пред Башакшехир. Сега, „лавовите“ имаат три поени пред своите ривали пред дуелот со Сиваспор во последното коло, и потребно е големо чудо за ова да се надополни, бидејќи Башакшехир ја пречекува Аланија.
Но, до победата не се дојде лесно. Преполната „Турк телеком арена“ ја замолче босанскохерцеговскиот напаѓач Риад Бајиќ во 17-тата минута. По ова следуваа бизарни сцени – фудбалерите на клупата на двата тима влегоа во конфликт, а судијата Чунејт Чакир на крајот подели по еден жолт картон за Исмаил Чипе (Галатасарај) и Емануел Адебајор (Башакшехир).
Cüneyt Çakır, kulübeler arasındaki gerginliği VAR ekranında inceledi ve yedek kulübesinde yer alan İsmail Çipe ve Emmanuel Adebayor’a sarı kart gösterdi.
Tüm Goller için • @KramponSport pic.twitter.com/OqhlO5FQLi
— Krampon GOL (@golkrampon) May 19, 2019
Софијане Фегули ја потврди теренската иницијатива на домашниот тим со одличен гол во 47. минута, по што фудбалерите на Галатасарај постигнаа два гола кои беа поништени (еден поради игра со рака, а еден поради офсајд), пред нигерискиот напаѓач Хенри Оњекуру да постигне убав гол со глава во 64. минута за целосен пресврт и 2:1 водство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Лејкерси го отпуштија тренерот
Лос Анџелес Лејкерс му врачија отказ на тренерот Дарвин Хем. Отказот е последица на елиминацијата, во првата плеј-оф рунда од актуелните шампиони Денвер Нагетс.
За две сезони на кормилото на Лејкерс, Хем забележа 90 победи и 74 порази, минатата сезона стигна до конференциското финале и беше елиминиран од Денвер со 4:0, исто му се случи и оваа сезона, разликата беше само што Лејкерс успеаја да добијат еден натпревар.
Исто така Лејкерси со Хем го освоија турнирот кој се одржува во текот на сезоната во НБА.
Претходно Хем беше асистент во Милвоки Бакс, Атланта Хокс и ЛА Лејкерс.
Спорт
На тренерот на Будуќност му се заканиле со киднапирање на ќерката: Ќе ја фрлиме во река
Црногорскиот фудбал долго време се наоѓа при дното во Европа, но ова што се случува во изминатите два месеци нема никаква врска со фудбалот.
Во црногорскиот фудбал во последно време имаше многу скандали, дивеењето на навивачите на Сутјеска во Тиват, тепачката меѓу играчите по завршувањето на натпреварот меѓу Бокељ и Ком, потоа тепачката меѓу челниците на клубовите Арсенал и Морнар во Тиват, инцидентото што го предизвика голманот на Будуќност, Ѓорѓија Пваличиќ кога нокаутираше соиграч…
Тренерот на Будуќност, Иван Брновиќ поднесе кривична пријава против непознато лице, бидејќи добил информација дека неговата ќерка е киднапирана и дека ќе биде фрлена во река доколку не плати 20.000 евра.
Се испоставило дека неговото 13-годишно дете е безбедно, но заканата била сфатена сериозно, но без сомнение Брновиќ и целото семејство се во во страв.
Заканите биле испратени по тренингот, кога тренерот требало да има средба со навивачката група на клубот, наречена „Варвари“, но таа била откажана поради грозоморните закани.
Спорт
Куртоа се враќа, но нема да брани во Лигата на шампионите
Првиот голман на Реал Мадрид, Белгиецот Тибо Куртоа би требало да се врати во првиот тим по тешката повреда на коленото, изјави на прес-конференција тренерот на Реал, Карло Анчелоти.
Реал игра против Кадиз во шпанската лига и тоа треба да биде првиот натпревар на Куртоа за „кралскиот клуб“ оваа сезона.
Анчелоти изјави дека Куртоа нема да брани во Лигата на шампионите.
Андриј Лунин е првиот избор на тренрот во среда, кога Реал во Мадрид ќе го одигра полуфиналниот реванш против Баерн.
Украинецот беше одличен за Реал во елитното европско натпреварување и Анчелоти не сака да го користи Куртоа кој штотуку се врати по тешката повреда.
На прашањето кој ќе брани доколку Реал влезе во финалето на Лигата на шампионите, Анчелоти одговори: „Не знам“.