Регион
Шешељ: Србија, Бугарија и Македонија треба да влезат во сојуз со Русија
Лидерот на Српската радикална партија Воислав Шешељ смета дека Србија, Бугарија и Македонија треба да влезат во сојуз со Русија, наведувајќи дека „Западот не им е пријател на овие земји“.
Лидерот на Српската радикална партија Воислав Шешељ смета дека Србија, Бугарија и Македонија треба да влезат во сојуз со Русија, наведувајќи дека „Западот не им е пријател на овие земји“.
„И на Србите и на Бугарите им стана полошо од ЕУ. Бугарите формално се член на ЕУ, а фактички не се. Бугарија сега живее полошо од порано. Србија треба да го отфрли членството во ЕУ. Јас се надевам дека тоа ќе се случи и во Македонија. Македонците ќе сфатат дека на Запад не им се пријатели. Тоа е нашата стратешка визија Србија, Македонија и Бугарија да влезат во сојуз со Русија“, изјави Шешељ во интервју за емисијата „Во центар“ на новинарот Васко Ефтов.
Шешељ исто така смета дека Бугарија престанала со изградбата на гасоводот „Јужен тек“ поради притисоците од страна на Европската унија и дека ова било против интересите на бугарскиот народ./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.