Вести
Тројца мртви во насилствата и протестите на исламистите во Египет

Три лица, меѓу кои и генерал, смртно настрадале, а 25 се ранети во петокот во престрелки и судири коишто избувнаа во текот на исламистичките протести ширум Египет, пренесува Reuters повикувајќи се на безбедносни и болнички извори.
Три лица, меѓу кои и генерал, смртно настрадале, а 25 се ранети во петокот во престрелки и судири коишто избувнаа во текот на исламистичките протести ширум Египет, пренесува Reuters повикувајќи се на безбедносни и болнички извори.
Припадниците на египетската полиција претходно во петокот беа распоредени на улиците поради најавените протести. На демонстрации повика тврдолинијашката ултраконзервативна групација Салафи Фронтот којашто има цел да ги тргне од власта владата и претседателот Абдел Фатах ал-Сиси, маршал кој пред стапувањето на должноста беше челник на Врховниот совет на вооружените сили на Египет и кој во летото 2013 година го отстрани од власта првиот избран на избори египетски челник, исламистот Мохамед Морси, откако тој не успеа да се договори со секуларната опозиција којашто го обвинуваше за присвојување на овластувањата од судовите и за исламизирање на уставот на земјата, поради што организираше протести во кои во судирите со приврзаниците на неговото Муслиманско братство загинаа стотици луѓе.
Подоцна големото исламистичко движење Муслиманско братство организираше постојани масовни протести во коишто загинаа повеќе од илјада луѓе, организацијата беше забранета и прогласена за терористичка а стотици нејзини челници, како и Морси, се уапсени и судени по разни обвинувања, од заговори и предавства, до поттикнувања на убиства.
Во каирскиот кварт Матарија е убиено едно лице пред безбедносните сили да успеат да ги растераат демонстрантите. Неколку часа пред почетокот на протестите убиен е генерал-мајор на египетските копнени војски, а две лица се ранети кога група вооружени мажи отвориле оган на паркиралиште во близина на Геср ал-Суец, соопштија безбедносни извори.
Агенциите јавуваат дека на протестите не се одѕвале многу луѓе, особено во споредба со собирите на милиони Египќани во февруари 2011 година кога во бранот од ткн Арапска пролет беше соборен деценискиот автократски претседател Хосни Мубарак.
Демонстрантите повикувале да се зачува „муслиманскиот идентитет“ на Египет и на „исламистичка револуција“, пренесува интерент изданието на каирскиот дневен весник Al Ahram.
Reuters пренесува дека во најголемите собири во Каиро, во квартовите Матарија учествувале само педесетина лица. Насилството избило и во јужниот град Бени Суеф, како и во градовите Шаркија и Кафр Шејк на делтата на Нил./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Вести
“Во основа е пекол на земјата”: Градот Газа оставен тотално без здравствената заштита

Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.
“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.
Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.
Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.
Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.
Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.
Вести
Борел: Целосно е невозможно да се евакуираат милиони луѓе од северот на Газа

Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.
Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.
„Да се замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.
И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.
„Позицијата е јасна“, рече Борел. „Но, како и секое право, тоа има граница. А таа граница е меѓународното право“.
Вести
Проценки на ОН: Десетици илјади луѓе веќе ја напуштија Газа

Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.
Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.
Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.
Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.
Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.