Спорт
Кој е Лудовит Реис, најновото холандско засилување за Барса?

Гронинген потврдија дека нивниот 18-годишен талент, Лудовит Реис, направил трансфер во Барселона со долгорочен договор во кој е вклучена клаузула од 100 милиони евра.
Се верува дека Барселона платиле 3 милиони евра за Реис, кој е роден во Холандија, а неговите родители се од Словачка, но Гронинген може да заработи дополнителни 5 милиони евра ако се исполнат другите услови.
Реис е „продукт“ на академијата на Гронинген, од каде претходно дојдоа и Виргил ван Дајк, Арјен Робен, Душан Тадиќ, Луис Суарез и Дејли Блинд, и дебитираше за првиот тим во септември 2017 година. Тој ќе остане запишан во историјата на Ередивизие, бидејќи неговиот гол против Спарта Ротердам го направи првиот фудбалер роден во 21-виот век кој постигнал гол во холандската екипа.
??? LATEST NEWS: Dutch midfielder Ludovit Reis joins Barça from FC Groningen, where he played 50 official games, signing a deal for the next three seasons
? Welcome, Ludovit!
? https://t.co/KSjj09muQI #ForçaBarça pic.twitter.com/tpX3c4Tw2u
— FC Barcelona B (@FCBarcelonaB) May 23, 2019
Реис беше постојано во првиот тим на Гронинген и техничкиот директор на холандскиот клуб, Марк-Јан Фледерус вели дека трансферот е комплимент за клубот.
„Младинскиот скаут ги препозна квалитетите на Лудовит уште пред четири години и го убеди да потпише за нас. Нашите тренери му помогнаа во развојот и тој многу млад успеа да се избори во првиот тим. Ова покажува дека е можно талентирани млади фудбалери во Гронинген да направат трансфери во клубови како Барселона. Му посакуваме успех“, вели Фледерус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Димитриевски би можел да се пресели во Елче

Столе Димитриевски до крајот на преодниот рок ќе ја напушти Валенсија. Целта на македнскиот репрезентативец е да остане во Шпанија.
Димитриевски, минатото лето како слободен играч пристигна во Валенсија од Рајо Ваљекано. Претходно клубот го продаде Георги Мамардашвили во Ливерпул, но клубот од Англија репи да го остави голманот на позајмица.
Кога клубовите се договорија јасно беше дека Димитриевски ќе биде резерва. Бранеше само на натпреварите во Купот и на неколу натпревари во првенството кога Грузиецот беше повреден.
Статусот на Димитриевски не се подобри ниту по завршувањето на сезоната, Мамардашвили замина, но Валенсија реши на позајмица од Атлетик Билбао да го донесе младиот голман Хулен Агирезабала.
Поради ваквата одлука на клубот македонскиот репрезентативец сака да ја напушти „Местаља“.
Шпанските медиуми пишуваат дека постои шанса Димитриевски новата сезона да ја мине на позајмица во Елче. Клубот по пауза од една година се врати меѓу шпанската елита и бара искусен голман за предизвиците во Примера.
Foto/ EPA/Rodrigo Jimenez
Спорт
Де брујне ја објасни разликата помеѓу Конте и Гвардиола

Кевин Де Брујне вели дека се стреми кон 25-от трофеј во својата прва сезона со Наполи и ги објасни разликите помеѓу Пеп Гвардиола во Манчестер сити и Антонио Конте.
„Би рекол дека имаат два различни начини на игра. Пеп е веројатно малку повнимателен во контролата и поседот на топката, додека Конте е малку поструктуриран во играта и многу се фокусира на менталитетот. Пеп работи повеќе во просторот“, изјави Де Брујне за „Кориере дело Спорт“.
„Постојат неколку различни работи, но секој тренер има свои принципи и карактеристики“.
Белгиската ѕвезда, исто така, објасни кој трофеј најмногу сака да го освои за време на неговиот престој во Наполи.
„Веројатно Скудетото, но никогаш не сакам да бирам. Ќе земам што можам да освојам. Сепак, бидејќи никогаш не сум играл во Италија, освојувањето на лигата би била добра цел, тоа би било многу кул“.
Спорт
На сите играчи што ќе испаднат од Серија А ќе им бидат намалени платите

Италијанската фудбалска федерација и Серија А постигнаа договор со кој платите на фудбалерите ќе бидат намалени за 25 проценти доколку нивните тимови испаднат во Серија Б.
Петгодишниот договор беше објавен денеска. Намалувањето на платите има за цел да го намали финансискиот притисок врз клубовите испаднати од Серија А и ќе важи за сите договори потпишани по 2 септември 2025 година.
Новиот систем автоматски ги намалува платите, освен ако не е поинаку наведено во договорот на играчот.
Постојните договори ќе останат предмет на претходно договорени услови. Доколку тимот се врати во Серија А, платите ќе се вратат на нивната оригинална вредност.
Колективниот договор, исто така, воведува структура на минимална плата врз основа на возраста на играчот, која не може да се намали дури ни по испаѓањето.