Повеќе од 700 милиони жени биле омажени на детска возраст, а и натаму повеќе од 130 милиони жени се подвргнати на генитално осакатување, предупреди во вторникот организацијата на Обединетите нации за заштита на децата – УНИЦЕФ, на конференцијата во Лондон посветена на детските бракови и гениталното сакатење на жените (FGM).
 
 
 

Повеќе од 700 милиони жени биле омажени на детска возраст, а и натаму повеќе од 130 милиони жени се подвргнати на генитално осакатување, предупреди во вторникот организацијата на Обединетите нации за заштита на децата – УНИЦЕФ, на конференцијата во Лондон посветена на детските бракови и гениталното сакатење на жените (FGM).

Велика Британија и УНИЦЕФ се организатори на собирот „Girls Summit“ посветен на двата големи општествени проблема – мажењето на девојките на детска возраст и нивното генитално сакатење, на кои и покрај сите напори не може да им се стави крајот.„Гениталното сакатење и мажењето на девојчињата со договори, трајно им нанесуваат штета на женските деца, лишувајќи ги од правата да носат сопствени одлуки и да го достигнат својот целосен потенцијал. Тоа нанесува голема штетата и страдање на самите девојчиња, на нивните семејства и на општествата“, изјави извршниот директор на УНИЦЕФ, Ентони Лејк. Девојките кои се мажат пред 18-та година се изложуваат на зголемен ризик од семејно насилство и почесто умираат или трпат компликации во текот на бременоста и породувањето, се додава во извештајот на УНИЦЕФ.Речиси половината од „девојчињата невести“ живеат во јужна Азија, иако африкански Нигер е земјата со најголем процент присилни детски бракови, дури 77 отсто. Податоците покажуваат дека бројот на девојчињата изложени на гениталното осакатување денес е за третина помал отколку пред три децении, но и натаму се практикува во 29 земји во Африка и на Блискиот исток. Се преоценува дека на ваквата тортура се изложени 130 милиони жени во светот.Гениталното осакатување на жените подразбира делумно или целосно отстранување на женските генитални органи, и може да биде извор на трајна болка, долго крвавење, инфекции, неплодност, па и смрт.На лондонскиот „Girls Summit“ учествуваат многу светски политичари, здруженија кои се борат против гениталното осакатување на жените и мажењето на девојчињата, славни личности, како и самите жртви на ваквите појави.„Честопати размислувам за тој страв што го чувствува секое девојче одведено во шума, силум заврзана на земјата со раширени нозе. Размислувам и за моментот кога ќе сфати дека нејзиниот иден сопруг е постар од нејзиниот татко. Се прашувам, што доколку тоа сум јас“, изјави индиската актерката Фреида Пинто, ѕвездата на филмот „Slumdog Millionaire“.Британскиот премиер Дејвид Камерон го искористи самитот за да објави дека родителите коишто ќе спречат изложување на своите ќерки на бруталната постапка на гениталното сакатење ќе бидат кривично гонети. Се верува дека во Велика Британија околу 170 илјади жени се жртви на гениталното осакатување. „Застрашувачките обичаи како овие, без оглед на тоа колку длабоко се вкоренети во општествата, ги кршат правата на девојчињата и на жените во целиот свет, вклучително и тука во Обединетото Кралство“, изјави премиерот Камерон.Иако гениталното сакатење во Велика Британија е прогласено за незаконско уште во 1985 година, дури во почетокот од оваа 2014 година беше покрената првата кривична постапка за ваков случај./крај/мф/сн

Извор: DPA