Спорт
Во понеделник пак најбогатиот меч во светот на фудбалот – Вила и Дерби за 170 милиони фунти
Астон вила ќе играат со Дерби каунти во баражот за пласман во Премиер лигата во понеделник, во тоа што веќе подолго време е најбогатиот фудбалски меч во историјата на фудбалот, со 170 милиони фунти „награда“ покрај местото во англиската елита.
Астон вила се во „аут“ веќе три сезони, додека Дерби се „заглавени“ во Чемпионшипот од последното испаѓање во 2008 година.
Вила, под водство на Дин Смит, се мали фаворити во финалето, бидејќи имаа низа од 10 победи едноподруго, која заврши во полуфиналето кај градските ривали Вест Бромвич албион.
„Моментот мора да се заддржи. Имаме многу за играње во тоа финале, така што мораме да сме подготвени“, вели Смит, кој го замени Стив Брус на „Вила парк“ во октомври.
Дерби пак, под водство на легендата на Челси, Френк Лампард, стигнаа до фантастична 4:2 победа на гости кај Лидс јунајтед за да добијат пат до „Вембли“.
„Чувството дека се борите за куп беш добро за нас. Потребно ни е да имаме менталитет на голем меч“, вели Лампард, кој ќе се судри со својот поранешен соиграч Џон Тери, кој е помошник на Смит кај ривалите.
Двата клуба имаат голема историја зад себе. Вила се седумкратни англиски шампиони и освојувачи на европската титула во 1982 година, додека Дерби имаат две титули во 1970-тите.
Норич сити и Шефилд јунајтед веќе имаат обезбедено место во Премиер лигата, што ќе им донесе барем 170 милиони следната сезона. Доколку клубовите успеат да опстанат во лигата барем уште една сезона, таа сума ќе скокне на минимум 300 милиони фунти.
Тие 170 милиони се добиваат прво како награда за играње во Премиер лигата, која изнесува 95 милиони фунти, плус дополнителни 75 милиони фунти доколку веднаш испаднат во сезоните 2020/21 и 2021/22. Минатогодишните победници на баражот, Фулам, веднаш се вратија во Чемпионшип.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тежок пораз на МЗТ од Спартак во Суботица
Македонскиот шампион МЗТ Скопје и наредната сезона ќе се натпреварува во Втората АБА лига. МЗТ, вечерва доѓивеа убедлив пораз на гостувањето кај најдобриот тим во регуларниот дел од сеозната, Спартак Суботица.
МЗТ имаше мали шанси да го изненади фаворизираниот противник, кој во Скопје победи со пет поени разлика. Но ниту најголемите песимисти не очекуваа дека македонскиот шампион ќе доживее тежок пораз.
Спартак сите дилеми, ако воопшто и ги имаше, ги реши во првото полувреме. Екипата од Суботица реализираше 80 отсто од шутевите за три поени во првиот дел (8/10) и на пауза замина со резултат 57:32.
Вториот дел беше само одработување на започнатото за Спартак кој славеше со 98:64.
Спартак за место во АБА лигата ќе се бори со Војводина.
Спорт
(Видео) Порту ја растури Барселона, Реал ја освои титулата во Шпанија
Фудбалерите на Џирона ја победија Барселона во 34.коло со 4:2 и го промофираа Реал Мадрид во нов шампион на Шпанија. На четири кола до крајот на сезоната Реал има 13 бодови повеќе од Џирона и 14 од Барселона.
Џирона втор пат сезонава во каталонското дерби ја победи Барселона. На „Монтоливи“, вечерва избраниците на Мичел славеа со пресврт.
Кристенсен погоди за Барселона во третата, а во четвртата минута изедначи Довбик со својот 17.коло во Примера. Втор пат во историјата на Примера се случива двата тима да постигнат по гол во првите пет минути.
До крајот на полувремето, во 46.минута), Левандовски направи пресврт и Барса со 1:2 замина на одмор.
Второто полувреме мина во знакот на Порту. Крилниот напаѓач на Џирона, во само девет минути ја креираше победата на својот тим. Во 65.минута изедначи на 2:2, потоа у асистираше на Гутиерез, а во 74.минута со својот втор гол стави точка на натпреварот.
Спорт
(Видео) Покер голови на Халанд, Сити го декласира Вулверхемптон
Фудбалерите на Манчестер сити на домашен терен го декласираа Вулверхемптон со 5:1, во 36. коло од англиската Премиер лига.
Блескаше Ерлинг Халанд кој постигна четири гола за домашниот тим (два од пенал). Сакаше да го постигне и петтиот поради што беше видно незадоволен и негодуваше во моментот кога Пеп Гвардиола реши да го замени во 82. минута.
Со оваа победа „Граѓаните“ ја задржаа пол-позицијата во борбата за титулата со Арсенал. На две кола пред крајот тимот од Лондон има бод повеќе, но Сити има меч помалку и доколку ги победи Фулам и Тотенхем на гости, а Вест Хем дома, ќе ја одбрани титулата шампион на Англија без разлика на резултатите на Арсенал, кој ќе гостува кај Манчестер јунајтед и ќе го пречека Евертон во последното коло.
Денеска избраниците на Пеп Гвардиола ја завршија работата во првото полувреме кое го одиграа во прилично лесен ритам и го решија во своја корист со 3:0, благодарение на хет-трикот на Ерлинг Халанд.
Во вториот дел Хванг намали на 3:1, но Халанд само 60 секунди подоцна му ја врати на Сити преднста од три гола. До крајот замената на Халанд, Хулијан Алварез во 84.минута го постави конечниот резултат.