Ако Русија процени дека НАТО е слаб, би можела да биде подготвена да води „војна од големи размери“ во Европа во рок од пет години, објави Данската разузнавачка служба за одбрана, пишува „Политико“.

„Русија веројатно ќе биде поподготвена да употреби воена сила во регионална војна против една или повеќе европски земји на НАТО, ако оцени дека НАТО е воено ослабен или политички поделен“, се вели во извештајот објавен вчера.

„Ова е особено веројатно ако Русија оцени дека САД не се во можност или не сакаат да ги поддржат европските земји на НАТО во војна со Русија“, продолжува извештајот, нагласувајќи дека Русија ги засилува своите воени капацитети за да се подготви за можна војна против НАТО.

Ажурираната проценка на заканата од Данската разузнавачка служба доаѓа додека американскиот претседател Доналд Трамп се обидува да стави крај на војната во Украина, која влегува во својата четврта година овој месец. Агенцијата нуди три сценарија кои би можеле да се случат доколку конфликтот во Украина престане или замрзне, почнувајќи од претпоставката дека Русија нема капацитет да води војна со повеќе земји истовремено.

Според проекциите во ажурирањето, Русија би можела да води локална војна со погранична земја во рок од шест месеци, додека би можела да започне регионална војна во областа на Балтичкото Море во рок од две години. За пет години, може да изврши напад од големи размери врз Европа, под услов САД да не се вмешаат.

Агенцијата забележува дека не го земала предвид можното зголемување на одбранбените капацитети на НАТО.

Трамп ги повика членките на НАТО да ги зголемат трошоците за одбрана на 5 отсто од БДП, што е повеќе од двојно од сегашната цел, и сугерираше дека САД би можеле да се повлечат од воената алијанса доколку нивните сојузници не ги исполнат своите финансиски обврски.

Трамп минатата година рече дека ќе ја „охрабри“ Русија да ја нападне секоја членка на НАТО што нема да ги исполни своите финансиски обврски.

Канадскиот премиер Џастин Трудо планира да се сретне со претседателката на Европската комисија Урсула фон дер Лајен и претседателот на Европскиот совет Антонио Коста во Брисел за да ги подобри односите со блокот.

Патувањето на Трудо беше објавено неколку дена откако Соединетите Држави ги суспендираа планираните царини до 25 отсто за увоз од Канада и Мексико, бидејќи двете земји се согласија на нови мерки за безбедност на границата.

Поради заканата од американските царини, Трудо се фокусира на ЕУ, втората по големина дестинација за Канада за извоз на стоки и услуги по САД.

Состанокот во Брисел „ќе помогне да се обезбеди силна, просперитетна иднина за луѓето од двете страни на Атлантикот“, се вели во соопштението за печатот.

Трговијата меѓу Канада и ЕУ достигна вкупно 157,3 милијарди канадски долари (109,8 милијарди американски долари) во стоки и услуги во 2023 година, според канадската влада.

Договорот за слободна трговија привремено стапи на сила во 2017 година. Сепак, тој сè уште не е ратификуван од сите 27 земји-членки на ЕУ, што значи дека може да се применува само делумно.

Други теми за кои ќе се разговара се трансатлантската безбедност и поддршката за Украина.

За време на неговата посета на Брисел, Трудо ќе се сретне и со генералниот секретар на НАТО, Марк Руте, за да ја „потврди посветеноста на Канада да работи со Алијансата за одржување на демократијата, мирот и безбедноста“, се вели во соопштението.

Одделот за здравство на Нов Јужен Велс во Австралија повика полиција и започна итна истрага откако на социјалните мрежи се појави снимка на која се гледаат двајца медицински работници од болницата Банкстаун како се фалат дека убиваат и одбиваат да лекуваат израелски пациенти, дознава „Сиднеј морнинг хералд“.

Лицата се идентификувани и суспендирани од должност во очекување на целосна истрага, објави Би-би-си.

Министерот за здравство на Нов Јужен Велс, Рајан Парк, рече дека е згрозен од снимката, која стана вирална на социјалните мрежи, додека заменик-министерот за надворешни работи на Израел повика на отпуштање на мажот и жената што се појавуваат на видеото.

pic.twitter.com/vn4wFVs5N0

— Ryan Park MP (@RyanPark_Keira) February 12, 2025

„Овие коментари се одвратни, дехуманизирачки и неприфатливи“, рече Парк.

Парк додаде дека коментарите од видеото не ги одразуваат вредностите на заедницата на Нов Јужен Велс. „Побарав од Министерството за здравство на Нов Јужен Велс итно да започне истрага за да се идентификуваат овие лица, а случајот е пријавен и во полиција“, рече Парк, додавајќи: „Ако истрагата го потврди ваквото однесување, овие лица повеќе нема да работат за Одделот за здравство на Нов Јужен Велс“.

***Breaking***@NSWHealth & @RyanPark_Keira launches investigation after video of two NSW health professionals reportedly saying they would refuse to treat Israelis at Australian hospitals & would kill them@theage @australian @theheraldsun @2GB873 @abcnews @AlboMP pic.twitter.com/PrRKCGxB43

— Menachem Vorchheimer (@MenachemV) February 11, 2025

Израелскиот инфлуенсер Макс Вејфер објави видео на „Инстаграм“ и „Тик Ток“ во кое разговара со маж и жена. На прашањето што би се случило доколку израелски пациент дојде во болница, жената изјавила дека ќе го убие пациентот: „Не би го лекувала, туку би го убила. Еден ден ќе дојде вашето време и ќе умрете на најстрашниот начин“.

„Сиднеј морнинг хералд“ не можеше самостојно да ја потврди автентичноста на видеото.

There needs to be an investigation immediately into these two Australian medical professionals who are saying they will kill Israeli patients – and suggesting that they already have. They are expressing criminal intent towards Jewish people, this must be stopped.
Antisemitism is… pic.twitter.com/YCX3w9YVcY

— Sharren Haskel השכל שרן (@SharrenHaskel) February 11, 2025

Израелскиот заменик-министер за надворешни работи, Шарен Хаскел, рече дека треба да се спроведе истрага: „Треба да има итна истрага за овие двајца австралиски медицински професионалци кои рекоа дека ќе убијат израелски пациенти – и сугерираа дека веќе го сториле тоа. Тие изразуваат криминална намера против Евреите, ова мора да престане“.